شعبة ja احصاء ..

[بنت ناس واللقب الماس]

السلاااااام عليكم ..
كيف الحلوين ؟؟ ان شاء كويسين ..
وكيفكم مع السمستر الثاني ..
المهم ابغى اسأل متى موعد السكشن حق الاحصاء ؟؟
ياااريت اللي تعرف تقول ... انا اللي اعرفه انه مع استاذة نعيمة ..
على فكرة انا في الجامعة ..
:)

[ميعاد]

انـآ اتوقع اللي تدي سكشن هيا نعيمه..

وهيا ادتنا كل الاوقات وقالت اختاروا اللي ينااسبكم,,

الربوع فيه من 11 الى 12 2a
وفيه من 12 الى 1 1133

ثلاثاء من 11 الى 12 2a

اثنين فيه من 10 الى 11 78 b

وفيه من 12 الى 1 1133
احد من 1 الى 2 1064

سبت من 12 الى 1 1132

وكلها مع نعيمه..

انتي تاهيلي ...؟ ..

[رهف الاحساس]

^^^
زي ماقالت ميعااااااد
بس يابناات انا موعدي اليوم معاها
وحضرت بس اتفاجئت انها هنديه ولاتعرف ولا كلمه عربي
تتكلم انقلش ومحنا فاهمينها سارو البنات يطالعو ببعض ويضحكو
انهم مو فاهمين ولاحاجه وهي مررة يناس طيوبه ومهي عارفه كيف تفهمنا
تبغى توصل لنا المعلومه باي طريقه مهي قادرة لانها ماتعرف عربي
فلاااازم نسوي شي صراحه هذا احصاء والله بس اتأكدت من الحل لأني أصلن مبدله مع بنت وحاله التمارين
أنا جايه أحضر السكيشن عشان افهم مو عشان الحل يعني ايش نعمل وهذا في الشبتر الاول
كيف حنعمل بباقي الشباتر؟؟؟ "والمشكله تدرس جمييع الشعب"
مررة لازم نشتكي انهم يغيروها لنا بقووة
الله يعين

[ميعاد]

^^^^^^^

منجد نفسي اشووفها لسى مااشفتها,

ححضرلها الربووع ان شاءالله واشوف كييف...

[رهف الاحساس]

^^^^^^^
حتشوفيها مو باين انها هنديه ماعرفناها الا بهزت الرأس
وبعدين لمن قالت ايشبكم مستغربين يمكن عشاني هنديه <<طبعا بالانقلش
بس مررة باين طيوبه بس لوتتكلم عربي آه مقهوره
سارت تقولنا ايشبكم منتم فاهمين خلاص علموني عربي
تخيلي البنات قالولها انو الماينس سالب سارت طوول الكلاس
تقول سالب مبسوطه انها عرفت كلمه

[بنت ناس واللقب الماس]

هههههههههههههههههههه.. يسلمو على الردود ..
يسلمو ميعااااد .. انا انتظااام ..
الله يستر قااااال هندية تدرس احصاء هذي كيف بنفهم معاها ..
من جد الله يستر ...
:(

[ميعاد]

ههههههههه قسمن بالله ذكرتينا باستاذة الانقلش حقتنا نيوزلنديه, نفهمها عربي, وربي تضحك يوم تهرج عربي,

خخخخخخخخ

بنت نااس..
لانو انا شعبتي نفس حقك فاستغربت...؟

[بنت ناس واللقب الماس]

المشاركة الأصلية كتبت بواسطة ميعاد ههههههههه قسمن بالله ذكرتينا باستاذة الانقلش حقتنا نيوزلنديه, نفهمها عربي, وربي تضحك يوم تهرج عربي, خخخخخخخخ بنت نااس.. لانو انا شعبتي نفس حقك فاستغربت...؟

انا مع استاذة امااااني .. انت معاها ؟؟ .. يمكن نفس الشعبة لانو احنا وقت المحاضرة متاخر من 2 الى 3 وبعدين قدمتها من 1 الى 2 ..

[ميعاد]

^^^^

لالا انا مع عبير سيد..

[رهف الاحساس]

ها مين حضر السيكشن ايش ردة فعلكم؟!