ابي رايكم في المواد التاليه

[ااالسكب]

الاخوان الاعزاء ابي رايكم في المواد هاذي لاني ابي اسوي الجدول وما عندي معلومه عن مدى مستوى صعوبه هاذي المواد

bus102 السلوك الانساني في المنظمات
bus103 اداره الاعمال بالانجليزي
bus211 مبادي تسويق
bus340 ماليه شركات
acct102 مبادي المحاسبه (2)
econ اقتصاد كلي
ابي رايكم ولكم دعوه في ظهر الغيب

[ااالسكب]

تكفوووووووووووووووون ابي ردكم

[red line]

اخوي انا ماانصحك تاخذ محاسبه 102 مع مالية شركات
خذ اول شي محاسبه لانها متطلب لمالية شركات
وباقي المواد ماعندك مشكله فيها

[aziz8008]

المشاركة الأصلية كتبت بواسطة red line اخوي انا ماانصحك تاخذ محاسبه 102 مع مالية شركات خذ اول شي محاسبه لانها متطلب لمالية شركات وباقي المواد ماعندك مشكله فيها

عفوا اخي الكريم

محاسبه 102 ليست متطلب لماده ماليه شركات


الصحيح هو ان محاسبه 101 هي متطلب ماليه شركات

[supeer]

المشاركة الأصلية كتبت بواسطة aziz8008 عفوا اخي الكريم محاسبه 102 ليست متطلب لماده ماليه شركات الصحيح هو ان محاسبه 101 هي متطلب ماليه شركات

المحاسبه 101 ليست متطلب لمالية الشركات
لاني اخذت مالية شركات السمستر اللي فات والحين نزلت المحاسبه101

[aziz8008]

المشاركة الأصلية كتبت بواسطة supeer المحاسبه 101 ليست متطلب لمالية الشركات لاني اخذت مالية شركات السمستر اللي فات والحين نزلت المحاسبه101

بناء على الخطه الموجوده في الاوديس محاسبه 101 متطلب لماده ماليه شركات


وبامكانك التاكد من ذلك بالدخول على الاوديس بعدين الخطه الدراسيه بعدين تروح على ماده ماليه الشركات وتحط المؤشر عليها تطلع لك المتطلبات

الا اذا كان الاوديس مخلبط عاد هذا شيء ثاني

[red line]

نصيحه اخوي استبدل مالية الشركات بماده حره وانصحك بمادة الرأي العام ورمزها econ 204
لان جدولك مره دسم ولابد توزن الامور شوي ..

[ااالسكب]

يعطيك العافيه اخوي ابو ريما .............. طيب بالنسبه لماده مبادي تسويق bus211 هل هي سهله ام فيها صعوبه علشان ابي اغطي جدولي 18 ساعه

[supeer]

مبادئ تسويق سهله جدا
وادارة اعمال بالانجليزي نفس مبادئ الاداره بالظبط
السلوك الانساني ماده سهله ونظريه
انا اشوف ان جدولك تمام
وبالتوفيق

[aziz8008]

المشاركة الأصلية كتبت بواسطة ااالسكب الاخوان الاعزاء ابي رايكم في المواد هاذي لاني ابي اسوي الجدول وما عندي معلومه عن مدى مستوى صعوبه هاذي المواد bus102 السلوك الانساني في المنظمات مادة نظرية سهله جدا وهذا الترم نازله الماده مع الدكتور نبيل مرسي وكويس ، ودائما الاسئله تتكرر بنسبه 90 % وفيه مذكره ام رنيم جاء منها 90 بالميه في الاختبار bus103 اداره الاعمال بالانجليزي ماده متوسطه الصعوبه وافضل مذاكره لها من مذكره هاني عرب ومذكره الاستاذ امين مذكرتين مدموجه في بعض وهي نفس ماده مبادئ اداره الاعمال ولكن باللغة الانجليزيه ونازله مع الدكتور ناصر كدسه والدكتور عسل bus211 مبادي تسويق مادة نظرية وممعته وتعتبر سهله نوعا ما bus340 ماليه شركات ماده عمليه ودسمه ولازم تذاكرها من بدري وتتعود على حل المسائل بأسرع وقت ممكن لانها نازله مع الدكتور طويرش ووقتها جاب لنا من كل باب سؤال والاختبار كان طويل جدا والوقت مايكفي عشان كذا لا بد انك تتعود على حل اكبر قدر ممكن من الاسئله والتمارين عشان ماتنصدم بالوقت في الاختبار ، واذا تقدر تجيب فيه مدرس خصوصي يكون احسن . والماده هذي لازم تسجلها في ترم واحد مع محاسبه 102 لان فيه مواضيع كثيره متكرره بين المادتين ، وايضا الماده تعتبر متطلب لماده الاستثمار والاداره الاستراتيجيه عشان كذا لازم تاخذها بدري ولا تتأخر فيها acct102 مبادي المحاسبه (2) ماده تعتبر اسهل من محاسبه 101 واذا انت فاهم كويس محاسبه 101 ماراح تلقى اي صعوبه في هذي الماده وفيها جزء عملي ونظري ولازم تركز فيها econ اقتصاد كلي انا اشوف انك تحذف هذي الماده وتخليها للترم الجاي لان الماده دسمه ويوجد بها نظري وعملي وليست متطلب لاي ماده في المستويات القادمه ، وانت كفايه عليك مادتين عمليه وهي محاسبه وماليه شركات فالافضل تحذف الماده وتسجل بدالها لغه عربيه 2 وتعتبر ماده سهله جدا جدا جدا عشان يكون جدولك فيه توازن مابين مواد صعبه وسهله ونظريه وعمليه ابي رايكم ولكم دعوه في ظهر الغيب

الردود في الاقتباس