سؤال للبنات عن الفسيولوجي

[JuStice]

.


السلام عليكم ورحمة الله ,


سؤال للبنات عن مادة الفسيولوجي مين يديكم هيا ؟


وإيش الملخصات أو السلايدات أو الأماكن اللي تدرسوا منها المادة دي ؟


إحنا جانا دكتور جديد يدرسنا هي , اسمه عبدالله عبدالكريم - عراقي الجنسية -


بـ نعاني معاه بصراحة .. لأنه يحط صورة وحدة ويجلس ساعة كاملة يشرح


عليها ! وكتير مصطلحات ما يقول معانيها ولا نفهمها منه ,


وصلنا معاه للـ ans ..


إذا يدرسكم أحد تاني يا ريت تحطوا ملخصاته ..


.

[no0of2009]

احنا تدرسنا دكتورة مها حجازي تعيد 1000000000000000مرة الشرح لحد ماتلخبط وتتكلم على اساس انه فاهمين المصطلحات بس تقول بتروح الاسبوع الجاي

لكن هيا بتقول انه ن\اكر من السلايدات والهاند اوت إن شاء الله احد ينزلها هنا لان usbمو معايا دحين وهيا فيه

[JuStice]

.

طيب تمام إنه يدرسكم أحد تاني ,

بالنسبة للسلايدات حقتها فيها شرح ولا بس صور ؟ لأن دكتورنا بس صور وتقسيمات عامة اللي أعطانا هيا ,

ونتمنى أحد يحملها لنا ويعطيكم ربي ألف عافية ..

.

[Igouana]

زي ماقالت نوف دكتورة مها حجازي ,,,

وعلى فكره كلهم بيعاملونا على أساس إنو عندنا مصطلحات بس إنتو نبهو عليه يمكن يكون فاكر إنكم أخدتوها ،،،،

V
V
v

دا ملف فيلو كل شي عن الـــ ANS

خمس محاضرات + summary

للتحميل ..

دعواتك ،،،،

[JuStice]

.

جزااااااااكِ الله كل خير والجنة (:

الأسلوب يختلف شوية .. لكن عالأقل الآن صار فيه شروحات وسلايدات نرجع لها

مشكورة ويعطيكِ العافية .. الله يجعله بموازين حسناتك

.

[Igouana]

المشاركة الأصلية كتبت بواسطة justice . جزااااااااكِ الله كل خير والجنة (: .

آاآاآمين يارب {{ نحنا والمسلمين جميعـــًا

المشاركة الأصلية كتبت بواسطة justice . مشكورة ويعطيكِ العافية .. الله يجعله بموازين حسناتك .

{{ الله يعافيك ،،،،

ودا من واجبي وإن شاء الله أنزل بقية السلايدات أول بأول }} ...

[~*رآج ــية الــج ـــنة*~]

جزاااااكي الللهـ ألف خيييييير والللهـ يعيننا على الماااادة دي
مرررررررره انا شايله همها
الللهـ يسهلنا يآآآرب

[عبوور]

محاضرات د. مها حجازي ترى مررره جيدة وكفاية انكم تذاكروا منها
ربنا يوفقكم كلكم

[كنق الجنوب]

مشكوره اختي على السلايدات
بس والله ولو عقلي 10 قيقا بايت ما حفظت السلايدات ذي
مع تمنياتي لكم بالتوفيق جميعا

[miss chocolate]

دكتورة مها لازم تركزو معاها مررة كويس وتكتبو الشرح لانو احيانا بتجي الاسئلة من الشرح وللمعلومية حاولو بعدين تشترو ملازم اسئلة للفسيلوجي mcqعشان تتعودو كيف تحلو الاسئلة لانو مو دايما تجي الاسئلة سهلة اغلبها فهم ولمن ماتفهمو روحو للدكاترة يشرحو لكم او اسالو الدفع اللي اكبر منكم