2.6

[بنووتة كيوت]

صباح الخير ..
ياناس والله بتجنن من 2.6 وربي جاب لي الجنان لخبطني وماني عارفة ايش اسوي ؟؟
انتحر يعني ولا انتحر؟؟ .. لاتقولوا لي ذاكري من السعدي من امس وانا قاعدة على 2.6 من عند السعدي لكن مخي قفل ..بليز اللي فاهمة يشرح لي لو شي بسيط ...

[ضحكة بريئه]

هدي أعصابك ايش اللي منتي عارفته ؟؟؟

بالعموم2.6بيتكلم لنا عن النهاية عند لا نهاية
فكرته أنه بيقولي ان عندما الدالة تؤول الى مالانهاية او سالب مالانهايه حيطلع معايا عدد

أهم حاجة لازم تعرفيها الي هوا خط التقارب الافقي ال horizantal
الي هوا دائما =y
والي تقدري تطلعيه من الرسم عن طريق انك تطلي يمين ويسار تشوفي الداله تقترب من اي عدد طبعا على محور y
أما من المعادلات عن طريق الناتج الي يطلع لك من الحل سواء كان حليتي (الحل يعتمدعلى شكل الدالة)
- الضرب بالمرافق.
-القسمه على اكبر اس بالمقام
-التحليل

وفيه كم قاعدة مهمة عشان تحلي بسرعه لو جاتك الدالة تؤول الى مالانهاية
- إذا كانت درجة البسط =درجة المقام معاملات أكبر درجةبالبسط على معاملات اكبر درجة بالمقام .
- اذا كانت درجة البسط أصغر من درجة المقام = صفر
-اذا كانت درجة البسط أكبر من درجة المقام =حعوض بالحل بمالانهاية
- المالانهاية ممكن تنضرب بعدد لكن مستحيل تنجمع او تنطرح من مالانهاية
فإذا جاتك دالة (x^2-x) عندما تؤول الداله الى مالانهاية
طبعا بالتعويض حتكون الداله زي كدا مالانهاية -مالانهاية طبعا ماينفع فحتسحبي عامل مشترك
الي هوا x
فيسير x(x-1
وفيه زيها مثال بالكتاب صــ 137 مثال 9

وبملخص الاستاذ جمال السعدي فيه قوانين مهمة الي هوا حاطط عليها اشارات حاولي تحفظيها وتفهميها مزبووط
وان شاء الله تكوني فهمتي عليا

واذا فيه خطأ بشرحي اتمنى احد ينبهني
بس ان شاء لله مايكون فيه خطأ
خخخخخخخخ
لأني أنا فاهمته كدا
يالله الله يسهل ياقلبي

[بنووتة كيوت]

يــــــاربي ولا شي راضي يدخل بمخي وربي شوي وبتجنن
الله ياخذك ياماّث .. على العموم مشكورة ياقلبي تعبتك معايا
اذا في احد عندة شرح مبسط اكثر يشرح لي وربي متورطة ..

[ضحكة بريئه]

المشاركة الأصلية كتبت بواسطة بنووتة كيوت يــــــاربي ولا شي راضي يدخل بمخي وربي شوي وبتجنن الله ياخذك ياماّث .. على العموم مشكورة ياقلبي تعبتك معايا اذا في احد عندة شرح مبسط اكثر يشرح لي وربي متورطة ..

اتعوذي من الشيطان وهدي نفسك
قوليلي ايش الي منتي عارفتو
ابسط لك كماانه ؟؟ولااتوكل شرحي ماعجبك
ههههههههههه
لا عاتي والله خدي راحتك
^^

[بنووتة كيوت]

لا ياعمري والله ما قصرتي بس ماني قادرة افهم اي شي حتى دوبي حاولت افتح الشابتر اللي بعدة ما قدرت شايلة هم اللي قبل .. تقدري تشرحي لي من بداية الشابتر وتنزلي لي امثلة >> لعل وعسى يفتح مخي وافهم ..

[ضحكة بريئه]

المشاركة الأصلية كتبت بواسطة بنووتة كيوت لا ياعمري والله ما قصرتي بس ماني قادرة افهم اي شي حتى دوبي حاولت افتح الشابتر اللي بعدة ما قدرت شايلة هم اللي قبل .. تقدري تشرحي لي من بداية الشابتر وتنزلي لي امثلة >> لعل وعسى يفتح مخي وافهم ..

بسم الله طيب روقي كدا وان شاء الله حتفهمي

طب اسمعي انتي عندك ملخص جمال السعدي صح +الكتاب

اذا عندك حلو حمشي معاكي حبه حبه يعني الامثله الي حقولها اقولك رقم الصفحة وفين في الملزمة ولا في الكتاب وحيسير كدا اسهل لك
وحخلي كل رد يتكلم عن شغله معينه عشان تستوعبي ومايكون دش كلام

[بنووتة كيوت]

طيب ياقلبي انا معاك كلي اذان صاغية بتعبك ياقلبي معايا

[ضحكة بريئه]

المشاركة الأصلية كتبت بواسطة بنووتة كيوت طيب ياقلبي انا معاك كلي اذان صاغية بتعبك ياقلبي معايا

لا عاتي بس خليكي معاياعشان لو مافهمتي شيء اعيد عليه

[ضحكة بريئه]

horizantal line test

خط التقارب الافقي

يعني منحنى بيقطع الداله في المحور y يعني كأنه موازي لx
طيب
يعني معادلته وقيمه حتكون دائما
=y

متى يكون عندي هذا الخط بيقولي في صـ 132
المربع الاحمر الأول أنه حيكون عندي خط تقارب افقي
- اذا كانت الدالة تؤول الى مالانهاية واعطتني قيمه .
- اذا كانت الدالة تؤول الى سالب مالانهاية واعطتني قيمه .
والمربع التاني الاحمر رقم 4
أحفظيه دي قاعده
أنه خطوط التقارب للزواية ال tan دائما هي عبارة عن + أو _ باي على 2

وهادا فكرة الجزء كلو أنه كيف اوجد قيمه للمالانهاية وكيف احسب خط التقارب الافقي .

مثال 1 في نفس الصفحة حاولي تدربي عليه

اش حتعملي ياعسل
حتطلي يمين ويسااار نفس الشكل
من اليمين حتلاحظي انه الدالة بتقترب من 4 ومن اليسار حتقترب من 2
اذا خطوط التقارب الافقيه هي
y=4
y=2
وبكدا انتي خلاص سرتي تعرفي كيف تطلعي من الرسمه خطوط التقارب الافقيه
على طول طلي يمين ويسااار
اما من المعادلات في الرد الثاني : )

[ضحكة بريئه]

بسم الله نبدا
المقصد من قوله النهاية عند لا النهاية ...
احنا أول كنا بنأخذ انه النهاية lim عندما تؤول الى عدد اي تقترب منه لهاحل


1- اعوض تعويض مباشر بالعدد الي يؤول اليه

-اذا طلع لي عدد خلاص هذا هوا الحل.
- اذا طلع لي صفر على عدد الناتج حيكون صفر وحيعتبر هوا دا الحل
-عدد على صفر = مالانهاية
-أما اذا طلع لي صفر على صفر = كمية غير معينة
راح ألجأ للطرق

- التحليل
-الضرب بالمرافق (اذا كان عندي جذر سواء بالبسط او بالمقام )
- فك التربيع

وطبعا اذا كان تربيع القانون حيكون = مربع الاول +2 في العدد الاول في الثاني + مربع الثاني
اذا كان تكعيب حيكون = مكعب الاول +3 في مربع العدد الاول في الثاني +3 في العدد الاول في مربع الثاني +مكعب العدد الثاني
وتلاقي دي القوانين في بداية الكتاب تحت مسمى بالانجليزي

(BINOMIAL THEROM)

واذا انتي فاهمة 2.3 ترى نفسو اللهما هنا عند ما يؤول الى مالا نهاية

طيب دحين بدا الجزء حنتكلم عن النهاية عندما تؤول الى المالانهاية
وطبعا انتي تعرفي يعني ايش مالانهاية

طيب في الكتاب ياستي صــ 131 لو لاحظتي بالمربع الاحمر الي فوق وتحت
اش بيقولوك بالمختصر المفيد بيقول انه توجد هناك قيمه عندما يؤول العدد الى مالانهايه (يعني بطريقة تانيه وضح لي انه انا يمديني احسب نهاية عندما الدالة تقترب أو تؤول من المالانهاية سواء الموجبة او السالبة )