للي نجحو في الفيزياء ادخلو شويات

[ساعدوني رايكم يهمني]

بسم الله الرحمن الرحيم


كيفكم ياصبايا...
مبروووووووك للي نجحو والله يوفق اللي ما حالفهم الحظ (مثلي)



ترددت قبل ما افتح الموضوع...قلت بما ان الاختبارات خلصت يمكن ما راح القى تفاعل..

ولكن توكلت على الله وفتحته واتمنى كل من يدخل ما يطنش الموضوع ويساعد باللي يقدر..

وعندي كم سؤال للبنات اللي ماشاءالله جابوا درجات عالية في الفيزياء...

كيف كانت طريقة مداكرتكم للمادة؟..انا مررة ماقدرت اهضمها ..واعتمدتوا على ملخصات اكثر ولا الكتاب؟واية ملخصات الافضل ؟؟وعند استادة مين درستو؟؟اممممممم ايش كمان...

وادا عندكم ملخصات من المنتدى اخدتوها وفادتكم حطوها هنا...هدا اللي يحضرني حاليا

ولو جا فبالي اسئلة ثانية ارجعلكم ان شاءالله

وفالنا النجاح بتفوق ان شاءالله

[Dr.sh3ool]

شوفي بصرآحة أحسسن مادة درستهآ كانت الفيز !!

للعلم كآنت أشششد مآدة أكرهها في الثآنوي !!

الحمدلله وجبت فيها درجة حلوة نوعآ ما

المهم ..
أنا كنت أذاكر الكتآب بالآول ثمن أذاكر ملخصآت يوسف زويل !!
وكنت أحضر المحاضرآت والمرآجعات وأحل أسئلة سآبقة !!
>> مدري كيف كآن يمديني !!!!!

أحللللى مافيها إنه فيها أسئلة كثيرة يعني تقدرين تعوضين كثير ..

وبالتوفيق يا مُزززة 3>

[ツάиgєℓ]

المشاركة الأصلية كتبت بواسطة dr.sh3ool شوفي بصرآحة أحسسن مادة درستهآ كانت الفيز !! للعلم كآنت أشششد مآدة أكرهها في الثآنوي !!

^

نففس الشيء
أنآ بصرآحه كنت مع الدكتوره سنآ أبآظه ..
مآشآء الله عليهآ شررررح ولآ أرووووع وكنت بس أكتب معآهآ المحآضرآت والتمآرين اللي تحلهآ وأذآكر منهآ فققققققققققط ..
مآ أفتكر إني ذآكرت ملخصآت للفيزيآء ، بس أحيآناً قبل الاختبآرآت الدوريه أدخل المنتدى وأطلع على أسئلة دوريآت وبس ..
والحمد لله درجتي من أحسسن الدرجآت ^^

الله يوفقك إن شآء الله ..

[عبير الفيفي]

السلام
والله يا اختي لازم تحبي الماده عشان تعديها ان شاء الله
اممممم
انا الحمد لله درجاتي مرره كانت حلو
من بعد فضل الله كانت الاستازه
نجلاء ازا كنتي في الشرفيه
والماده تري مرره حلوه
لازم تزاكري كل يوم عشان في الاخير
مايتراكم عليك
وانا زاكرت من الكتاب مررره مهم
ومحاضرات زويل
الله يكون بعونك
بالتوفيق يا عسل

[دعو]

اهلييييين كيف الحال؟
اول شي يارب انك تعدي في الصيفي بعلامة حلوة كمان
دحين حتكلم عن نفسي بالنسبة لمذاكرتي للفيزيا شوفي انا استاذتي مررررة سيئة ما افهم منها صراحة والله اقعد اتكلم انا وزميلتي عن كل شي في المحاضرة بالرغم اني حاولت كذا مرة افهم منها بس بدون فايدة
ولجات للملخصات حقت يوسف زويل لدرجة اني والله ما اعرف فين الكتاب يوم الاختبار ادري انو هذا مو حلولانو في اسئلة مو من الملخص بس ايش اسوي عاد
وجبت في النهااااااية 96 الحمدلله راضية باذن الله
الله يوفقك يارب

[اسيرة المشاعر]

ياعسل والله عن نفسي مافتحت الكتاب ولا قراته بس كنت اذاكر من ملخصات يوسف زويل
والله جابت نتيجة معاي ودرجتي حلوة وايضا كنت اذاكر من نماذج سابقة للاختبارات
واذا عندك أي استفسار أنا حاضرة
تمنياتي لك بالتوفيق والنجاح
أختك // اسيرة

[بسمة تشرين]

والله عني كانت ملخصات يوسف زويل لاغير ..خاصة انه دكتورتي كانت مره متشرح
ركزي على يوسف زويل قد ماتقدري لا تشتي نفسك بكم ملخص
انتي انسي انك كارهتها دي من اهم الاشياء
وان شاء الله تعديها وتخصص في الشي الي تبغيه ياحلوة

[sultanooh]

انا كنت احفظ قوانين فقط

وقبل الاختبار اشوف اولد اكزامز واعرف طريقة حلها والحمدلله الدرجة طيبة

[ُزمرد]

مرحبا اهلين ..

مساء النور p:

عن نفسي .. وعن نفس اغلب البنات <

فـ الفيزيآ هي الماده الوحيده اللي ماينفع تتذاكر الا من ملخصآت.. وملخصآتها فعلا شاملة ومافيهآ حاجات ناقصة .. اشرف بركات ممتااااز افكار وتدريبآت وكل شيء ^^

بالتوفيق يا قمر

[ωâяd âlјσσяŸ]

ربي يوفقك وتعدي هذي المادة على خير ان شاء الله

عن نفسي كانت أستاذتي سييييئة جداً
بس كنت مخليتها سهالة ..
وقبل الامتحان أذاكر من ملخصات أشرف بركات .. مره حلوة وتفهمك كل شي
وأشوف نماذج سابقة ..< هذا الكلام في النهائي بس سويته .. لأنو قبلها مدري ليش ماكان يمديني

بس أهم شي النماذج لأنو طريقة الأسئلة تقريبا تجي زيها ماراح يجيكي زي أسئلة الملخصات الطويله لكن مهم تفهميها

وفي النهائي اهتميت بتست بانك طلعت سالم اللي نزله قبل الامتحان بيومين كذا
استفدت أفكار حلوه منه

حبي المادة واتوكلي على الله .. وقسميها في المذاكرة وعليكي بملخصات أشرف بركات " الأروع والأجمل والأكمل والأمثل"
الله يسعده دنيا وآخره .. بصراحه لأني قد سمعت ناس يشتكوا من ملخصات زويل انو فيها اشياء خطأ وانا بصراحه ما قدرت افهم منه .

يآرب يوفقك وتعديها على خير