بعد التسكين نتخصص ولا ندرس سنه عامه كمان؟؟

[وفاء جدة]

عندي سؤال وهو واضح من العنوان....
بعد التسكين كل طالب في كليته هل ندرس سنه عامه في نفس الكليه يعني مثلا اللي تسكن في كليه العلوم على طول يتخصص
في القسم اللي يبغاه ولا يدرس سنه بعدين يتخصص؟؟؟؟

[التميــ الهلالي ــــمي]

سبحان الله .. كانت على طرف لساني بس زحلطن ..

وفي شي ثاني بعد .. لو كانت سنة عامة أو .. أو .. هل راح ندرس 4 سنوات بدأً من الجاية أو 5 ..

[عسل جداوي]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



والله السؤال دا سألته من اول يوم دخلت واتنيلت في دي الجامعه
بس محد رد عليا
اذا ردوا عليكم عطوني خبر

[mzat kau]

ممممم اظن العلوم وكدا ع طول تخصص لكن الطب في سنه عامه كاني سمعت انو ناس شافر خططهم وهيا نفس المواد والتصال بالانجليش والله اعلم ماقدر اقول اكيد

[حنان الريم]

ياجماعه الربع لو دخلتو علوم الظاهر خلاااص درسنا الموادالعامه في السنه التحضيريه حيضيع عمرنا بالمواد العامه هذا على حسب ماأعرفه لازم نتأكد والله يستر

[حنان الريم]

ممكن ياأريج ابغى استفسر منك التأهيلي لازم يكون معدلهم3.50 عشان يصيروا زي الانتظام ويتخصصوا عادي ولو كانوا حاملين مواد ومعدلهم أقل من المطلوب ايش يصير لهم لان صحبتي تأهيلي و معدلها نازل وحامله مواد ومره خايفه ياليت تجاوبيني

[دحوومي جدة]

انا توقع اننا ندرس مواد عامة من جديد في الكلية

لأن حتى الكليات فيها اقسام


بس لاتعتمدي على كلامي

تقبلي مروري ،،

[اريج العمر]

المشاركة الأصلية كتبت بواسطة حنان الريم ممكن ياأريج ابغى استفسر منك التأهيلي لازم يكون معدلهم3.50 عشان يصيروا زي الانتظام ويتخصصوا عادي ولو كانوا حاملين مواد ومعدلهم أقل من المطلوب ايش يصير لهم لان صحبتي تأهيلي و معدلها نازل وحامله مواد ومره خايفه ياليت تجاوبيني

شوفي عزيزتي من كم راحت وحده من صديقاتي على عمادة القبول والتسجيل
وقالولها انو التحويل من التأهيلي الى انتظام راح يكون من معدل 3 وفوق
هذا كلام من وحده في العمااااااده اكييييييييد يالغلا >< والله اعلم
تعرفي هذه الجامعه كل يوم بقرار
وبالتوفيق

[اريج العمر]

ايوة حتى لو حامله مواد واذا قدرت تجتازها في الصيفي باذن الله وجابت المعدل المطلوب تقدر تحول
اما اذا ماجابته راح تتخصص على حسب المعدل اللي حصلت عليه وتظل تأهيلي عادي الى ان تقدر تجيب المعدل المطلوب بعدين تتحول عادي بعدين << انا هذا اللي اعرفه
بس احد الاخوى اعتقد قال في الموضوع اللي كتبتيه في نفس هذا الموضوع انه له صديق دخل انتظام من نسبة 2.9 كيف والله مادري
وبالتوفيق .. اسفه على الاطاله

[rayyan1444]

لالا التخصصات راح تنزل برمضان يعني اللي بكلية علوم مثلا في رمضان يختار تخصصه فيزياء كيمياء رياضيات وهكذا <<<< الكلام هذا قريته زمان في احد المواضيع