للي سحبت السنة اللي فاتت ورجعت السنة هاذي , اتمنى تساعدوني :(

[a7la `3raam]

السلام عليكم ورحمة الله وبركاته

كيفكم إن شاء الله بخير ..

ياجماعة انا نويت واستخرت وحتى اهلي أيدوني انه خلاص اسحب من السنة التحضيرية وارجع

اسجل السنة الجاية ..

عشان معدلي السمستر الاول مرررة واطي وعندي f والسمستر هذا شديت حيلي فيه بس انا حاسة انه

ماراح ارفع معدلي خلاص ..

انا حلمي وامنيتي ادخل طب .. وبكذا حيروح حلمي مني خلاص !!

اللي اتمناه ان انكم تقولولي اللي جربت وسحبت السنة اللي فاتت ودخلت هاذي السنة :

فين رحتي للعمادة ولا فين ؟ وايش طلبوا منك وهل من جد انه ما أقدر اسحب ممنوع ولا عادي سحبتي ومشي الموضوع ؟

وكمان لما بدات السنة هاذي كيف انقبلتي ثاني في الجامعة ؟ قدمتي وقبلوكي عادي ولاكيف !!

انا الحمدلله الموزون حق القدرات والتحصيلي تبعي مررة تمام فوق التسعين يعني هل إذا كان الموزون تمام يكون مافيه مشاكل انقبل عادي ؟

ارجوكم والله محتاجة وحدة مجربة تقولي فين راحت وايش سوت وايش هيا الإجراءات وربي من جد انا حايسة ومني قادرة انام بس افكر بالموضوع ..


من جد ارجو المساعدة ..

[د. أسامة]

أتمــنــى يفيدوكي الأخوات ،

وشكراً .

[غوالي.]

ياعسل اذا قدراتك وموزونك فوق 90 تقدرين السنه الجايه تقدمين على طلب ابتعاث بره طب وبالراحه تنقبلين صحبتي اقل منك وانقبلت بس اذا تسحبين وبترجعين السنه الجايه روحي اسألي العماده وهما راح يجاوبونك وهذا افضل لك عشان تتأكدي ومااحد يورطك .
بالتوفيق ياعسل

[lonia]

صاحبتي زيك كانت تبا تسحب وتسجل ثاني

وراحت سالت

وقالو لها لازم يمر على سحبك 3 شهور على الاقل

يعني لو سحبتي راح يبدا التسجيل قبل تعدي على سحبك ثلاثه شهور

وروحي اسالي واتاكدي من ذا الكلام

اتمنى لك تتوفقي ياقلبي

ماشاء الله موزونك طيب

تقدري تروحي ام القرى تنقبلي ان شاء الله

[M!SS Lara]

الله يوفقك أختي ..
بس مش تقدري تتخصصي وتحولي بعد ترم ..
هم مش قالو انو اتلحويل بعد سمستر؟؟!!

[DR.Ho0o0MY]

سلام عليكم
حبيبت قلبي اذا معدلك الموزون فوق ال90 بالراااااااحه تنقبلي غصب عن الي مايرضى
سواء بعثه او هنا في عزوز
انا سجلت السنه الي فاتت وبعدين سحبت وقدمت السنه هذي ومعدلي اقل من 90 وعلى فكره انقبلت في البعثه والجامعه يعني انتي تنفبلي سلام سلام لاتشيلي هم
بس صح لازم يمر 3 شهر على السحب يعني تسحبي دحين وتسجلي السمستر التاني من السنه الجايه
وانتي تاكدي من تاريخ التسجيل السنه دي يمكن يكون في نص شهر 7 يعني يمديكي استخيري وشوفي
بس قبل لا تسحبي اتأكدي انو لاما ترجعي تاني تكوني بعزيمه اكبر واصرار على الي تبغي مو تقولي لا خلاص الماده دي مااقدر اعديها انا ماجبت فيها معدل لااااااااااااا خليكي مصره واذا حلمك الطب والله لاتتنازلي عن حلمك
اسحبي وقدمي السمستر التاني وارفعي معدلك خلي طموحك الa
اساسا حيكون عليكي سهل إن شاء الله لانك عرفتي اسلوبهم مو ضايعه
اتمنى اكون افدتك واسفه على الاطالة

[سسكرهـ]

ياحوبي مـآعندي آي معلومه اتمنى الطلاب يفيدوك

والله يكتب لك الي فيه الخير