أتمنى تقبلوا نصايحي البسيطة ....

[ranad]

كيفكم يالغاليييين عساكم بخير ان شاءالله

اول شي مبرووووووك عليكم حبايبي تستاهلوا والله

والي اخذين fحبايبي لاتزعلوا نفسكم هذه هي الدنيا مو دايما معانا

ادري تعبتوا وذاكرتوا لكن قدر الله وماشاء فعل


وعسى ان تكرهوا شيئا وهو خير لكم

واللذين اذا اصابتهم مصيبة قالوا انا لله وانا اليه راجعون

هذي المصيبة ركزووا المصيبة مو درجات المصيبة بيقولوا فيها كده كل شي وله حل

بعدين هذا مو معناه فشل بالعكس احنا الدراسة هذه شي جديد علينا بالانجلش واحنا ماقيد درسنا كده اعتبروها تجربة واتعلمتوا منها

اهم شي حبايبي مانستسلم بالعكس لو ايش ماكان نبقى على امالنا وتخصصاتنا اذا ماكان لينا خير في شي معين فاكيد يكون لنا خير في شي ثاني

اكيييد تعرفو قصة الكاتبة الامريكية هيلين كيلير كانت ماتشوف ولا تسمع وبسبب ده كله سارت ماتتكلم مع كده اتعلمت ثلاث لغات ودرست واخذت الماجستير كمان وسارت تعطي محاضرات

يعني يبقى الامل


مااعرف يمكن ماتعرفوني بس حبيت اقلكم كلام حلو يرفع من معنوياتكم

وحبيت اعطيكم نصايح بما اني كنت في خطة أ


1/الفيزياء

شوفوا يالغالييين الفيزياء نصيحة مني لاتذاكروا الا من الكتاب والبروبليم الي فيه ومسائل السيكشن والنماذج تبع الاقزامات الي تنزلها د.ثريا باعراقي لاتشتتوا نفسكم وتذاكروا من اشرف بركات ولا احد ثاني مااعرف انا هذا رايي اذا ممكن ترجعولوا في حاجة معينة اوكي لكن ممكن حل يختلف مع الكتاب انا افضل يكون من الكتاب يعني اقصد طريقة الحل...

واحسن الدكاترة ثريا باعراقي-لبنة سندي-نجوى عناية ...يقولوا كويسة بس ماحضرتلها
الفيزياء ترى حلوةبس يبغالها مذاكرة اول باول وتركيز واهم شي تفهموا في المحاضرة

2/الماااااااااث

الماث حلو بس يعتمد عالدكاترة الي يعطوكم يعني انا صراحة كانت تعطيني دكتورة سيئة بس برضو يبغالها دراسة اول باول واهم شي تحلوا المسائل الي في اخر كل فصل وتحلوا الان لاين وترى الماث اغلبه حق الثانوي

ونصيحة من اخت الاختبار الاول حاولوا تجمعوا فيه درجات

والدكاترة الي كويسين....هدى افندي-اريج الحربي



3/الحاسب

الحاسب طبعا تختبروا اختبارين عملي وركزوا فيها وترى حلوة لانوا منها تجمعوا درجات

وبالنسبة للنظري الاختبارين الاولى من10درجات فيه20فقرة والفاينال من30فيه40فقرة

ركزوا على المصطحات بالانجلش لانوا يجيبوها كتيييييييييييييييييييييير

اانا كانت تعطيني أ.وجدان مرة رائعة ماشاءالله

4/الاتصال

الاتصال مادة تعتمد على الفهم, والحفظ يكون في التعداد والتعريفات بس حلوة

الاساتذة..ديانة باعامر-اميرة

5/طبعا الانجلش انتوا عارفينه

حبايبي حاولوا تجمعوا درجات في الحاسب والاتصال عشان يرفع معدلكم

والله يوفقنا يارب ونجيب درجات احلى في الترم الثاني


اتمنى تقبلوا كلامي

اختكم ranad

[يارب بكره أحلى]

الله يوفقك يا قمر

صح كلامك بس المشكله لما اهلك ما يعرفوا واقع الجامعه ويحسبوكي في النهايه انتي الي بتلعبي ):

والحمدالله على كل حال (:

[ranad]

اهم حاجة ثقتك في نفسك وتكوني انتي راضية عن الي عملتي بعد كده خلاص

مادام انتي تعبتي وذاكرتي ماتنلامي

[يارب بكره أحلى]

المشاركة الأصلية كتبت بواسطة ranad اهم حاجة ثقتك في نفسك وتكوني انتي راضية عن الي عملتي بعد كده خلاص مادام انتي تعبتي وذاكرتي ماتنلامي

برضووو صح كلامك ما شاء الله ..

تحسي ان ضميرك مرتاح

[banOta ch!c]

جزاكي الله الف خير على النصايح الله يسعدك

[SHOSHO:)]

يعطيكي العاااافيه ياعسل

[*p!NK @ngel*]

يسلمووو قلبوو ع النصائح الحلوه زيك
انا احس اني تحطمت ع الاخير وحاطه املي في السمستر الجاي ..
والله يوفق الجميع ..

[strawberry18]

جزاك الله الف خير والله يوفقك يارب

وشكرا على النصائح الحلوة ^_^

[جود الجوري]

الله يعطيكي العافيه وتتوفقي يارب

[@rona@]

يسلموووووووووووو ياعسل عالنصايح