ايش الحل ؟

[هموووسة 2010]

السلام عليكم ورحمة الله وبركاته

انا طالبة في الجامعة دفعة 10 يعني من بنات السنة اللي فاتت والى الان انا في السنة التحضيرية
قصتي باختصار اول سنة جاتني زي الصدمة واكتئاب شديد من المواد المرعبة دي وقررت اني احول مساري من علمي الى اداري من الترم الاول حسيت بعدم ارتياح في اول شهر وحاولت احول ماخليت مكان ماسألت فيه حتى عميدة السنة التحضيرية رحتلها وقولتلها بنفسي كيف اقدر احول قالتلي ماينفع تحولي مع العلم انو كان في تحويل وقتها بس مااعرف ليش ماقالتلي امكن عقد نفسية عندها تحب تشوف اي شخص يتعذب الله اعلم ايش كان في نيتها وبعدين دخلت الاختبار النهائي وياريتني مادخلت وبعد مااختبرت رجعت وسألت مرا ثانية عن التحويل كلهم قالولي نفس الكلام مادام اختبرتي نهائي ماينفع التحويل ماقولت غير حسبي الله ونعم الوكيل يعني جيتكم قبل مااختبر ماقولولي دا الكلام تخيلو عديمة الاحساس ايش قالتلي والله موشغلي امكن ماسألتي كثير في ديكا اللحظة كان نفسي اعطيها كف اشوف فكها يطير من فمها بس مسكت نفسي وقولت محاانطرد عشان حشرة زي هادي المهم طبعا رسبت في المواد العلمية كلها ماعدا الاحياء يعني (رياضيات واحصاء وفيزياء وكيميا )
طبعا مااخذت صيفي لاني حاولت اجيب واسطة من هنا ومن هنا واقولها باسف شديد مع اني مااحب الواسطات لانها افسدت مجتمعنا بس عاد ايش اسوي مجتمعنا الخربان مايمشي غير بالواسطات وبرضو الواسطة مانفعت وكلمنا دكتور في الجامعة ولد عم بابا وقال مادام عندها 4 مواد خليها تكمل واحنا نخصصها اللي تبغاه بس انا نفسيتي تعبت وطفح بي الكيل ومن يوم ماامسك الكتاب احس اني بختنق

خلص الصيف وبدأ الترم الاول وبدأ معاه فصل جديد من الكأبة والخوف والتوتر وقلت في نفسي خليني ابدأ بداية منعشة امكن ربنا يفتحها عليا وامشي وجبت مدرسات كيميا ورياضيات واحصاء طبعا هادي المواد اللي نزلتلي الترم دا ومااقولكم على الدوريات الرياضيات :الاول 14 والثاني 10 والنهائي الله اعلم انا حاسة اني ماحليت كويس والكيميا الاول 18 والثاني 8 والنهائي الله اعلم لسى مااختبرت الربوع النهائي ومالي نفس افتح كتاب مخنوووووقة والاحصاء احسنهم :الاول 26 والثاني 19 والنهائي الله اعلم ماذاكرت بس ان شاء الله بنجح فيه وهكذا
فأنا مليت وحسحب واسجل مرا ثاني بس اداري وانساني ..
اولا لحد يقولي كملي لانه طفح الكيل والانسان عنده ليمت محدد للصبر ونا من يوم مادخلت الجامعة مني حاسة اني عايشة بصراحة ضاع كثير من عمري ومرضت جاني القولون العصبي فامافي حل غير اني اسحب واسجل تاني اداري
وحبيت اسأل اذا سحبت بعد النتايج لهذا الترم اقدر اسجل وابدأ من الترم الثاني ؟؟؟
انا صحبتي سجلت من السنة اللي فاتت على الترم الثاني ودرست خطة ب الترم الثاني وبعدالصيف دحين بتدرس خطة أ فاماأدري يعني ممكن اسجل زيها ؟؟؟

وانا خايفة انهم مايقبلوني لاني سجلت ودرست سنة وسحبت وهما امكن عندهم الاولوية للمتخرجين جدد ارجو الافادة اللي عنده علم بالشي دا وحدعيلو من قلبي
شكرا ...

[ǁ غــلأآإ ، رٍوٍحــي ǁ]

^^

اسحبي قبل الاختبارات النهائيه ..
لإن لو انتظرتي النتايج النهائي ..
ولآ سمح الله جبتي إف في بعض الموآد .. رآح يتم طي قيدك وفصلك من الجآمعة
وبعدهآ ماتقدري تقدمي من جديد أبدن ..

واذا سحبتي ماتقدري تسجلي الا على بدايه السنه الجديدهـ ..
لإن مافي تسجيل على الترم الثاني :)
والاولويه للي نسبهم عاليه مايفرق تاريخ شهاده الثانوي ..

بالتوفيق لكِ ..

[هموووسة 2010]

بس انا دخلت الرياضيات والاحصاء وباقيلي الكيميا الربوع دا فاايش اسوي ؟؟
وشكرا غلا روحي جزاكي الله خير والله يوفقك

[ǁ غــلأآإ ، رٍوٍحــي ǁ]

^^
اذا تبغي تدخلي الإختبار الربوع أدخلي :$

بسس يفضل إنك تسحبي قبل ماتطلع النتـآيج هذا الترم ..
لإن بعدها راح ينعمل لك طي قيد .. بسسبب إنك أخذتي المآده أكثر من مرهـ ..

[هموووسة 2010]

بس انا قالولي انو في 3 فرص للمادة والترم الثاني كمان عندي بحكم اني مادخلت صيفي :$

[..Huda Hamad]

المشاركة الأصلية كتبت بواسطة هموووسة 2010 بس انا قالولي انو في 3 فرص للمادة والترم الثاني كمان عندي بحكم اني مادخلت صيفي :$

لو إنك دخلتي صيفي كان صار لك ثلاث فرص..

بس ما دام ما دخلتي راحت عليك فرصة..

يعني هذا السمستر آخر شيء لك..

..‏^‏.‏~‏..

[azo115]

ماقول الا شد حيلك في ها السنة والله ان شاء الله بيوفقك ......الواحد في ها السنة خصوصا لازم يتعب واللي ما يتعب ما راح يحصل .... ف اضغطي ع نفسك شويتين وقولي بنجح .!!!

تقبلي مروري

[..Huda Hamad]

إذا سحبتي ورجعتي تسجلي مره ثانية عادي..

ما يكون فيه أولوية للجدد ولا شيء..

بس لو رجعتي رسبتي مره ثانية رح يطوى قيدك وتصيري زي مفصولة..

وبكذا ما تقدري تسجلي من جديد..

بس غريبة ليش ما حولوكي..

أنا أعرف بنت حولت من السمستر الثاني بالسنة إللي فاتت..

الله يعينك يا قلبي..

ويوفقك إن شاء الله..

وبالنسبة للتقديم أنا ما أعرف إذا فيه تقديم من نص السنة يعني من السمستر الثاني..

بس إللي أعرفو إنو التقديم سنوي يعني بداية السنة حتى لو تبغى سمستر ثاني..

بس إتأكدي من كلامي أول..

وبالتوفيق يا قلبي إن شاء الله..

..‏^‏.‏~‏..

[هموووسة 2010]

شكلك ماقريت موضوعي كويس بس شكرا على ردك والله يوفقك وانا ماابغى اضيع وقت اكثر من كذا وفي النهاية يطوو قيدي

[هموووسة 2010]

نملة كاشخة شكرا ياقلبي على مرورك بس صحبتك هادي اكيد مادخلت النهائي حق الترم الاول عشان كدا حولوها
لانه انا قالولي مادامك دخلتي النهائي فا صعب التحويل