اللي عندة لغة في الانجليش يساااااااااااعدني والله بمووووت من الهم سااااعدوني

[hanano]

انا اليوم حضرت اول محاضرة انجليش وشووووووفوا ايش صااار
طبعا انا المستوى الثالث والدكتورة والبنات كلههههههم بس يتكلموا انجليش وبطلااااااقة
والادهى وصلوا يونيت 6 وانا ماحضرت ولاشي
وانا مااعرف اتكلم زيهم ولاحتى اقول كلمتين على بعض لانة مااااااعندي لغة وحتى نص كلامهم ماافهمة ؟؟؟
ايش اسوي سااااااعدوني واكسبوا اجري واللة حتى لمن جيت ماقدرت انام من التفكير
وقولولي على ايش تنحسب الدرجات والمناقشات والمشاركات هدة اللي في الكلاس عليها درجات والا كيف ساااااعدوني ارجوكم قاعدة على احر من الجمر ابي افهم واتكلم والا اقول اهم شي ابي انجح مو اقعد في المستوى الثالث ساااااعدوني لااحد يشوف موضوعي ويطنش لانة مو مهم والله مهم بالنسبة لي ؟؟؟
الله يجازي الجنة لكل من يرد علي ويريحني

[جمانة الفيصل]

شوف ياقلبي اذا مو مرتاحة حولي لليفل ثاني روحي معهد اللغة واطلبي يحولونك والله ياقلبؤ اهم شي انك تنجحي ..
الاختبار حيكون اختياري جزء منه قرمر وجزء ليسننق وجزء قطعه
والرايتنق تختبرونه لحاله ف الكلاس وربي يوفقك ياقلبؤ

[تووتـــــــــة]

لو كنتي في الشرفيه روحي مبنى 2 وفهميهم وضعك انا كنت ابغا اطلع مستوى اعلى
وقالولي اوك عادي مافيها مشكله
بس مدري كمان في ناس يقولوا على حسب المس تبعك ...!

[hanano]

اللة يوفقك ياتوتة وياجمانة اخيرا احد عبرني ورد علي
بس ياجمانة ياقلبي انا ماابغى ارجع عالتاني لانة خايفة ماامشي فية فقلت احسن الثالث عشان مايبقى غير واحد وراي يعني مااشيل هم
بس اسمعي انا مااعرف اتكلم معاه بس لو الاختبارات كدا رح احل لانة التانوي زي كدا ماكنت اعرف اتكلم بس احل في الانجليش ومن الاوائل لانة اختبار على ورق واذاكر وقرامر عشان كدا قلت عادي إن شاء الله امشي بس انا خايفة يكون في درجات على المشاركات اللي في الفصل لاني مااتكلم معاهم؟؟؟
اتمنى تكونوا فهمتوني ؟

[~*MooNWiNk*~]

المشاركة الأصلية كتبت بواسطة hanano اللة يوفقك

انتبهي لكلمة الله تكتب بالهاء وليس بالتاء
الموووهيم اللي أعرفه مافي مشاركة بس الأحسن تشآركي يمكن
تنقصي في الإختبار لاقدر الله فــ لعل وعسى تعطيكي درجة
هدية من عندها ~> أحلــم
أنا مرة سألتها كيف أطور اللغة عندي فردت علي تكلمي مع البنات في الممر
أو مع أختك الصغيرة وطبعآ بالإنقلش مرة على مرة تتعلمي .
تآبعي برآمج بالإنجليزي اسمعي كيف ينطقوآ الكلمات وحآولي تقلديهم ~> نصيحتي
عيدي الجملة إلى ما تنطقيها صح وأكيد مو من أول مرة
بالتدريب حـ تتعلمي

وبالتوفيــق ...

[تركي4444]

قصدك درجات مشاركة تطمني ياختي مافي درجات مشاركة انا الاستاذ قلي انو الاختبار راح يكون كالتالي /
1/ رايتنق وهو على ما اعتقد قطعة وفيها فراغات وانا اكمل الفراغات بناء على كلمات هم يعطونا اياها مع السؤال وعليه 20%
2/ برزنتيشن وهو موضوع تبحثي عنه من النت وتجي تلقيه قدام الدكتور والطلبة وهو ممكن راح يسال بعض الاسئلة على الموضوع وعليه 10%
3/ اختبار منتصف الترم وهو يبدا من unit 1 الى unit 7 وعليه 30% وهو راح يكون يوم الخميس القادم هذا بالنسبة لنا اصحاب المستوى الثاني
4/اختبار نهائي طبعا راح يكون من اليونيت الاول الى اليونيت الرابع عشر وعليه 40%

هذا بالنسبة لكلام الدكتور وما ادري اذا البنات كمان نفس الشي وفي الاخير اتمنى اني اكون افدتك وربنا يوفقك ويوفق الجميع

[abdullah.al-hazmy]

أختي لا تنسي في إختبار عبارة عن إنتي تختاري مشروع وتتكلمي عنه وكل ما كان مستواك عالي كان التدقيق أكثر

أنا ماني حاب أخوفك لكن للتذكير

إذا كان عندك إمكانية كملي أما إذا كان لا فنصيحة أرجعي ليفل 2 علشان يكون التدقيق أخف عليكي

[hanano]

مشكورين الله يوفقك كل من رد علي

[جمانة الفيصل]

شوفي ياقلبي الانجلش ف الجامعه غير عن حق الثانوي مرررررررررررة ليش؟
لانو ف الجامعه حتركزع السبيكنق اي طريقة نطقك للكلمات سواء في عرض البرستيشن او حتى ف مشاركتك في الكلاس وطبعا الاخو اللي فوق ^^ ماقصر وضح لك بخصوص البرسيتشن وهو تجيبي موضوع وتتكلمي عنه ..
وكمان يركزون ع الرايتنق وهو كتابتك طبعا وكمان اليسننق وهو الاستماع طبعا وقد ايش انتي فاهمة معاني الكلمات ..
اتمنى اكون افدتك ..

[kha10led]

سلام عليكم

اخباركم

ههههههههههههههه
باقي انتو في الملك عبد العزيز




مدري كيف امورها هالسنه
لاني درست فيها السنه اللي راحت وصراحه كانت خايسه بالمره

بس مدري الحين كيف هي

اما بالنسبه لموضوعك ترا كنت مثلك مع ذلك ما افلحنا ولله الحمد

لان معهد اللغه معوق مدري من وين جايبينه

بس الله يعينكم ويوفقكم وشدو حيلكم