اللي ذاكر تنمية موارد بشرية يدخل ^_^

[فراشة جدة]

السلام عليكم

كيفكم يابنات ؟؟ وكيف المذاكرة ان شاء الله تمام

المهم انا حليت نموذج حق التنيمة اللي نزلته فانتازيا جزاها الله خير

بس في كم سؤال ماعرفت احلهم والله دوخت من الكتاب كل الكلام تحت بعض وماصرت اركز

فياريت اللي يعرف يحلهم لا يبخل علي

والاسئلة هي :
1- يتطلب نجاح تخطيط المسار الوظيفي المعرفة التامة في مجال الترقية والنقل.
2- إن التخطيط الفعال للمسارات الوظيفية للعاملين يتطلب التعامل مع كافة وظائف إدارة الموارد البشرية وفق مدخل النظم .


3 - الجدة أو الحداثة يشترط في الجهد ألابتكاري أو العمل الإبداعي توسيع نطاق الاستخدام أو الاستفادة.
4- المنفعة أوالقيمة يشترط في الجهد ألابتكاري أو العمل الإبداعي أن يتوفر فيه درجة كافية من الاقتناع والقبول.


5 - تتشكل ثقافة المنظمة من الطقوس والشعائر والقصص واللغة والرموز وكذلك ثقافة المؤسسين وتاريخ المنظمة.


ملاحظة :
النموذج في المرفقات انا حليته ومتاكدة من الاجوبة نزلته عشان اللي حابب يستفيد
اللي بالون الاحمر خطا واللون الاخضر صح واللي بالون الرصاصي هو اللي ماعرفت احله


وعندي كمان سؤال << اسئلتها كثيرة

صفحة 41 الرسمة هادي معانا وله لا ماتذكر الاستاذة جابت سيرتها بس شفت عليها اسئلة ؟؟
وكمان في صفحة 161 الكلمات هادي اللي بالعربي والانجلش معانا وله لا ؟؟

وبس

[فنتآزيآ]

يسلمووو على حل الاسئلة يا قمر


[/quote]

المشاركة الأصلية كتبت بواسطة فراشة جدة 1- يتطلب نجاح تخطيط المسار الوظيفي المعرفة التامة في مجال الترقية والنقل. ما ادري 2- إن التخطيط الفعال للمسارات الوظيفية للعاملين يتطلب التعامل مع كافة وظائف إدارة الموارد البشرية وفق مدخل النظم . صح صــ205 3 - الجدة أو الحداثة يشترط في الجهد ألابتكاري أو العمل الإبداعي توسيع نطاق الاستخدام أو الاستفادة. اعتقد صح صــ 165 4- المنفعة أوالقيمة يشترط في الجهد ألابتكاري أو العمل الإبداعي أن يتوفر فيه درجة كافية من الاقتناع والقبول. خطا صــ 173 على فكرة هذي من ضمن صفحات محذوفه 5 - تتشكل ثقافة المنظمة من الطقوس والشعائر والقصص واللغة والرموز وكذلك ثقافة المؤسسين وتاريخ المنظمة. صح صـ87 صفحة 41 الرسمة هادي معانا وله لا ماتذكر الاستاذة جابت سيرتها بس شفت عليها اسئلة ؟؟ يب شرحتها وكمان في صفحة 161 الكلمات هادي اللي بالعربي والانجلش معانا وله لا ؟؟

عاد هذي صفحة بذات ما شرحت كلمات انجليزية وتفاجأت لما شفتها عليها اسئلة

[فراشة جدة]

المشاركة الأصلية كتبت بواسطة فنتآزيآ يسلمووو على حل الاسئلة يا قمر

عاد هذي صفحة بذات ما شرحت كلمات انجليزية وتفاجأت لما شفتها عليها اسئلة [/quote]

يسعدلي ايامك ياعسل

ماقصرتي ^_^

بس بسالك دحين مو اللي في صفحة 205 حق التخطيط قالت احفظوه تعداد وله بتهيا لي

وكمان بسالك في رسمات ثانية شرحتها ؟؟لاني والله ماذاكرت ولا رسمة

معلش بتعبك معي

[فنتآزيآ]

المشاركة الأصلية كتبت بواسطة فراشة جدة عاد هذي صفحة بذات ما شرحت كلمات انجليزية وتفاجأت لما شفتها عليها اسئلة

يسعدلي ايامك ياعسل

ماقصرتي ^_^

ويسعد قلبك
بس بسالك دحين مو اللي في صفحة 205 حق التخطيط قالت احفظوه تعداد وله بتهيا لي

يب قالت تعداد مع فهم الشرح اللي تحته

لانها شرحت الشرح اللي تحت كل عنوان ع سريع

وكمان بسالك في رسمات ثانية شرحتها ؟؟لاني والله ماذاكرت ولا رسمة

رسومات اللي شرحتها قالت نفهمها موو نحفظها صم


وفي ملخص meme للعضوة رقة احساس حطت شرح للرسومات اللي كانت تشرحه الاستاذة في محاضرات في ملخصها ان شاء الله يفيدك

رابط ملخص


http://www.mediafire.com/?e1t20xcz6qezjb8

معلش بتعبك معي [/QUOTE]


عااادي ياقلبي نحنا هنا نساعد بعض

بالتوفيق للجميع,,

[مهاميهو]

الله يعطيكي العافيه يافراشه جده وفنتازيآ .. ماتقصرو ..
والنسبه لملزمه ميمي روعه ماشاء الله انا نزلتها ولقيت الرسومات واضحه جزاها الله خير ..

[adli2008]

ماشاء الله
انا اذكر من ملخص اتوقع اسمها حلمي احول انتظام
اذا لازم الكتاااب بليز علموني علشاان اخذه
وشكرا مقدما

[فراشة جدة]

المشاركة الأصلية كتبت بواسطة adli2008 ماشاء الله انا اذكر من ملخص اتوقع اسمها حلمي احول انتظام اذا لازم الكتاااب بليز علموني علشاان اخذه وشكرا مقدما

انا عن نفسي بذاكر من الكتاب طبعا بس اللي شرحته الاستاذة في العرض

ومن الاسئلة لو شفت شي جديد بأشر عليه وبذاكره

بس اذا الملخص اللي تقولي عنه شامل خلص يكفي باذن الله

بالتوفيق لك

[adli2008]

اب اب

[تغاريد]

يووووووووووي ياهذي الماده انا اذاكرها من العرض

الا انها دسمة وكثيرة ومعلوماتها متداخله في بعض


والكتاب انا مو طايقة اشتريه لانه لو امسكه حطيح من ثقله

وبعدين ايش الرسمة اللي تفولوا عليها ...؟؟؟؟

[فراشة جدة]

المشاركة الأصلية كتبت بواسطة تغاريد يووووووووووي ياهذي الماده انا اذاكرها من العرض الا انها دسمة وكثيرة ومعلوماتها متداخله في بعض والكتاب انا مو طايقة اشتريه لانه لو امسكه حطيح من ثقله وبعدين ايش الرسمة اللي تفولوا عليها ...؟؟؟؟

اذا الملخص شامل كل شي خليكي عليه

والرسمة هي مو رسمة بالمعنى هي زي المخطط فيه كلام يمكن تكون بالملخص بس مو زي شكل

الكتاب

ان اشاء الله لللي راجع الكتاب والملخص يفيدك اكثر مني لاني ماذاكرت من الملخص

بالتوفيق