أســئله شاغله بالي ع التخصص بليز جاوبوني :(

[ipod]

السلام عليكم ورحمة الله وبركاته






بصراااآحه انا طول الفتره الماضيه اتابعكم عن بعد ويعجبني تعاونكم ودحين سجلت جديد ودا اول موضوع ليا حابه استشيركم فيـــهـ ..

طبعا زي اي وحده سنه تحضيريه تفكر ف التخصص حبيت اسالكم كم نقطه ع التخصص وياريت كمان البنات بالزات يجاوبووو
- كيف طبيعة الدراااسه والمواد يعني حفظ حفظ خفظ ولا في فهم <++ لانو انا من النوع الي يكره الحفظ

- وهل سهله ولا صعبه..؟ وهل المناهج دسمه؟
- يبغالو مزاكره يوميا؟!!
- وايش مستقبلو للبنت ؟ وهل في وظائف غير المحاماه !!؟

- واخر شي واهم شي ياريت يكتبلي اي احد معدلو الي قبلوه فيه !!
وانو ممكن يقبلووني وانا معدلي 4.31 ؟؟ لانهم بيقولو 4ونوص ومافوق وانو يقبلو بس 60 بنت :|

وآآسفه ع الاطـآآله ومررررررررررررررره شكرا من زمان كان نفسي احط موضوع زي كدا عشين ارتاح لانو مررره محتاااره وخايفه من التخصص دا ..

[nova09]

وعليكم السلام
أولا أحييك انك فكرتي تدخلي قانون.. بالنسبة لطبيعة الدراسة مافي شي يعتمد على الحفظ بس كل شي لازم حفظ و فهم
والقانون مررة يبغالو فهم ... ومناهجو في السهل وفي الصعب على حسب طبيعة الأستاذه / الأستاذ.. ونصيحة حاولي أبدا ماتفوتي محاضرات لأنو كل درس يبغالو فهم مزبوط مع الأستاذة... وكل شي يبغالو مزاكرة يوميه عشان تضمني الدرجات..
وبالنسبة للوظائف اللي اعرفو انو تقدري محاماة أو استشارية قانونية... بس هو لسى مجال جديد فأكيد حتظهر وظائف أكثر في المستقبل... أنا عن نفسي دخلت القانون مني حاطة انو لازم أشتغل دخلتو عشان قسم تستفيدي فيه في حياتك

وبالنسبة للمعدل أنا خرجت من السنة التحضيرية ب 4.18 بس ما قبلوني عشان مافي شعب كثير بس دا الترم قبلوني بمعدل 4.22 (الحمدلله) ... فأكيد ان شاء الله يقبلوكي بمعدل 4.31.

آمل انو أكون أفدتك وأي حاجة تانية أنا حاضرة... والله يوفقك ويسر أمورك

[°• بنت دوت كوم °•]

- كيف طبيعة الدراااسه والمواد يعني حفظ حفظ خفظ ولا في فهم <++ لأنو أنا من النوع إلي يكره الحفظ


الإثنين حفظ وفهم بس أهم شي الفهم لأن إذا فهمتي زين خلاص تكتبي بفهمك بس طبعا يكون صح
و مو لازم حفظ بالنص ...


- وهل سهله ولا صعبه..؟ وهل المناهج دسمه؟

ممتع وهو لا سهل ولا صعب يعني ( سهل ممتنع )
أما بالنسبة للمناهج ع حسب فيه دسم وفيه وسط


- يبغالو مزاكره يوميا؟!!

والله هذي كل وحدة ع حسب طريقتها ...


- وإيش مستقبلو للبنت ؟ وهل في وظائف غير المحاماه !!؟

بدى مستقبله للبنات يتحسن ولله الحمد وفيه ممكن مثلا مستشارة قانونية أو أستاذة في الجامعة ووووو

نسى المجال مفتوح للتطوير


- وآخر شي وأهم شي ياريت يكتبلي أي أحد معدلو إلي قبلوه فيه !!

وإنو ممكن يقبلووني وأنا معدلي 4.31 ؟؟ لأنهم بيقولو 4ونص ومافوق وإنو يقبلو بس 60 بنت


والله هذا كله ع حسب البنات لأن المعدلات تختلف من دفعة لأخرى وبعد ع حسب السعة
بس أول كان يقبلون فوق أربعة ونص إلحين عادي تحت النص بس لازم ما يقل عن 4


أتمنى إني أفدتك والله يوفقك خــــيتووو .

[في سلم الطائره]

اللي اقدر اقوله ان دراسته ممتعه جداً بس لازم تحبي التخصص ..
والاهم الاهم الاهم المصطلحات القانونيه لازم تحفظيها حفظ لانه اذا ماعرفتيها راح تكوني زي الطرشه بالزفه

[abdulaziz_1990]

الأنظمة ممتاااازة

[ipod]

مرررررررررره شكرـآ اسعدتووني بردكم السريع الله يسعدكمـ .. أتمنى يقبلوني ان شاء الله لانو متحمستلوو مره بس خايفه منو كمان..!

[][..sMaA..][]

بس حآولي ترفعي معدلك أكتر دآ السمستر .. لأنو الأولوية في القبول حتكون للمعدلآت الأعلى .. فمآتدري قديش القسم حيحط حد أدنى للقبول ع الترم الجآي .. والقسم عليه اقبآل زي منتي شآيفة مآشآء الله ،،

وبخصوص المجآل الوظيفي .. في بنآت من اللي اتخرجوا اشتغلوا في حقوق الإنسآن وفي في أمآنة جدة كآن اشرآف ع العقود وصحتهآ وكيدآ .. يعني المجآل ان شآء الله اوسع ممآ نتخيل ،،

بالتوفيق ^^

[ipod]

طيب ايش اسوي صعب يرتفع معدلي...............> :(
مشكوورهـ ياقلبووو .. :)

_._._._._._._._._._.

وين الباقييين ..؟ ولا يدخلو ويشوفو بس ..؟!!
اتحفووونا بردودكم وتشجيعكم وأرآئكم..

[روووني]

ازا شديتي حيلك ربي ماحيخيبك وان شاءالله تدخليه

وهوا ترا مو مره صعب بالعكس حلو بس صعوبتو في انو بعض الدكاتره يبغوكي تكتبي بالنص وداه شويه صعب

وبعضهم يبغو البحث بيرفيكت وهنا الصعوبه اما المواد كدراسه ممتعه لابعد الحدود

والله يوفقك

[][..sMaA..][]

لآ مو صعب .. ترآ في السنة التحضيرية رفع المعدل أسهل من بعدين كل مآتكوني في مستوى أعلى مرونة المعدل تنخفض < أفتكرت السنة التحضيرية والمرونة والتحليل الكمي والهبل دآ ..
بس إنتي شدي حيلك شويآ وحترفعي المعدل قد مآتبي
بالتوفيق قلبو ^^