مناقشة مادة mis د.متعب البقمي (الفصل الصيفي)

[بنت ابويا]

سلام ياحلووين

موضوعنا المرة دي لمادة mis
د.متعب البقمي
نناقش مع بعض المحاضرات والبحث
واي شي يخص المادة

اتمنى من الجميع المشاركة والتعاون

البريد الالكتروني : malbugami@yahoo.com
الهاتف : 6400000
تحويلة : 68801

توزيع الدرجات
نصفي 25
مشاركة وحضور 15
بحث والقاء 20
نهائي 40

ان شاء الله نتعاون وتعدي المادة دي على خير يارب

لي باااك

[بنت ابويا]

لا تنسو ترسلو اسمائكم وارقامكم

على ايميل الدكتور

موفقين

[بنت ابويا]

سلام

دي بعض المحاضرات في منها مترجم

ان شاء الله نستفيد منها

ادا احد عندو اي ملخصات او ترجمة ياليت يحطلنا هي هنا

[ROMANILO]

ممكن تفيدونا عن الدكتور و طريقته ؟
لأني مسجل معاه نظم معلومات بالإنجليزي

و موفقين

[بنت ابويا]

المشاركة الأصلية كتبت بواسطة romanilo ممكن تفيدونا عن الدكتور و طريقته ؟ لأني مسجل معاه نظم معلومات بالإنجليزي و موفقين

هلا اخوي

دا الموضوع ان شاء الله لنظم معلومات بالانجليزي

انا اول مرة اخد معاه واول مرة اسمع عنو

انشاءالله يكون كويس

[ROMANILO]

دا الموضوع ان شاء الله لنظم معلومات بالانجليزي

انا توقعت انه نظم معلومات bus 355
لأنه مو مكتوب ( بالإنجليزي )



طيب يا حلوين مين حضر يوم الثلاثاء؟؟
و هل الدكتور حضّر الطلاب؟ <<< من بدايتها غياب :)

و ايش قال لكم الدكتور ؟

[بنت ابويا]

الدكتورقال توزيع الدرجات

والكتاب الكتروني راح يرسل الرابط والباس وورد على الايميلات

ارسل اسمك ورقمك على ايميل الدكتور اللي عندك فوق

وقال ممكن يرسل السلايدات عالايميلات برضو

وطلب بحث والقاء في كل محاضرة شخصين يقدمو اظن راح يبدا الثلاثاء الجاي

حيكون الموضوعات من المنهج كل فرد نصف وحدة

وبدا يشرح

وماادري ادا حضر الاولاد عندكم والا لا

ان شاء الله اكون قلت كل شي

وان شاء الله الباقي يفيدوك

[ROMANILO]

^
^

أشكرك أختى على الإفادة
إحتمال كبير احذف المادة :(

الدكتور شكله لكيع
و طلباته كانك في ترم عادي مو في صيفي

[بنت ابويا]

ليه اخوي
مو طالب غير بحث والقاء بس

الله يعينا عليه

اهون من اننا ناخدها في ترم عادي

موفق يارب

[ROMANILO]

السلام عليكم ..
الي ما حضر اليوم

الدكتور شرح لنا الفصل الثاني

و كان عن أنواع نظم المعلومات
و تكلمنا عن بورتر
و تكلمنا عن أهمية نظم المعلومات في الشركة و المجتمع

طبعا كان الشرح ع البروجيكتر
بس أكتشفنا في نهاية المحاضرة إن البنات ما عندهم صورة !!


الدكتور قال المحاضرة الجاية راح يشرح الكلام ع السريع
عشان البنات مساكين ما شافوا السلايديز


الدكتور قال الي ما رسل ايميله لازم يرسله اليوم عشان يرسل إيميلاتنا للموقع حق الكتب الإلكترونية
عشان يعطيونا يوزر و باسوورد للكتاب عشان تقدر نشوفه و تقرأه

و قال إذا الموقع ما رسل لنا إلين بكرة
هوا راح يرسلنا السلايديز على إيميلاتنا


و كمان قال إن يوم الثلاثاء مافي محاضرة
و موعدنا يوم الأحد القادم



و قال كمان نقطة عجبتني و حسيت انه متفاهم و متفهم لوضع الشباب
إنه مارح يضغط علينا في المادة لأنه في طلاب قالوا له انهم مو كويسين في الإنجليزي

و هوا راح يحاول يشرح لنا كل شي بالعربي
عشان نفهم


تقريبا هذا كل الي صار في المحاضرة اليوم
و إذا في شي أنا ما كتبتوا ياريت الي حضر اليوم يكتبه
عشان تفيد و نستفيد من بعض



أنا بصراحة كنت ناوي أحذف المادة اليوم بس قلت خليني أول شي أحضر و أشوف الدكتور
لكن بعد ما حضرت قررت أكمل معاكم يا حلوين



أعذروني ع الإطالة