نريد حلا لذلك ,,,

[نسمة امل]

بسم الله الرحمن الرحيم
كثيره تساؤلاتى االحمد لله كتب الله لنا بالتقديم والحمد لله وامورنا ماشية تمام ودخلنا الامتحان والحمد لله ,ولكن اتسأل كثير معظم من تقدموا لدراسات العليا من الطلبة المتفوقين واللى لديهم قدرات لاكمال تعليمهم ومنهم من ترك اشغاله واهله وسافر من اجل الحضور والحصول على مقعد والعدد كبير جدا ولكن هناك عدد ومقاعد محددة لقبول فلماذا اذن ؟ اين يتجه الباقين الذين لم يكتب لهم القبول بشكل نهائي .اذا الجامعة ماقبلتهم ,لاتقولون بعثات خاصة ان الاغلب لديهم ظرووووف تمنعهم من الابتعاث ....اين يتجهوووون خاصة ان لديهم طموحات اذن من يعينهم للوصول لطموحاتهم ,,
اتمنى اجد اجابات شافية,
اتمنى اعرف المفاضلة تكون بناءً على ماذا (المعدل والاختبار ) كيف المعدل 60 والاختبار 40
هل هناك معادلة لتحويل المعدل إلى 60 والاختبار الى 40 ؟؟؟

اجيبونا يارعاكم الله

[just_girl]

المفروض كل من اجتاز الاختبار ومعدله جيدجدا واجتاز المقابلة الشخصية يقبل لدراسة الماجستير
والله يوم الاختبار شفت قاعه فيها ثلاث طالبات وقدامهم شاشه شغاله فيها دكتور يستعد للمحاضره
سألتهم عن القاعات اللي فيها اختبار الادارة العامة فقالوا ماعندنا فكرة ولأني كنت جاية بدري عن موعد الاختبار جلست معهم على ماتبدا محاضرتهم وسألتهم وش تدرسون ؟؟
قالوا احنا ماستر مكتبات وباقي لنا سيمستر ونتخرج
البنات كانوا مره ذوق وراقيات الله يوفقهم
بس اللي قاهرني ان القاعه فيها تقريبا 100 كرسي اذا مو أكثر وكل المكيفات شغالة والدكتور في شاشة وجالس يشرح
وش خسرانة الجامعة لو كانوا 50 الموجودين في القاعه مو 3 ؟؟؟
والله شيء يقهر

[never hide]

نسمة ...

الحمد لله انك حضرتي الاختبار

نفس التساؤل ...

[نجاة الفرسي]

فعلا
طالما ان الكودار موجوده والطموح عاليه ليش ما نقدر نكملدرستنا ونوصل للعلا
بالعكس راح نفيد بلدنا ورح نطور نفسنا واللي حولنا
زمان الاتجاه للماستر كان قليل
بس دحين ماشاء الله العدد اكبر من كل سنه
يعني في طموح وفي عزيمه

ياريت الدوله تنتبه لهالشي
وجزاها الله خير بعثات الملك عبدالله كل سنه بترسل الوف الطلبه والطالبات طيب هنا ليه ما تقبل الالوف كمان
ما نبغى مكافآت نبغى نكمل تعليييييييييييييييييييييمنا نبغى نحقق احلامنا وطموحاتنا نبغى نصير حاجه كويسه في هذي الدنيا

ليش ما نوصل اصواتنا لوزارة التعليم العالي

[كونفيشكـا]

وأنا أضم صوتي لأصواتكم ليش ما نكمل طالما طموحاتنا انه نكمل...
يعني يفتحوا قاعة على 3 أو 4 طالبات فقط .. ليييييييش طيب والناس اللي تخرجت وتبغى تكمل وين تروح..
احنا بس نبغى نكمل تعليم ولا نبغى شي تاني..
أتمنى ان ينظر إلى هده المشكلة وزارة التعليم العالي..لأنه بصراحة مررره شي يقهر

[فجر المدينة]

وانا معكم
ومن وجهة نظري الخاصه :

الحمدلله كثير من المتقدمين للماجستير بغض النظر عن طموحهم واهدافم وتخصصاتهم
الا انهم يشتركون في زياده دافع التعلم .....ومن المعروف ان الطالب اذا لم يحقق اهدافه ولديه ذلك الدافع القوي
سيؤدي الى ارتباك المتعلم ثم تتطور الحاله حتى يصبح لا يعني له الامر شيء ثم يخرج انتقامه وغضبه على مؤسسات التعليم ... فيرى انها غير كفء وليست مؤهله لانه كان يستحق التعليم وتم رفضه بدون سبب مقنع
فبدل ان يكون عضو صالح لخدمة المجتمع ....يصبح المجتمع بما فيه اكبر اعدائه
لذلك الشباب عموما من جميع الجنسين طــــــــاقه يجب على الجميع من حكومه وجامعات ان تستوعبها وتنميها

اذا وجدوا باب العمل مغلق والتعليم كذلك مغلق ....اين يذهبوا ؟؟
ومتى تتطور الجامعات عندنا وتقتدي بجامعات العالم اكبر الجامعات في الاردن ومصر وبريطانيا (على سبيل المثال لا الحصر ) لا تستقبل فقط ابناء وطنها بل تستقبل الطلبه من جميع انحاء العالم نريد وقفه جديه من ناحية اعداد القبول

[Economy]

اهلين
انااا عندي سؤال واحد بس ياليت الاقي له اجابه

ليش رافضين ان اعداد كبيرة تكمل ماجستير ودكتوراة؟

وبالتوفيق للجميع...

[(x,y,z)]

وأنا معاكم كمان ,
ومن زماااااااااااااااااااااااان وأنا أسأل نفس السؤال
بس الإجابة الوحيدة اللي حصلتها في سؤالي عن سبب قبول أعداد تنعد ع الأصابع بس للدراسات العليا هو :
عدم وجود دكاترة متفرغين تماماً لتدريس طلاب الدراسات العُليا
هههههههههه
اش رايكم بالسبب !!
أنا أشوف إنو إذا كان فعلاً هذا هو السبب _فمع الأسف_ خطة القبول "غبية" !
لو إنهم في سنة وحدة بس _مثلاً_ جابوا دكاترة متخصصين لتدريس طلاب الماستر والدكتوراة , وفي نفس هذي السنة يقبلوا أعداد معقولة _ولتكن_ (50طالبة) وَ (50طالب) لكل قسم , فأعتقد في هذي الحالة راح يقدروا يغطوا "العجز" اللي صاير في الجامعات , وكمان راح يقدروا يفتحوا برنامج للدراسات العُليا في الجامعات اللي مافيها , وراح يكون فيه "بطالة" لخريجي الدراسات العُليا كمان !! (بس الأخيره الله لايقولها , مانتمنى إلا كل الخير لكل الخريجين *_~)

هههههههه اش رايكم فيني وأنا أحلّلْ , بصراحه هم الخسرانين ماعينوني مستشارة للتعليم العالي :) !

[نجاة الفرسي]

ههههههههههههههههه
من جد ضحكتيني وربي

[just_girl]

بصراحة عذر نقص الدكاترة مو مقنعني
لأن الدكتور اللي يشرح لـ 3 طالبات يقدر يشرح لـ 50 طالبة ما رح يخسر شيء
واذا على تصحيح الاختبارات صار آلي
واذا كانت المشكلة مشكلة مناقشة رسايل الماجستير ممكن انهم يحطون جدول للمناقشة وماعندنا مانع نستنى دورنا حتى لو انتظرنا شهور يعني بدل ما يتخرج الطالب في سنتين يصير يتخرج في سنتين و6 شهور
ماعندنا ماااااااانع بس لايحرمونا من التعليم