هلـ درجات البونس ظلم ؟!!

[Majed7]

السلام عليكم .. كيفكم يا حلوين مع المذاكره .!

انا بكتب حاجه في بالي من اول بس شكلي راح آكلها على وجهي .:)

سمعت من كذا طالب ودكتور إنو فيه بونس لأغلب المواد في نهاية السنة .. وإنو اللي يجيب 29 أو 30 في الاحصاء الميد تيرم 2 و يجيب 39 - 40 في الفاينال يعطووه 30 في الميد تيرم 1 حتى لو جاب صفر في الاختبار .:)

راح أشرح لكم الظلم اللي بيصير لو سوينا مقارنه بين طالبين في خطة ب - خطتنا أحسن من خطتكم -

نقولـ طالب اسمه X .. وطالب ثاني اسمه Y

x : جاب 97 في الاحياء .. 85 في الكيمياء .. 95 في الاحصاء ..
Y : جاب 90 في الاحياء .. 90 في الكيمياء .. 90 في الاحصاء ..

طبعا واضح إنو x أحسن من Y وبقوه .. وفجأه يطلع قرار إنو فيه بونس 10 درجات لكل ماده

x :الاحياء يطلع 97+3 = 100 - ما استفاد من 7 درجات - .. الكيمياء 95 والاحصاء 100 - ما استفاد من 5 درجات -

Y : الاحياء والكيمياء والاحصاء كلها 100 ..

فـ البونس خلا طالب أفضل من طالب بغير أحقيـــة *_* .. وبس

[salto0oshi]

موافقك بشدددددددددة
وانا من زمان نفسي أتكلم في الموضوع هذا لأني احسه اكبر الظلم للدوافير
بس حلوة x و y

[Majed7]

المشاركة الأصلية كتبت بواسطة salto0oshi موافقك بشدددددددددة وانا من زمان نفسي أتكلم في الموضوع هذا لأني احسه اكبر الظلم للدوافير بس حلوة x و y

أوكيـ سوو بونس محدد .. لكل طالب 10 درجات يحطها في اللي يبغى
حتى لو يوزعها على المواد بس مو يحددوا ماده ويحطولها بونس وخلاص :)

[..Huda Hamad]

بالعكس كذا فيها عدل لأنو كذا ولا كذا أعطو كل الطلاب نفس البونس..

بس إنو لو جبت في الدوري الأول صفر والدوري الثاني والنهائي كامل ويعطوك في الدوري الأول كمان كامل هذي "كلاااااااااااااااااااااااام‏" بس من السنة إللي فاتت يقولو كذا بس مو صح..

بالتوفيق..‏^‏.‏~‏..

[BoOoDi =D]

طيب عندي لك كم سؤال !

انت بيضرك شي ؟

لو انك حطيت نفسك مكان الطلبة اللي جايبين درجات واطيه حتتمنى كل درجة :)

[Majed7]

المشاركة الأصلية كتبت بواسطة booodi =d طيب عندي لك كم سؤال ! انت بيضرك شي ؟ لو انك حطيت نفسك مكان الطلبة اللي جايبين درجات واطيه حتتمنى كل درجة :)

أخوي لا تحسب إني ما أبغى لغيري الخير .. حتى أنا ممكن أجيب العيد في الاختبارات الجايه الله يستر .. لكن نهاية السنة يبدأ التسكين في الكليات وإنت أو أنا أو أي واحد ما يرضى يتسكن
طالب جايب معدل أقل منه في كلية الاسنان مثلا لكن البونس ساعده بالطريقة اللي شرحتها لك وفضله عليك :)

[Majed7]

المشاركة الأصلية كتبت بواسطة نملة كاشخة.. بالعكس كذا فيها عدل لأنو كذا ولا كذا أعطو كل الطلاب نفس البونس.. بس إنو لو جبت في الدوري الأول صفر والدوري الثاني والنهائي كامل ويعطوك في الدوري الأول كمان كامل هذي "كلاااااااااااااااااااااااام‏" بس من السنة إللي فاتت يقولو كذا بس مو صح.. بالتوفيق..‏^‏.‏~‏..

كيف عدل وفيه طالب جاب في الورقه 38 مثلا والثاني جاب 35 :)
وبالنسبه للاحصاء والـ 30 في الاختبار الاول قالها دكتورنا اليوم

[..Huda Hamad]

المشاركة الأصلية كتبت بواسطة majed7 كيف عدل وفيه طالب جاب في الورقه 38 مثلا والثاني جاب 35 :) وبالنسبه للاحصاء والـ 30 في الاختبار الاول قالها دكتورنا اليوم

طيب إذا هذا مو عدل إيش هو العدل..

إنهم يحطو مثلا لطالب درجته84‏ يزيدو6‏ درجات عشان يصير ‏90..

وطالب ثاني درجته ‏88‏ يزيدو درجتين عشان يصير ‏90..

هذا ظلم إنهم أعطو واحد ‏6درجات والثاني درجتين..

وبالنسبة لكلام دكتوركم مدري من السنة إللي فاتت أسمع إنها بس كلام..

[Majed7]

المشاركة الأصلية كتبت بواسطة نملة كاشخة.. إنهم يحطو مثلا لطالب درجته84‏ يزيدو6‏ درجات عشان يصير ‏90.. وطالب ثاني درجته ‏88‏ يزيدو درجتين عشان يصير ‏90.. هذا ظلم إنهم أعطو واحد ‏6درجات والثاني درجتين..

أنا أشوف إنو ظلم لو البونس رفع طالب كان جايب أقل مني وتسكن في كليه كانت رغبتي وأنا ما تسكنت .. بس هنا أحس إنها ظلم ^_×
ولا لو ما فيها تسكين يسوو بونس لبكره ما عندي مشكله

[..Huda Hamad]

المشاركة الأصلية كتبت بواسطة majed7 أنا أشوف إنو ظلم لو البونس رفع طالب كان جايب أقل مني وتسكن في كليه كانت رغبتي وأنا ما تسكنت .. بس هنا أحس إنها ظلم ^_× ولا لو ما فيها تسكين يسوو بونس لبكره ما عندي مشكله

إيووووه صح كلامك أنا فاهمتك كويس مرره..

بس النتيجة النهائية ما رح تضرهم هما ‏..‏ وبالنسبة لهم أهم شيء إنهم يعطو كل الطلاب زي بعض ‏..‏ يعني ما رح يهتمو مين أقل ومين أكثر بس الأهم إنهم سوو مساواة بين الطلاب ‏..‏ فهمتني كذا؟ ‏..‏^‏.‏~‏..

أحسك إنت خايف من التسكين وإنك ما رح تتسكن إللي تبغاه..

لا تخاف بإذن الله رح يصير إللي إنت تبغاه وتفرح بالتسكين يااااااااا رب..

بس خليك واثق إنك رح تحقق إللي تبغاه..

يوووووووه مررررره آآآآسفه إني طولتها وزودتها بالمجادلة في الموضوع مررررره سوووووري..‏^‏.‏~‏..

وأتمنى لك التوفيق بإذن الله وإللي يرضيك وفيه خير لك يتحقق..

وكمان لو إنو زي ما تقول واحد أقل منك وأعطوه بونس ‏..‏ إنت كمان رح يعطوك نفس البونس يعني برضو رح تكون إنت أعلى منو ورح تتسكن أحس منو صح يعني هو رح يززيد وإنت رح تزيد بنفس الشيء..