الرجاء المساعدة بخصوص اختبار تحديد المستوى للإنجليزي

[Y-NOT]

السلام عليكم
عندي اختبار تحديد مستوى في الإنجليزي بتاريخ 10/10/1431
و أبغى فكرة عن الموضوع يعني الأسئلة تعتمد على الخبرة ولا على الي درسناه في الثانوي
وما في نماذج سابقة ولا كتب تساعد في الاختبار
أرجو الرد سريعاً

[ǁ غــلأآإ ، رٍوٍحــي ǁ]

^
عباره عن قرمر ..
وقطعه ريدنق .. وليسنق ^
نفس اللي اخذتوه بالثانوي بالاضافه الى معلومات اضافيه ..

[دلــوعـة أمـهـا]

علاروحي ممكن اسالك طيب مااحتاج نذاكرو لاني خايفة اجيب المستوى الأول وماادخل بعدين طب وداه حلمي

[ǁ غــلأآإ ، رٍوٍحــي ǁ]

^
ماله دخل المستوى في دخول تخصصات الطب ..
لو مثلا حطوكِ في المستوى الاول .. راح تتخصصي طب ..
بششششششششرط / ماتتعثري في أي مستوى من مستويات الانقلش ..

::

وبخصوص من فين تزآكريه .. شوفي انتي عندك شهر ونص ..
حآولي تقري كتب بالانقلش وتحفظي كلمات جديدهـ ..
وتزودي حصيله الانقلش عندك .. بالاضآفه لازم تعرفي الاساسيات في القرمر
والقاعدات تبع الانقلش

[refal]

واللة انا زيكم مني عارفة ايش اسوي
حاولت اقرا كتب في القرمر ودخلت دورات
والله يوفقنا

[CrEaTiVe4ever]

وعليكم السلام ورحمة الله وبركاته

بصراحة ما أفضل إنك تذاكري من ملخصات أو كتب أو تحلي نماذج أو أي شيء من هذا القبيل ..

ليش؟!!

لأن انتي دحين لما تروحي لمعهد تبغي تتعلمي في انقلش أي معهد اش أول خطوة حيسووها لكي ؟
أكيد تحديد مستواكي وبعد كذا يطورو مهاراتك بناءً على المستوى المحدد ..

معهد اللغة الإنجليزية في الجامعة نفس الطريقة!! .. بيشوف قد ايش مهاراتك في الانقلش وبناءً عليها بطور مهارتك .. كأنك في معهد وأكثر مررررررررة كانت محاضرة الإنقلش ممتعة ..

المهم .. وبعد ما يتحدد مستواكي في النهاية كل المستويات يختبرو سوى من 1 الى 5 ..

بس اللي يفرق انو اش مكتوب في جدولك 101 او 102 لأن اختبار 101 غير عن 102 ..

نصيحتي .. لا تربشي نفسك ولا تتوتري ولا حاجة لأنو اختبار تحديد المستوى زيو زي أي معهد يبغى يشوف مستواك ويبني عليها زي ما قلتلك وكلو حيكون لمصلحتك .. وترى في النهاية الأمر راجعلك تذاكري او لا ..

والأسئلة زي ماقلتلك الأخت اختبار لكل المهارات الأساسية الأربعة ..

أتمنى أكون أفدتك لو بشيء بسيط ..

موفقة ..

في أمان الله

[CrEaTiVe4ever]

أوووووووووبـــــــس o_O مررررررررة آسفة بتكلم كأنك بنت وماشوفت الجنس مرررررررة سووري

see ya

[راقي الفكر]

الاحتبار أسمه تحديد مستوى يعني ما يحتاج مذاكرة

[clever 100%]

تب يا حلوات نبي نماذج ع الأقل مو ندخل الإختبار واحنا ع البلاطة الله يجزيكم خيييييييييييير

[عمر الجفا مآكسرني]

افضل انا ندخل كذا عشان تعرفي مستواك زي ماقالت الاخت اللي فوق