تجمع طالبات الانتساب المستوى الخامس --اخبار الدورة فقط

[ام حمدان]

السلام عليكم ورحمة الله وبركاته

قروبي العزيز

هنا بإذن الله راح يكون تجمعنا وراح يكون خاص فقط بسير المحاضرات

اما الاستفسارات
فهذا الرابط الخاص بها زي مااتفقنا



http://www.skaau.com/vb/showthread.php?t=268608





نجي للمواد
اتفقنا انه كل ماده راح تكون بلون مختلف عشان يسهل البحث عنها وهي كالتالي

lane 321

lane341

lane350

lane331


المواد العامه زي الثقافه والعربي ومبادئ الاداره --تنكتب باللون هذا


المواد الحره --تنكتب باللون هذا


مع خالص تمنياتي للجمع بالتوفيق والنجاح

[wed0o0]

lane 341 مقدمة في الادب مع سهااااام


كيفكم يابنات
اش رايكم في محاضرة اليوم
انا ... قمة في التناحة احس المحاضرة ضاعت في الفاضي كلها على كلمة ليتريتشر از...
كان ادتنا التعرف وشرحت بالمختصر وكملت باقي المنهج
مرة ماينفع كدا في الادب بس كلام كلام كلام والبرتقالة والحنطور ..صح حلو الفرفشة شوية بس مو كذا تروح المحاضر في واحد موضوع حتى مو موضوع كلمة وحدة بس!!
انا ح احذف المادة الين مااشوف طريقتها في الاسئلة كيف..احس سوزان كانت اهون صح جامدة بس تشرح وتفهم

[cute*soso]

lane 341 مقدمة في الادب مع سهااااام
مس سهام قالت الاوت لاين مو معاكم
بس اللي عندها تقراه للفايدة وقالت يفيدكم في السمسترات الجاية ان شاءالله

[ام حمدان]

321 مقدمة في اللغويات مع مس الاء المحمدي

الكتاب هو نفسه الي نازل اسمه فالمفردات النسخه الثالثه 2006

هذا عرض البور بيوينت الي شرحت منه اول درس --مره واضح ترجمو الكلمات الجديده عليكم فيه وراح تفهموا منه إن شاء الله والشرح لكل فقره موجود فالكتاب بشكل واضح

وقالت الشابترات الي راح ندرسها (2-4-5-6-7-8-9-10-13-14-15-19)
واخذنا شويه كمان من شابتر 4 بس انزل المره الجايه لمن ناخذه كامل احسن

[white rose]

lane 341 مقدمة في الادب مع سهااااام
أمس مس سهام قالت انو ما في كتاب للمادة بس الملزمة اللي فيها النصوص الادبية وقالت حضروا اول قصتين عشان المحاضرة الجاية راح تشرحها:
Edgar Allan Poe’s “The Cask of Amontillado”
Henry James’s “The Real Thing”
كمان قالت اذا حبيتوا تعرفوا معاني المصطلحات الادبية اشتروا كتاب glossary of literary terms لاي مؤلف تلاقيه في المكتبات ..وما عرضت اي سلايدات لنا ..وكل القصص والاشعار والدراما اللي في المفرادات معانا ..
lane350 الترجمة مع د.منال التاودي
والترجمة مس منال طلبت 3 قواميس كبيرة :
1-انجليزي انجليزي زي اوكسفورد
2-انجليزي عربي زي المورد
3-عربي انجليزي زي قاموس لهانز فير..
وقالت الاختبار عبارة عن قطعتين تترجمي فيها:
1-من عربي لانجليزي
2-ومن انجليزي لعربي
وبالتوفيق ..

[ام حمدان]

^
اول شي ردك مخالف :)--مضطره احذفه
المفروض تستفسري فموضوع الاستفسارات مو هنا --روحي حطي استفساراتك فالرابط الخاص بالاستفسارات الي موجود فأول رد لي فالموضوع هذا اوكي ياعسل

اما عن سؤالك --عن اللغويات انا اخذه مع الاء المحمدي كويسه تشرح من السلايدات الي نزلت اول شريحه منها في ردي السابق
وكتاب الماده المطلوب معروف الي لونه ازرق شويه متين وهذا هو موجود فالمرفقات عشان تشوفيه بنفسك
اما استفساراتك الثانيه ماعندي فكره عنها للاسف لانها مواد مو عندي
بالتوفيق

[رؤى م.]

السلام عليكم يا بنات
حبيت اقولكم ان منهج الثقافة 401 اتغير
وكتابه الجديد اسمه << أخلاق المهنة أصالة إسلامية ورؤية معاصرة >>
د.سعيد الغامدي
أستاذة شكران قالت لنا إن الكتاب اكبر بس المعلومات الي فيه اقل من القديم لانه كله كلام انشائي
وتقول في المنهج القديم سهل انك تخمني الاسئله الي حتجي في الاختبار بسبب وفرة الافكار المهمه
اما في المنهج الجديد حوسه ,, يعني راح تقري كذا صفحه عشان تلاقي فكرة مهمه

انا بفكر احذفها واستنى يجربوها الترم دا البنات وانزل بدالها مادة حرة .. ايش تقترحو ؟؟

[ام حمدان]

مقدمة فالادب 341 مع مس سهام فطاني

شرحت عناصر القصه والاخت
http://www.skaau.com/vb/member.php?u=90623

نزلتها لكم في ملف جاهزه هو نفس الي كتبته معانا تقريبا عالبورد بس بشكل ارتب فالملف واواضح--موجود فالمرفقات

وعندي ملف خاص بكل عناصر الادب بشكل عام بس بدور عليه وارجع احطه اول ماالقاه لانه مرره مهم انكم تعرفوها

اخذنا امس اول قصه the cask of amontialldo
وقعدت تقرى فيها وتحاول توضح لنا كيف تحليلها بس قرات اول صفحه من القصه الي فالملزمه

وبحث لكم عن الشرح والتحليل والسمري وكل حاجه مهمه عن القصه ولقيتها جاهزه الحمدلله هنا فالرابط هذا بس عليكم تقروه وبعد كذا تترجموا الكلمات الجديده عليكم وتحاولوا تفهموا كل حاجه فيه
والتحليل والسمري والشخصيات الخ كلها موجوده عندكم على الخيارات الي على اليسار فالرابط
http://www.sparknotes.com/lit/poesto...ection11.rhtml

بالتوفيق

[ام حمدان]

بالنسبه للغويات 321 مع مس الاء

رجعت كملت شابتر 4

وقالت انه اسئلة الكتاب الي في اخر الشابتر مره مهمه ويجي تقريبا اسئله تشبهها فالامتحان
والجداول الي فالشابتر مهمه جدا زي ص34 وص38

هذا رد للاخت الهام بترد فيه على نيناب سؤال فموضوع الاستفسارات عن انه كيف تعرف انه الحرف صوته كذا مثلا

وهذا رد الهام --راح يفيدكم
مــرحبــآ خيتوو ..
رآح أشرح لكـ شرح مبسط لمثآل وآحد ..
هيه 3 أشيآء مهمه في هذآ الجدول لآزم تميزيهـآ
1/ voice إمــآ (v+) أو (v-)
2/ place of articulation وهيه أنوآع كثيره كل وآحد فيهم يندرج تحته
حروف معينه برموزهــآ مثآل bilabial من الحروف المندرجه تحته
p وهوآ voiceless (لآزم تحفظييييييينهآ )
3/manner of articulation وبرضو تندرج تحتهآ أقسآم معينه تتضمن حروفـ
مثلآ stops والحروف اللي تتضمنهآ (p,b,t,d,k,g)
...

طبعآ كلهآ تقدري تميزيهآ على حسب التعريف وحآولي تمآرسي النطق و تتسّهل
طيب رآح أعطيكي مثآل ..
السؤال :
how can we fully describe the sound (t) in ten ?z
الجوآبــــ ..
t). is a voiceless alveolar stops



وبالنسبه للمحاضره هيا عرضت الشريحه الموجوده فالمرفقات وشرحت منها وعندكم فيها اسئله راح تلاقوها ترى مهمه ممكن يجينا زيها فالامتحان وكمان الجداول الي فيها مهمه واوضح من الي فالكتاب يعني فيها تفصيل اكثر
ولو لقيت اي شي ممكن يفيدكم في كيفيه نطق كل حرف من حروف الاصوات بنزله إن شاء الله لانه لازم تسمعوا نطقها :(
راح ابحث خلال الايام ذي وإن شاء الله القى شي يفيدنا

بالنسبه لحلول التمارين الي حلتها معانا فالشابتر تأكدت انها نفس الي موجوده في ملف رائع لاحد الاعضاء هنا فالمنتدى
الله يجزاه بجنة الفردوس اللهم امين
انا شيكت على شابتر 2 وشابتر 4 وترجمتهم صحيحه اما حلول التمارين هي حلت معنا بس الاسئله الموجوده في شابتر 4 وتأكدت انها نفس الحلول الي فالملف
يعني اكتبوها ويصير كل مانتأكد من شابتر نقولكم اعتمدوا على الحل الي فيه او نعدل فيه لو وجدنا خطا اوكي

بالتوفيق

[الأمواج]

بالنسبة Lane331
حضرت عند نجوى الغريبي قالت مااحد يأخذها إلا لما يخلص الأدب ويتعداها ..
أنا كنت أبغى أضيفها وماعديت الأدب لإني حملته رحت عند استاذة جميلة المشطاطي وكلمتها قالت مو تخلصوا الادب وبس حتى متطلباته يادراما يا فيكشن عشان نقدر نضيفه..
قلت لها اتحمل المسؤلية انا قالت نحن حنطلع على الجداول وااي وحدة ضافتها بدون ماتخلص الادب طوالي حنحذفها في الويك اند وبكيفكم..
حاولت فيها مااااااااااااارضييت فانتبهوا مع ان المنهج تغييييييييير وماصار في بحث بمعنى الكلمة..