استفسار عن رابغ ..

[Hayate Lak]

السلام عليكم ..

بعد التحيه .. نقول صباح او مساء الخير ..

انا انقبلت طب وجراحه في رابغ وصراحه متحمسلوو مررره بس الناس بتخوفني , ف ابا ارائكم هل استمر على عزيمتي .. !!

لني ابا التخصص هذا وفرحت بيه فوق ماتتوقعو ..
لنه تخصص مطلوب ..

فيدوني الله يخليكم ..

[hasooona]

كمل وماعليك اذا قدرت تتأقلم كمل
واذا ماقدرت فانت سويت الي عليكـ

[Hayate Lak]

ان شاء الله بتاقلم وبكمل لنو التخصص مايتفوت ..

[hasooona]

المشاركة الأصلية كتبت بواسطة hayate lak ان شاء الله بتاقلم وبكمل لنو التخصص مايتفوت ..

الله يوفقكـ

[Hayate Lak]

طيب انت رحت رابغ وعارف ايش فيها ايش تنصحني اسوي اشان اتاقلم .. ايش اكبر مشكلة واجهتك هناك ..

[hasooona]

المشاركة الأصلية كتبت بواسطة hayate lak طيب انت رحت رابغ وعارف ايش فيها ايش تنصحني اسوي اشان اتاقلم .. ايش اكبر مشكلة واجهتك هناك ..

اكثر شي كان مشكله الاكل والمطاعم
وبعدين سعر السكن لانه كل الي هناك بيوت شعبيه يعني قليل العماير المسلحه وكلها عائلات
وبعدين الملل لانه مافي شي هذه رابغ قريه فيه شارع رئيسي وفيه كل شي من سجن لمحكمه
لشرطه كل شي في شارع...
بس فيها شي حلو الي هوا البحر الي مافيه الا انت لوحدك زي الجني..
لكن لو كنت ولد بيتوتي بس بتقعد تذاكر طول الوقت فرابغ هيا المكان المناسب
لكن حط في بالك لا ملخاصت تجي لك ولا حاجه
يعني انتوا في جده كان تجيكم الاسئله من الشرح لكن احنا؟؟
والدكاتره كنا نسالهم الين فين الاختبار يقول ماادري .. .. ..

[hasooona]

غير كذا لاشبكه اتصال زي الناس
ولا في خطوط مويه يعني كله وايتات
ولا في انترنت عدل زي الناس
والكهرباء دايما تنقطع لما الجو يكون رطوبه<-----ليش مني داري؟؟

[اح ـساسي غ ـير]

المشاركة الأصلية كتبت بواسطة hasooona غير كذا لاشبكه اتصال زي الناس ولا في خطوط مويه يعني كله وايتات ولا في انترنت عدل زي الناس والكهرباء دايما تنقطع لما الجو يكون رطوبه<-----ليش مني داري؟؟

انت وين عايش في رابغ لتكون مع البنغاله
النت عندي 24 ساعه والكهرباء ماتنقطع عندي زي ما تقول
يمكن لأنكم شباب ونادرا ً ما تلقون سكن للعزوبيه
وعلى سالفة الطلعة صح احنا مانطلع إلأ في الويك اند نروح لجده والشلال ....الخ


وفيه شيء ابغى افهمه انتم الحين تخخصتوا طيب ماني شايفه الجامعه واذا بيبنوها لكم ليه ما بدأو للحين
يعني الزبده وين راح تدرسوا ؟!؟


وفي الاخير انتم من مدينه كبيره big city ورايحين لمدينه صغيره town الله يعينكم عالتأقلم

[hasooona]

المشاركة الأصلية كتبت بواسطة اح ـساسي غ ـير انت وين عايش في رابغ لتكون مع البنغاله النت عندي 24 ساعه والكهرباء ماتنقطع عندي زي ما تقول يمكن لأنكم شباب ونادرا ً ما تلقون سكن للعزوبيه وعلى سالفة الطلعة صح احنا مانطلع إلأ في الويك اند نروح لجده والشلال ....الخ وفيه شيء ابغى افهمه انتم الحين تخخصتوا طيب ماني شايفه الجامعه واذا بيبنوها لكم ليه ما بدأو للحين يعني الزبده وين راح تدرسوا ؟!؟ وفي الاخير انتم من مدينه كبيره big city ورايحين لمدينه صغيره town الله يعينكم عالتأقلم

والله كثير ايام تنقطع الكهرباء الصبح <-----بس منها فايده لانه هيا الي تصحيني دايما

ويمكن انتي ساكنه في سكن ارامكوا؟؟

انا ساكن ورا السجن وهذا احسن حي في رابغ لانه الشرطه اربعه وعشرين ساعه تدور

[طفشان حدي]

يا شيخ حطمتنا حرام عليك أنشاء الله تنحل