بخصوص دورات التقوية في الرياض

[4abdulaziz]

الاخوة الزملاء ا لسلام عليكم ,,
ياليت اللي عنده خلفية عن المراكز والمعاهد اللي تقدم دورات دراسية ( تقوية ) واللي حاطين لهم اعلانات في اعلى المنتدى ,, فضلا يعطينا رايه فيهم ..لاني محتاج اشترك معاهم ومدري من الافضل . والمواد هي محاسبة101 واقتصاد جزئي وكمي204
بالتوفيق للجميع ,,

[ماجد الفاقد]

وعليكم السلام ورحمة الله وبركاته

اخوي عبدالعزيز ...

أنا اخذت دورة تقوية في اكاديمية الزرقا ودرست بالضبط مادة محاسبة 101 ومادة تحليل كمي 204 وانا سجلت عن طريق الرابط هذا : http://www.qm10.com/

بالنسبة للمدرس الي يشرح مادة المحاسبة سوداني اسمه جار النبي وماشاء الله عليه فاهم ويعرف كيف يوصل المعلومة وبصراحة انا استفدت من شرحه .

أما مادة التحليل الكمي عند الاستاذ خالد (مصري) وماشاء الله عليه عنده اسلوب توصيل المعلومة وصراحة تحس معاه ان المادة جدا سهلة .

ويجيبون لك اسئلة السنوات الماضيه ويحلونها ويشرحونها ، لكن يد وحدة ماتصفق . اذا كنت تبي تجيب درجات عالية خصوصا بمادة المحاسبة والتحليل الكمي لازم تتدرب في البيت على حل المسائل ولا تعتمد على فهمك للمدرس.

أما الافتصاد الجزئي خلصت منها الترم الي فات ولله الحمد بس اتوقع يدرسها جار النبي

اتمنى اني اكون افدتك

[4abdulaziz]

جزاك الله خير اخوي ماجد كفيت ووفيت ,,
وبما انك خلصت الاقتصاد الجزئي ودي اسألك هل يحتاج مدرس؟؟
كل الشكر لك وبانتظار آراء الاخوة الكرام.

[ماجد الفاقد]

هلا اخوي عبدالعزيز

ابي اقول لك نصيحة : لا تبخل على نفسك ابد بخصوص الدراسة ، اي مادة علمية حاول تاخذ لها مدرس

لأن لو بتذاكر لحالك ترا بياخذ منك وقت كبير عكس لو اخذت مدرس . وعلى فكرة شرح المدرس ياخذ فترة طويلة عالق بذهنك بينما شرحك لنفسك ماياخذ ايام وتنساه. وانا ماقلت هالكلام الا عن تجربة شخصية .

وانت عارف طلاب الانتساب بالآلاف وبالاخير ترا لما ناخذ الشهادة نصير سوا ، لكن الي يفرقنا عن بعض هو المعدل

وعسى ربي يوفقك