سؤال هل الكليات الطبية الخاصة افضل من الحكومية؟

[ابو سعد الغامدي]

السلام عليكم جميعا وعيدكم مبارك واجازة سعيد والخ الخ

طيب ندخل في المهم الى جميع من يريد دخول الكليات الطبية اطرح عليه هذا السؤال وارجو التفاعل


هل الكليات الطبية الخاصة افضل من الحكومية؟

يعني بالعربي هل صحيح ان كليات مثل البترجي وابن سينا افضل من كلية الطب بجامعة الملك عبدالعزيز؟؟؟

لان في واحد من اقاربي دخل كلية البترجي ويقلي انها افضل ب100 مرة من جامعة الملك عبدالعزيز

انا قلتله ايه هين ما بقى الا كلية خاصة تكون افضل من حكومية

لكني احب اتاكد فيا شباب يا ريت اللي عنده معلومات ويقدر يفيدنا يتكلم وعذرا على الاطالة

[ُزمرد]

لا طبعا

هههههههههههههه العكس صحيح 100% خصوصاً المجالات الصحيه جامعه الملك عبدالعزيز افضل بـ ملاييين المرات

هو يمكن يقصد من ناحيه المباني و الشكل العام للجامعه والتساهل في التعامل معاهم والخ ..

اعرف ناس شخصيا والله متخرجين من ابن سينا والبترجي وما حصلو وظايف =)


مافي مقارنه ابداً بين جامعه الملك عبدالعزيز وغيرها

[Ṕĥāŕṁ.Ḏ.Řээṃa]

بالنسبه للبترجي ما اتوقع


و حاول بقد ما تقدر تبعد عنها

بس ابن سينا افضل كلية صحية اهليه يمكن تجي موازيه لجامعتنا

تقريباً نفس النظام

و بعض الدكاترة بجامعتنا يدرسو فيها

يعني نصيحتي

ادا حاب انك تدخل طب و ما انقبلت هنا روح ابن سينا و ما راح تندم

الين دحين ما تخرج منها الا دفعه وحده

تقدر تدخل للمنتدى حقهم و تسال الطلاب

من نآحية الوظيفه و من نآحية البعثات

و ربي يسسهل لك

[علي,ع]

المشاركة الأصلية كتبت بواسطة Ṕĥāŕṁ.Ḏ.Řээṃa بالنسبه للبترجي ما اتوقع و حاول بقد ما تقدر تبعد عنها بس ابن سينا افضل كلية صحية اهليه يمكن تجي موازيه لجامعتنا تقريباً نفس النظام و بعض الدكاترة بجامعتنا يدرسو فيها يعني نصيحتي ادا حاب انك تدخل طب و ما انقبلت هنا روح ابن سينا و ما راح تندم الين دحين ما تخرج منها الا دفعه وحده تقدر تدخل للمنتدى حقهم و تسال الطلاب من نآحية الوظيفه و من نآحية البعثات و ربي يسسهل لك

طيب معليش سؤال اذا ما قبلوني طب هنا يمديني اسحب من الجامعه واقدم في ابن سينا السنه الجايه,,

[علي,ع]

لا يمكن هو قصدة بالكليه نفسها مو الشهاده
مستحيل اي كلية خاصه تجي مثل الحكوميه,,,

[DR-SHOSHOA]

نعم لوسحبت يمديك تسجل لانه المنح الداخليه ماهو كل سنه بسنتها من الخرجين
وان شاء الله ماتحتاج تسحب
الله يوفقنا اجمعين وننقبل طب في عزوز
بالتوفيق

[Ṕĥāŕṁ.Ḏ.Řээṃa]

شوف فيه لك خيارين
انتَ يميدك ادا جبت معدل 3.75
تقدم على منحه داخليه لـ ابن سينا بعد ما تخلص التحضيري و ادا قبلوك في المنحه تسب ملفك
او
انك تشوف معدلك كيف حيكون السمستر الاول ادا كانت المواد المطلوبه اقل من 85 الافضل انك تسحب و تقدم
و يمديك بالراحه بس لازم يكون وقت التقديم يعني مو اي وقت تسحب ملفك تدخل

و ترآ بالنسسبة للاولاد النسب المطلوبه مو مره عاليه
و كل سنه حيزيدو عدد المقاعد
انتَ شد حيلك و انّ شاء الله تلاقي اللي تتمناه

[علي,ع]

DR-SHOSHOA يسلمو ما قصرتي
الله يوفقك إن شاء الله
Ṕĥāŕṁ.Ḏ.Řээṃa بس ولو بتعبك معي كيف اعرف انها اقل من 85 يعني اذا نقصت اكثر من 15 درجه في المواد يعني خلاص فقد الامل., واسف تعبتك معي

[Dr:Seattle]

لا ما تفقد الأمل أنت حاول وشد حيلك ولا تسحب ابدا
بعد التحضيري اذا ما دخلت (بعيد الشر )
قدم على المنح الداخليه وعندك عن طريق:
1-موقع وزارة التعليم العالي
2-او عن طريق نفس الجامعه الاهليه
3- الموارد البشريه (بس ما اعتقد فيها طب )
وبعد ما تجيك الموافقه الابتدائيه ديك الساعه ممكن تسحب من الجامعة وتسوي إخلاء طرف بس بعد ماتضمن شئ بيدك
وترا الجامعات الحكوميه افضل بكثير من الأهليه وانت استخير

[علي,ع]

المشاركة الأصلية كتبت بواسطة dr:seattle لا ما تفقد الأمل أنت حاول وشد حيلك ولا تسحب ابدا بعد التحضيري اذا ما دخلت (بعيد الشر ) قدم على المنح الداخليه وعندك عن طريق: 1-موقع وزارة التعليم العالي 2-او عن طريق نفس الجامعه الاهليه 3- الموارد البشريه (بس ما اعتقد فيها طب ) وبعد ما تجيك الموافقه الابتدائيه ديك الساعه ممكن تسحب من الجامعة وتسوي إخلاء طرف بس بعد ماتضمن شئ بيدك وترا الجامعات الحكوميه افضل بكثير من الأهليه وانت استخير

مشكوره على الرد الحلو اولا
ثانيا انا تري الحمدلله مستواي نقول يجي حلو لكن انا احب اتعلم واحط خطط بديله تعرفي لاقدر الله ما تدري عن الظروف
والله يوفقنا ويوفقك