حصريـــا لايفوتكم^_^تجربتي وكل شيء بـ لابي من فايلات لخطة ب(كيمياءو..) بسدحه لعيونكم

[نور عيني08]

السلام عليكم ورحمة الله وبركاته

كيفكم ياحلوين؟....... كيفكم ياصيايا؟؟..... ايش اخباركم؟ ..... وكيف اجازتكم بعد الكرف اللي شفناه بالاختبارات ؟؟....
وكيف الدرجات للي طلعت نتايجهم ؟.........وكيف الحلوين اللي لسى داخلين الجامعه؟؟<<ياليييييل اخلصي علينا

انا اليوم جايه وكلي حماااس واندفاع<<اوبس الله يستر من هالاندفاع هع
بعد ماخلصت الاختبارات وفرحانه الحمدلله
اخر وناسه وفله مع الصيف
وقلت لازم اقدم لكم خبرتي في خطتي احم احم <<برآ
واقلكم ع كل شيء ممكن يفيدكم بهالخطه ع اساس تجربتي فيها <اخوووص يا ابو التجارب انتي هع وخر عنه وخر

بصراحه الواحد لو لقي زي هالمواضيع يوفـــــــــــــــر عليه تعب ووقت وجهد وهو يدور ع نماذج او ملخصات او حلول
و انطلقت فكرتي من كم موضوع شفته هنا بهالمنتدى يشبه هدا واستفدت منه مرررررررررررررا
فحبيت اقدم اللي اقدر عليه واساعدكم باللي عندي زي مادعيت من قلبي للي ساعدوني

المهم<<ايييوه هدا اللي نبي بلا كثرة هرج هع

اممم حنبدا خطوه بخطوه
اولا: مقدمه بسيطه عن انطباعاتي عن الماده
تانيا:استاذات الماده وملاحظاتي ع المذاكره فيها
تالتا: الفصول اللي معانا وبعض الملاحظات
واخييييرا كل مافي لابي من نماذج وحلول وملخصات بسدحه هنا

بس عندي رجاااء اخير يااااااااليت لا حد يررررررررررررررد لين ما اخلص من كل شيء علشان الناس تستفيييييييييد لين تدخل موضوعي ماتقعد تدور ع الفايلات بين الردود


واتمنى هالموضوع يفيد الجمييييع واحسبه لوجه الله تعالى واصدق رد اعتبره دعوه صاااادقه من قلب

خليكم معانا حنقلع قريبا ..... انتظرووونا

......لي عوده ودمتم بخير

[نور عيني08]

حأبدا بالاحصااااء
اولا: الاحصاء ماده ممتعه جداااااا وحلوه وممكن نقول عليها شبيهه الى حد ما للرياضيات وانا احب الرياضيات بصراحه بس الفرق ان الاحصاء
ماده من واقع حياتنا يعني تسوا احصاء للناس اواستبيان لشيء معين وتحصروا النتائج او تعرفوا احتمال شيء معين كم حيكون مثل عائله لديها اطفال ماهو احتمال يجيبوهم كلهم اولاد وزي كدا<<حفظت هالمثال من كثر ماعمونا بيه هع
يعني اشياء مرتبطه بحياتنا العمليه مو زي الرياضيات حسابات فقط من غير ماتكون مرتبطه ارتباط تام بحياتنا
واحب اقول شيء
ع اني ماكنت دايم افهم من استاذتي ومايعجبني شرحها
ومن المعروف انه الاستاذ/ه لهم تاثير ع حب الطالبـ/ه للماده وتقبلها
بس انا كنت احيانا احضر اكسترا لما افضى واكون مو فاهمه مع استاذه ثانيه واستمتع مرررررا

تانيا: انا جربت 4 استاذات
استاذه شفياء : تشرح وتشرح بس تحسي نفسك ضاااااااااااااايعه
نصييييييييحه استاذنوها انكم تحضروا عند استاذه غيرها من البداااايه واستاذنوا الاستاذه التانيه انها تحضركم عندها بدال شفياء
استاذه نهله: خطييره ماشاء الله عليها تشرح وتفهمك فكرة الامثله والتمارين مرا كويس بس ماتحل كل شيء
تعتمد عليك انتي تحلي والاشياء الصعبه تحلها بس اما تفهمي معاها تروحي تحلي لوحدك يطلع حلك صح يعني مايحتاج
ولما يكون عندم استفسار اسئلوها لانها تفهم اي وحده حتى لو مو من طالباتها ربي يسعدها
استاذه ود: تشرح شرحها وسط لكنها تحل كل شيء
انا بالنسبه لي نهـــــــــله توب ومافي غبار عليها اهم شيء الفهم مو الحل
دكتوه سماح سندي:هدي حق السكشن مررررررررررررا كويسه وتوب التوب تشرح وتحل وتفهم وكل شيء
بس نحن ع حظنا اعطتنا اول سكشن بس وبعدها ماصارت تعطي سكاشن صاروا استاذاتنا يعطوا في دي الحاله روحوا عند نهله
واللي سمعت فيها عبير بالبيد كويسه

طريقة المذاكره:
الاحصاء يبغاله مذاكره اووووول باووووول ولاتراكموها لانكم لازم تفهموا وتطبقوا وتحلوا لاسئله اللي يحدودها لكم بالسليبول حق كل درس
وتحضروا سكاشن حتى لو حليتوا الاكسرسايز لوحدكم وطلع صح الافضل احضروا سكشن لانهم يقولوا ملاحظات عامه تفيدكم
وذاكروا من الكتاب وملخصات السعدي لانها مرا تفيد وتلخص لكم الافكار
ويوم الاختبار بعد ماتذاكروا حلوا كم نموذج ضرووووووووووري لانه بصراحه اللي في الكتاب اشياء مباشره ودايم النماذج فيها لفات
فخدوا افكار اللفات من النماذج

تالتا: الفصول اللي معانا حسب السيلبول
شابتر1: عن الاحصاء وانواعه والعينات والاخطاء الاحصائيه ..هدا نظري يعني لازم ينحفظ
شابتر 2: عن التوزيعات التكرايه وتمثيلها بالرسومات ..تفهوا البينات اذا كانت وصفيه او كميه تستخدموا لها أي رسم واي جدول
شابتر3: عن مقاييس النزعه المركزيه ومقاييس التشتت ومقاييس الموقع واستكشاف البيانات وتحليلها ..هنا قوانين لكل مقياس وتطبقوا عليها وتقارنوا بينهم
شابتر10 و13: معامل الارتباط والانحدار ..تحسبوهم بقوانين ولما يطلع لكم الناتج تعرفوا علاقتهم طرديه او عكسيه
شابتر4:الاحتمالات ومبدئ العد ..هنا لازم تحلوا كتير لان الافكار تختلف من مسأله لمسأله
شابتر5: الاحتمالات التوزيعيه وتجربة ذوحدين ..هنا قوانين تطبقوا عليها بس لازم تفرقوا بين مساله ذو حدين وغيرها من صياغه السؤال
شابتر 6 الاخير: التوزيع الطبيعي ..هنا تكشفوا عن مساحه الاحتمالات من جدول وفيها قوانين علشان تتوصلوا للكشف

اخيرا حارفع الفايلات اللي عندي للاحصاء
1- قاموس الاحصاء يفيدكم في معرفة معاني الكلمات
2- ملخصات الاستاذ جمال السعدي لشابتر 1 جزئين و2 و3

...لي عوده ودمتم بخير

[نور عيني08]

علشان مو راضي يترفع مع بعض حأفرع جزء جزء

تابع الملخصات شابتر 4 و5 و6

.....لي عوده ودمتم بخير

[نور عيني08]

اخر شيء في الملخصات ياحلوين شابتر 10 و13
ونبدأ بالنماذج اولا اختبارات دوري اول

...لي عوده ودمتم بخير

[نور عيني08]

ونماذج اخرى للدوري الاول
اي نموذج اللي مكتوب عليه جمال السعدي معناه ان الاستاذ جمال السعدي كاتب طريقة الحل

...لي عوده ودمتم بخير

[نور عيني08]

ودحين نبدأ بنماذج الدوري التاني

...لي عوده ودمتم بخير

[عبير الفيفي]

مشكورة اختي

ع المجهود الرائع

بس احنا خلاص خلصنا تحضيري

وش نستفيد منو
بالتوفيق

[waleedco]

مشاء الله تبارك الله ..موضوع رائع ..مقدرين جهدك ..بس ياريت تسهلي على القارئ أكثر من ناحية المفردات فتذكري العربي عربي والإنجليزي إنجليزي..زي مثلا واكسرسايز بالعربي تمارين ..اوExercisesوغيرها الكثير من المفردات ..حتى لا تضيع لغتنا العربية:)

[نور عيني08]

المشاركة الأصلية كتبت بواسطة عبير الفيفي مشكورة اختي ع المجهود الرائع بس احنا خلاص خلصنا تحضيري وش نستفيد منو بالتوفيق

العفو ياعسل
اممممم اولا ياعسل مابي احد يرد لين ما اخلص لانه كدا حنخلي الناس يحوسوا
تانيا ياحلوه انا ماخلصت لسا باقي لي السمستر الجاي اكمل التحضيري وكتير ناس زيي وهم الخطه التانيه يعني حيستفيدوا من خطتي
وكمان لسا الحلوين الجدد اللي حيتسجلوا بالجامعه السمستر الجاي اذا كانت هدي موادهم راح يستفيدوا

المشاركة الأصلية كتبت بواسطة waleedco مشاء الله تبارك الله ..موضوع رائع ..مقدرين جهدك ..بس ياريت تسهلي على القارئ أكثر من ناحية المفردات فتذكري العربي عربي والإنجليزي إنجليزي..زي مثلا واكسرسايز بالعربي تمارين ..اوexercisesوغيرها الكثير من المفردات ..حتى لا تضيع لغتنا العربية:)

يسلمو
ههههههههه والله انا كنت بكتب ع قولك العربي عربي والانقلش انقلش بس حسيته بيضيع الوقت
كل شوي اقلب الكيبورد عربي وشوي انقلش وزي ما انت عارف الكلام اللي بالانقلش كتير
فقلت اختصر ع نفسي واكتب كدا <<شغل كسولين بعيد عنك

اممم يسلمو ع هالملاحظه ويبغالي اسويها



بس ياليت لا حد يرد بلييييييييييييييييز لين اخلص بس باقي الكيمياء

[نور عيني08]

سوري ع التاخير لاني انشغلت شوي

اممم طيب نبدأ بالكيمياء
اولا: الكيمياء ماده مو جديده عليكم هي حلوه بس لين نخرج من الاختبار ونشوف اسئلتهم نصاب بجلطه هع وتراها طوييييله يعني يبغالها شدة حيل مزبوووووطه يعني ماينفع تكون اول مذاكره لكم ايام الاختبارات لازم تذاكروا قبلها لانكم تحتاجوا يوم الاختبار تتطلعوا ع نمااااذج لانهم يفترررررررررررروا فينا في لفات اسئلة الكيمياء واغلب المنهج اخذناه بالثانوي سواء تاني او تالت مع اضافة اشياء بسييييييطه اللي جديده علينا لاتذكر من صغر حجمها مقارنة باللي درسناه

تانيا: انا جربت استاذتين
استاذتي الهام باعيسى :هدي استاذه كويسه وتشرح بس تدرسيها مستواه عالي اعلى من التحضيري يعني تشرح اغلبه انقلش يكون مصطلحات انقلش جديده علينا ماتقول معناها ونحوس ونستنج من الدرس ونفتكره من شرح الثانوي وكمان ماتلخص الافكار وفي اشياء اساسيه ماتذكرها

واستاذة فوزيه البلوي: هدي استاذه مرا كويسه تشرح عربي وتفهمك مزبوط وتقلك ع المصطلحات بالانقلش علشان ما تيتوهي بالكتاب وتلخص الافكار ودايما تجيب اسئلة اختبارات فاتت كانت صعبه ع البنات وتفهمنا

وسمعت انه الدكتوره اكرام دانش وليلى الحربي كويسين

تالتا : فصول الكيماء 1 و2 و3 و4 و5 و7 و8 و9 و10 و14 و15 و24 و25
مجموعهم 13 فصل
ماحتطرق لكل فصل لانه اغلبه اخدناه
بس عندي ملاحظه ع الفصول الاخيره باختبارنا الفاينل ركزنا ع الفصول الاخيره اللي مادخلت بالدوري بس
لاحظت بالاختبار انه ماجا منهم ع قولهم ثلاثة ارباع اختبار والربع من جزئية الدوري الاول والتاني
لاحظت انه الاسئلة متوزعه من 24 جابو تسميتين ومن 10 برضه تسميتن اظن ومن 25 سؤال او سؤالين
المهم لاتركزوا ع الجزئيه الاخيره وتسيبوا الباقي ذاكروهم كلهم تمام

طريقة المذاكره:
انا بالنسبه لي كنت بالبدايه ما احضر عند الدكتوره فوزيه واضطر امسك الكتاب وعروض الدكتوره ليلى واترجم لين تطلع عيني وكمان الترجمه الحرفيه مو زي المعنى بالعربي احيانا يطلع اشياء غلط مو متركبه ع بعض
وبعدين صرت احضر عند الدكتوره فوزيه فكنت اكتب ملخص من شرحها ويريحني مرررررررررا بالمذاكره لانه اغلب شرحها عربي
كنت ابدأ اذاكر من هدي الملخصات وبعدها امسك عروض الدكتوره ليلي وأاشرها بالكتاب لانه يساعد ع تلخيص الكتاب بس فيه اشياء مو موجوده بالعروض فأاشرها من نفسي
وبعدين امسك الكتاب احفظ التعاريف والجداول واذاكر الامثله والباقي امشي عليه سريع لاني فاهمته بالعربي حتى لو مصطلحات بالانقلش ماكنت عارفه معناها امشي
واحل اسئلة الكتاب اللي محدده بالسلبول بس علشان تثبت المعلومات

ويوم الاختبار نصيييييييحه قد ماتقدروا خلصوا بدري وامسكوا نمااااذج كتييييييير واطلعوا ع الافكار واللفات لانه اسئلة الكيمياء في اللفات مافي زيها حتى لو ماحليتوا اسئلة الكتاب قبل الاختبار انتبهوا تضيعوا وقتكم عليها يوم الاختبار مو مهمه احسن لكم في دا الوقت امسكوا نماذج واسئلة المراجعه اللي بحطها لكم لانهم يجيبوا زيييييها لدرجة احيانا نفس المعادله والارقام وكل شيء

اخيييرا حارفع لكم الملفات
اول شيء حابدأ بعروض الدكتوره ليلي شابتر1 و2 و3و4و5


...لي عوده ودمتم بخير