ياريت تفيدوني عن الدكتور محمد العيتاني

[لايت مون]

السلام عليكم

الله يسعدكم ويوفقكم

أنصحوني في مادة ماليه دوليه

صراحه أخذتها ماده اختياريه

مااعرف عنها اي شىء

وطالعه مع الدكتور محمد العيتاني

هل تنصحوني اني اخذها ولا أحدفها لانها ماده اختياريه

ياريت تقولو لي كويسه الماده ولا لا لأني أخذتها ماده اختياريه وصراحه ابغى ارفع معدلي لانو معدلي طايح

ياريت تقولو لي كيف طريقه اختباراتو

وهل الماده كويس اني اخترتها ماده اختياريه ولا لا

[Human resources]

وعليكم السلام

محمد العيتاني له شعبيه بين الطلاب ولو تسألين اي طالب يقول لك افضل دكتور بالجامعه لانه يساعد الطلاب..

انا اخذت عنده ماده الاستثمار الترم السابق وكانت طريقه اختباره حلوه..... يضع مثلا 35 سؤال نضري ويطلب اجابه28سؤال فقط من دون تحديد

اما ماده ماليه دوليه فلا اعرف شيئ عنها

بالتوفيق

[aon-sh1]

المشاركة الأصلية كتبت بواسطة لايت مون السلام عليكم الله يسعدكم ويوفقكم أنصحوني في مادة ماليه دوليه صراحه أخذتها ماده اختياريه مااعرف عنها اي شىء وطالعه مع الدكتور محمد العيتاني هل تنصحوني اني اخذها ولا أحدفها لانها ماده اختياريه ياريت تقولو لي كويسه الماده ولا لا لأني أخذتها ماده اختياريه وصراحه ابغى ارفع معدلي لانو معدلي طايح ياريت تقولو لي كيف طريقه اختباراتو وهل الماده كويس اني اخترتها ماده اختياريه ولا لا

اول شى كيف عرفتى انها عند محمد العيتانى انا عجزت اعرف عند مين المواد اللى فى جدولى وعن طريق الشعب مافيه شى واضح لا اسماء دكاتره ولا شى شعب فقط بدون اسماء دكاتره طبعا انا اختار 2010 الفصل الثانى وما يطلع لى اسماء

والموج,د رمز لشعبه مثلaa فقط الرجو افادتى


وبالنسبه لدكتور مره عسل ومافيه زيه فى الجامعه فى مادة الاستثمار حط التصيح من 145 يعنى الاغلبيه جايبين a ,a+

[لايت مون]

شكرا على اجابتكم

باين اسم الدكتور في الشعب حتلاقي

يمكن شفتها زمان
جرب تشوفها اليوم ان شاء الله تحصل

بس انا بنت مااعرف عندكم الأولاد لو طالع معاكم

بس اكيد زينا

[حماده909]

والله العظيم لوفي مقاس خط اكبر من هذا الخط لوكان كتبت بيه
والله لم ولن ولا يكون في جامعه الملك عبدالعزيز ولا أي جامعه سعوديه ولا خليجيه ولا عربية ولا غربية ولا في أي مكان
دكتور عدي عليا زي سعادة الدكتور الفاضل محمد العيتاني
صدقينى شخص متفاني وفيه من الاخلاص الشي الكثير والله وقت المحاضرة ودي أقوم وأسلم على رأسه من طيبته وأخلاصه ومساعدته للطلاب ....بصراحه يعجز لساني عن وصفه وماراح اعطيه حقه
وبالنسبة للمادة انا أخذتها عنده الترم الاول كماده متطلب في الاعمال الدولية وجبت a فيها
وأخيرا وليس آخرا ياليت دكاترة جامعه الملك عبدالعزيز كلهم مثل العيتاني ...
اتمنى ادرس معاه ثاني وثالث ورابع وخامس .......الخ بس الحمد لله آخر سمستر ليا بالجامعه
والماده سهله وحلوه وفيها معلومات المفروض كل شخص يعرفها حطيها ولا تترددي
والله يوفقك

[% سلطان الخبر %]

ذاكرى اختى 100%

وباذن الله a+

اغلب الطلب عنده درجاتهم b+ وانتى طالعه

الله يوفقك يارب

[san]

الله يجعل كل ما يقدمه في ميزان حسناته ويجزيه عنا كل الخير
وهو فعلاً يستاهل كل الخير وياريت كان له مواد أخرى

الحقيقه كم واحد عدى على من الدكاتره مثل ما يقولوا المصريين (ينحط على الجرح يطيب)
د . محمد العيتاني
د . هاني العمري
د . فيصل كدسه
د . نبيل مرسي
أ . كمال عبدالقادر

جزاهم الله كل الخير فعلاً يستاهلون لقب دكتور

[حماده909]

المشاركة الأصلية كتبت بواسطة san الله يجعل كل ما يقدمه في ميزان حسناته ويجزيه عنا كل الخير وهو فعلاً يستاهل كل الخير وياريت كان له مواد أخرى الحقيقه كم واحد عدى على من الدكاتره مثل ما يقولوا المصريين (ينحط على الجرح يطيب) د . محمد العيتاني د . هاني العمري د . فيصل كدسه د . نبيل مرسي أ . كمال عبدالقادر جزاهم الله كل الخير فعلاً يستاهلون لقب دكتور

تصحيح للأسم
د.ناصر كدسة
ومثل ماذكرت هؤلاء من خيره اللى عدوا علينا
بس التوب يضل توب
العيتاني وبس العيتاني وبس

[hani1402]

ماأقدر أقول اللا أن الرجال عسل وبس

[لايت مون]

شكرا والله طمنتوني كتير بنات يقولو ماليه دوليه مو حلوه وصعبه
ايش دخلك فيها وتاخديها ماده اختياريه

انزلي دوري لكي ماده اسهل هدي مو كويسه


بس والله كلامكم عليه مره حلو

وان شاء الله اخد معاه درجه حلوه

انا مافهمت من محاظرتيينو بس ان شاء الله أقدر افهم يمكن لاني ماجبت الملزمه


عموما ابغى اسال على نبيل مرسى انا عندو في تطوير تنظيمي ياريت تقلي على الدكتور لانو يدرسني مادة التطوير التنظيمي

اسم الدكتور

نبيل محمد مرسى خليل

هو ياشر لنا في الكتاب

بس أبغى أعرف الي يأشرو هو الي معانا ماعليا بالي مايأشرو ولا يجيب غير الي أشرو؟؟؟


ياريييييت تردو لي عليه لاني أخد معاه

وخايفه أعتمد على التأشير ويجي غير التأشير الي يأشرو لنا