قرارات صعبة تواجهنا في حياتنا لابد ان نتخذها

[بسمة ألـم]

السلام عليكم ورحمة الله وبركاتة

كيفكم يا احلى اعضاء منتديات الجامعة

انا ح بدأ في الموضوع بدون مقدمات

انا يا جماعة الخير طالبة تحضيري خطة ب الملقبة بخطة بطة

كان طموحي ادخل قسم حاسب

بس دحين غيرت رأيي لاني سمعت انو جدا صعب ويتعب

ودحين افكر احول مسار اداري

بس المشكلة ياحلوين مو هنا

المشكلة عند اهلي

اهلي ياحبايب قلبي يبغون ادخل طب

وانا اكره ما عليا الدم ادوخ لما اشوفه وما اتحمل

ودراسة الطب صعبه ويبغالها صبر

^
^
سبب رفضي للتخصص

بس اهلي كلهم يتوقعون ادخله

ما ادرري ليه؟؟؟

بابا الله يسعدو جايبلي مدرسين خصوصيين عشان اجيب معدل

والحمد لله درجاتي حلوة واقدر ادخل طب براحة

بس انا مو حابته وصعب اجلس 6 سنين ادرس تخصص ما ابغا

والقسم العلمي مافيه تخصصات حلوة

عشان كدا فكرت احول اداري


المطلوب منك ياحلوين


تقولولي ازا فيه تخصصات جديدة للمسار العلمي وكمان الاداري

مو تقولولي تخصص كدا وكدا ابغا اعرف لمن اخلص دراسه دا التخصص اش اصير

وفين اقدر اشتغل


ما ادري صح مكان موضوعي

ولا فين احطو؟؟؟؟


الله يخليكم افيدوني

بسومة

[Life as Game]

مشاء الله عليك ..
طيب عندك هندسة ..
وكمان حاسب..
وعلى فكرة اللي يدرسون علمي اتوقع انهم يقدروا يدخلوا اي تخصص في الجامعة حتى لو كان اداري وانساني <<اتوقع

هذا اللي عندي و بالتوفيق لك

[بسمة ألـم]

هندسة ؟؟؟ للبنات

ممكن تقول لي عن دا التخصص اكتر

ويسلمووو عالرد

[الـبيــــــان]

لا ما يقدرون يدخلون اقسام أدارية ..

عندك تقنية حيوية حلوو ..

وتصميم داخلي يعتبر من الهندسة ..

تقنية النانو <--مدري إذا في فعزوز ..

بس بجد ضحكتيني يعني انتي بتحولين عشان ما عندك تخصصات حلوة..

اجل في الأداري وش تبي تتخصين ..

باالله يابنات بلا عنطزة الواحد يحمد ربه ..

[بسمة ألـم]

المشاركة الأصلية كتبت بواسطة الـبيــــــان لا ما يقدرون يدخلون اقسام أدارية .. عندك تقنية حيوية حلوو .. وتصميم داخلي يعتبر من الهندسة .. هندسة النانو <--مدري إذا في فعزوز .. بس بجد ضحكتيني يعني انتي بتحولين عشان ما عندك تخصصات حلوة.. اجل في الأداري وش تبي تتخصين .. باالله يابنات بلا عنطزة الواحد يحمد ربه ..

يسلمووو ياقلي البيان

بس معليش بتعبك

ممكن توضحيلي اش هوا قسم التصميم الداخلي ؟؟؟

اش اصير لمن اخلص واش ممكن اشتغل وفين

[shenosheno]

المشاركة الأصلية كتبت بواسطة بسمة ألـم يسلمووو ياقلي البيان بس معليش بتعبك ممكن توضحيلي اش هوا قسم التصميم الداخلي ؟؟؟ اش اصير لمن اخلص واش ممكن اشتغل وفين

اختي دخلت تصميم داخلي واتخرجت منو بـ فوق الـ 4 اذا مني غلطان ,, واهوه شوفيها تدور على وظيفه لما جاها الطفش ماحصلت شي هع

[بسمة ألـم]

المشاركة الأصلية كتبت بواسطة shenosheno اختي دخلت تصميم داخلي واتخرجت منو بـ فوق الـ 4 اذا مني غلطان ,, واهوه شوفيها تدور على وظيفه لما جاها الطفش ماحصلت شي هع

ياحبيبي

والله حاااااااااااله

من دي الوظايف

>>مقوره الاجانب يتوظفو

وابناء الوطن الغالي مو لاقين وظايف


يعني اشلو من راسي

>> رجعت تفكر تحول


يسلموو خيو عالرد

[rarba]

شوفي كلية الصيدلة, تخصص ممتع, مافي دم(امكن في بس قليييييييل), وظائف بالهبل, وراتب يبدأ من 13 الف ......إيش تبغي اكثر من كدة؟؟؟؟!!!!

[بسمة ألـم]

المشاركة الأصلية كتبت بواسطة rarba شوفي كلية الصيدلة, تخصص ممتع, مافي دم(امكن في بس قليييييييل), وظائف بالهبل, وراتب يبدأ من 13 الف ......إيش تبغي اكثر من كدة؟؟؟؟!!!!

يعني فين رح اشتغل

واش ح تكون وظيفتي

ابامعلومات اكتر حياتي

ويسلمووو

[rarba]

المشاركة الأصلية كتبت بواسطة بسمة ألـم يعني فين رح اشتغل واش ح تكون وظيفتي ابامعلومات اكتر حياتي ويسلمووو

يا معيدة في الجامعة ويكون دوامك مو طويل
او صيدلانية في اي مستشفى تعطي ادوية
الصراحة يا قمر بابا استشاري في الحرس الوطني فهو عارف ويقول مرة لا تشيلي هم الوظيفة , مرة مريحة ومتوفرة ومحتااااااااااااااااااااجين صيادلة كثير- بس الناس مو عارفين
وحياتك حتكون اسهل اذا إنتي ما تحبي الاختلاط, وكمان تقدري تاخذي اجازة بالراحة
يااااااااااااا رب يسهلك امورك ويختارلك احسن طريق