معلومات عن كلية الاقتصاد والادارة قسم ادارة اعمال . ممكن تفيدوني

[عتيم]

السلام عليكم بنوتااات

يابناات اتمنى مساعدتكم واتمنى ماتردو عليا ولو بابسط معلومه عندك لاتبخلي عليا فيها

اريد معلومااات كاافيه عن كلية الاقتصاد والاداارة قسم ادارة اعمال قسم طالبات بجده

يعني مثل موقع المبنى تبع كلية الاقتصاد والادارة قسم الطالبات طبعا الي بجده هلو هو موجود بحي السليمانيه ولا في في الفروع التانية

وهل تخصص ادارة الاعمال موجود بجده ولا بس في رابغ لانو سمعت يقولو بس موجود برابغ

وبالنسبة للدراسة فيها انتظام هل هي برسوم ولا

وهل فيها سنه تمهيديه انقلش والدراسة بشكل عام بالنقلش ياترى صح ولا ؟

وبالنسبة لتسجيل الجداول كيف النظام عندكم يعني انا الي اسجلهم ولا كيف بالضبط ؟

والاختبارات الشهرية هل هي محددة بفتره محدده من قبل ولا كل دكتوره وحسب مادتها

واي وحده عندها اي معلومه عنها تذكرها مهما كانت
وبس عارفة ثقلت عليكم بس جد محتاااجه لاي معلومه عن هذي الكليه وهذا التخصص وربي يعطيكم العاافيه

[عتيم]

معقوله مافي احد يريد مساعدتي

انا من القصيم ومحتاااجه ضرووري لهذي المعلومات لاني رح انتق للجده

[Rahaf_F]

والله يمكن عشان الكل في تخبط دحين فما احد فادك بس مبني الكلية ايوا صحيح موجود في السليمانية بس القسم نفسو ادارة اعمال اتنقل الى رابغ ..
الانتظام مجاني..بس الانتساب بيكون مدفوع .. اما بالنسبة للمواد فاول سنه تكون سنه تحضيرية الجداول فيها الزامية بدون حذف و اضافه وتكون عبارة عن مواد عامه زي عربي وتقافه وحاسب بعد كدا من تالت مستوى يبدا التخصص وحسب معدلك والشواغر عشان تدخلي ادارة اعمال لازم يكون معدلك 3,75 وفوق ..
اما عن الاختبارات الدورية تحددها كل دكتوره والنهائي بينزل في تقويم الجامعه بجدول موحد

ما ادري لو افدتك بس اتمنى .. وموفقه ^_^

[عتيم]

ربي يعطيك العاافيه ويسهل عليك دراستك وينولك الي ببالك ماقصرتي

حبيت اسأل لو انا اريد اتخصص محاسبه هوا موجود بجده ولا برضو انتقل ؟

وبالنسبه لساعات المحاظرات يعني مثلا عندكم المحاظره الاولى تبدأ ب7 ونص ولا 8


يعني الغترات تبع المحاضرات بالعاده متى؟؟ والمحاضره الي تكون مثلا 3 ساعات تنقسم على يومين ولا تاخذو ال3 ساعات بيوم؟؟

والله يجااازيكي الف خير

[ǁ غــلأآإ ، رٍوٍحــي ǁ]

موقع المبنى تبع كلية الاقتصاد والادارة قسم الطالبات

في السليمانيه وبمبنى كليه الاقتصاد والإداره رقم 2
ومافي كليه الاقتصاد والاداره في افرع الجآمعة

وهل تخصص ادارة الاعمال موجود بجده ولا بس في رابغ لانو سمعت يقولو بس موجود برابغ

تخصص إداره اعمآل بجده ، للإنتظآم فقط .. وصارت خاضعه تحت المسار العلمي والدراسه فيه بالانقلش من دفعه 10 ومابعدهآ ..
ولكن الانتسساب انتقلت إداره الاعمال الى رآبغ .. ( ماأدري عن طريقه الدراسه هنآك )

وهل فيها سنه تمهيديه انقلش والدراسة بشكل عام بالنقلش ياترى صح ولا ؟

^^
حسب بيآناتك إنك مستوى ثالث ؟!
يعني خلصتي من السنه التحضيريه ؟ .. فإذا كنتي مسار علمي راح تتخصصي على طول إداره اعمال ، او محآآسبه
ولكن مسارات إداره الاعمال ، على كلام العميده .. سيتم اصدار قرار عنها بعد اسبوعين ..

أمآ لو كنتي مستجده ، فاأقسام إداره اعمال & المحاسبه .. تابعه للمسار العلمي .،
يعني السنه التحضيريه كلها انقلش × انقلش ..
( كيمياء - فيزياء - احياء - احصاء - رياضيات - انقلش مستويين ) < كل ذي بتكون انقلش بحت ..

وبالنسبة لتسجيل الجداول كيف النظام عندكم يعني انا الي اسجلهم ولا كيف بالضبط ؟

السنه الاولى في الجآمعه تنزل الجدآول من عند العمآده ،
وبعد التخصص ، انتي ترتبي جدولك من الأودس

[quote]والاختبارات الشهرية هل هي محددة بفتره محدده من قبل ولا كل دكتوره وحسب مادتها [/quote]

مواعيدها على حسب كل دكتور/ـه واتفاقه مع طالباتها ،

انا اريد اتخصص محاسبه هوا موجود بجده ولا برضو انتقل

المحآسبه واداره الاعمال بجده للإنتظآم ،،

وبالنسبه لساعات المحاظرات يعني مثلا عندكم المحاظره الاولى تبدأ ب7 ونص ولا

تبدأ المحآظرات الساعه 8 .. وتنتهي ( على حسب ترتيبك للموآد )

والمحاضره الي تكون مثلا 3 ساعات تنقسم على يومين ولا تاخذو ال3 ساعات بيوم؟؟

على حسب أيآم تكون ،مآده بثلاث ساعات ..( تاخذيها على ثلاث ايام بالاسبوع وكل يوم ساعه )
أو ( تاخذيها على يومين بالاسبوع وكل يوم ساعه ونص )

[عتيم]

يسلمووو ربي يعطيكي العافيه وينولك مرادك جد افدتيني كتير

بس عندي سؤال صغنون انا فعلا بالمستوى الثالث ومخلصة السنه التحضيريه عندنا

لكن انا مسار اداري فهل هذا يعني اني ما اقدر اتخصص ادارة اعمال او محاسبه

لانو واضح من كلامك انو صار للمسار العلمي فقط فكيف هل رح يقبلوني ؟

[ǁ غــلأآإ ، رٍوٍحــي ǁ]

^^
إذآ انتي إنتظآم .. ومن دفعه 10
تروحي للشؤون عند المرشده ، وتوقعي على تعهد إنك تدرسي إمآ فيزياء او كيمياء
وبعدها يحق لك دخول إداره اعمال ومحاسبه
وهالقرار فقط لدفعه 10 .. ^

[عتيم]

وربي ماقصرتي ربي يجزااكي ألف خير

ان شاء الله رح اتفاهم معهم لانو حرام تروح علي السنه انا فعلا من دفعة 10

ويسلمووو على كل حرف كتبتيه وتعبتك معي