يمـــه مريولي توسخ

كريستيانو · #1 03-09-2008, 12:11 AM

يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!

يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح

يمه مريولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...

يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا

يــمــه
يالله خلاص لاتمزحي
يالله قومي
تعالي معي للبيت ارجعي

يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...

يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..

أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..

وشرايكم فيها

تحياتي لكم

اهـ اهـ
يمـــه

northstar · 03-09-2008, 12:25 AM

ااااااااااااااااه
حزنتيني على امي
وربي لو افقدها لاشوف انواع الذل بعدها
الله لايحرمني منها

يسلموكريستيانو
افحجمتنا بمواضيعك الحلوه

)(Huda)( · 03-09-2008, 12:57 AM

شكرا
تكسر الخاطر من جد

.,.نيــــــــــــــــــــران.,. · 03-09-2008, 01:10 AM

ثمن الفـــــــراق غـــــــ ــــــــــ ــــالي!!!

أشكركـ

كنت هنا,, فأمضيت

LAMYA · 03-09-2008, 01:15 AM

كلمات مؤثره
يا رب تخليلي امي

مشكوووووووور

بوليمر® · 03-09-2008, 01:45 AM

مثل يقول

الي ما عنده ام حالته تُغم

والله يا بر الوالدين تذاكر مجانية للجنة

اللهم احفظهم لنا وارحمهم احياءاً او ميتين

قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح

فراشة الألماس · 03-09-2008, 01:51 AM

يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا

""""""""""""""""
قهرتني صاحبتها
منجد الأبيات مؤثرة
الله يحفظ أمي وأبوي ويرحم أموات المسلمين ويصبر أهاليهم يارب

dr_love · 03-09-2008, 05:40 AM

تقطع القلب وتدمع العين

رب ارحمهما كما ربياني صغيراً

بنوته سوويت · 11-09-2008, 08:29 AM

من جد كلمات مؤثره
ربي احفظلي امي وابي ولا يحرم احد من ابوه وامه ..

العــاصي · 12-09-2008, 02:20 AM

سلمت اناملك على هذه الخاطره المحزنه
تحياتي

يمـــه مريولي توسخ

جـنـة الـحـرف