سؤال في البحث محتاجة اجابته اليوم قبل ما اطبع البحث

[to0ofy]

سلام
انا في البحث مع امل تركستاني
وطفستني في أهمية التقرير كل ما اكتب تقولي مو كدا
كتبت بكذا صغية قالتلي ابغى اهمية التقرير مو اهمية الموضوع
انا موضوعي عن الحوافز والرضا الوظيفي

دحين الي فاهم كيف ينكتب اهمية التقرير يقولي لاني مو فاهمة اش تبغى الدكتورة
بيلز الي يعرف يقولي اليوم قبل ما اطبع البحث
لاني تسليمي الآحد والمكتبة تبغى التقرير قبل بيومين عشان التغليف

[خوخه فيها دوخه]

وانا نفس وضعك توفي طفشتني في الاخير كتبتها نفسها لاني مليت وبكرا ان شاء الله راح اطبعها لانو تسليمي الاحد ان شاء الله استودعي الله وحطيها 3مرات ارسلته لها تقولي نفس الكلام اريد اهمية التقرير وليس اهمية الموضوع ..
موضوعي عن الامن الوظيفي
كنت ابسالك هل سالتيها عن عرض البوربوينت كيف نعمله سالتها قالت 10 شرايح هل ننسقها او لا
ايش عملتي انتي ؟

[to0ofy]

لسى ما عملت البوربوينت وانا ناوية اعملة بتنسيق ليش لا حتى العرض بتدخل فيه
وماخلصت اكتب البحث هههههههههه
باقي قائمة المحتويات محتارة اش اكتب من الجزء النظري بس اسماء الفصول ولا اكتب بالتفصيل

[to0ofy]

شوفي الملف المرفق
اذا لسى ما طبعتي البحث عدليه
وحدة من البنات جزاها الله خير هي ادتني دا الجزء من بحثها

[شموخ كبريآئي]

وعليكمـ آلسلآمـ ورحمة آلله وبركآته ~..

وآنآ كآن موضوعي كمآن عن آلحوآفز :)

آهمية آلتقرير من آهمية آلموضوع يعني كلو وآحد ~..

يآريت كآن سئلتيهآ وفهمتي منهآ قبل مآتخرجي من عندهآ ،، حآولي ترآسليهآ على آلإيميل إمكن تقدري تفهمي إيش طآلبة بآلظبط ~..

وموفقة ^^

[شذو]

الله يعين يارب ويوفقنا
انا قالت لي تعالي السبت اعدل لك البحث
الله يعين والله شكلها بتجيب فيني العيد

[alawizz]

بنات اذا ممكن متى تبدى المناقشه مع الاستاذه بكره

الساعه9 او الساعه10 لاني مره مضيعه

ضروووري

[ham133]

ملف ينفع كثير

lمكن ينفع.docx - 12.64 KB

[to0ofy]

الساعة 10 المناقشة في مكتب الدكتورة
وديت البحث للمكتبة عشان التغليف قالي تعالي بكرا الساعة 9 احس اني متوترة ابغى بحثي عندي هههههههههه

[خوخه فيها دوخه]

و الله انا بعد ياتوفي مره متوترة باقي ابغا اذاكره هههههههه اخاف تسال ولا شيء واكون مضيعة الله يستر
اما العرض عملتة تنسيق مره ناعم ماعملت كثير ومن ناحية المضمون حاولت قد مااقدر اجيب المفيد والمهم
الله يستر وربي مره قلقانه الله يهونها علينا ويعديها على خير
لقانا بكرا ان شاء الله.