اعادة السنة التحضيرية

[ماجد سعود الفهد]

هل يمكن اعادة السنة التحضيرية اذا رسبت
وهل يمكن اعادتها اذا جبت مثلا 3.5 و انا ابي طب والطب من4.2 عشان اقدر ادخل الطب؟

[عميد الطلاب]

لا ما تقدر ... المادة اللي تدرسها تسجل إنك درستها وتدخل في المعدل سواء نجحت وإلا رسبت

ولو مصر تعيدها لازم تسحب ملفك وتقدم من جديد وهذا الشي ما أنصح فيه

نصيحتي لك .. لا تستعجل على رزقك .. باقي الترم الثاني شد حيلك وأرفع المعدل

بعد ما تطلع نتائج الترم الثاني راح تتضح لك الصورة أكثر

[بنggته]

يعطيك العافيه خيو
خد النصيحه من مجرب
انا السنة اللي فاتت كنت تحضيري و سحبت ملفي على نهايــة السمستر التاني ..
لأنو معدلي كان واطي اول سمستر و صعب ارفعو..
كان معدلي 2.88 في السمستر الأول و السمستر التاني حسيت حالي صعب ارفع معدلي
وسحبت قبل الexam 2.
و شوف دحين الحمدلله مررره مرتاحه و درجاتي كل مالها للأفضل,,,

شوف خيو حتى لو جبت 3.5 في السمستر الأول وجبت 5 في السمستر التاني حيكون معدلك بالأخر 4 و اتوقع دا المعدل ما يدخل طب على حد علمي...

إدا حاسس حالك ما راح تقدر تلاقي حالك بقسم غير الطب نصيحه مني اسحب ملفك لأنو ادا خلصت التحضيري راح تسجل عليك موادك وما يمديك تعيد التحضيري بجامعتنا
و يحطوك بقسم انته ما تبغاه
او الحل التاني لا تكمل بجامعتنا ادا كان معدلك عالي في التانوية
طيب ممكن تقولي كم معدلك في التانوية ؟؟؟
عشان نفكر بالحل سوا
إدا ممكن يعني

[رزان22]

المشاركة الأصلية كتبت بواسطة بنggته يعطيك العافيه خيو خد النصيحه من مجرب انا السنة اللي فاتت كنت تحضيري و سحبت ملفي على نهايــة السمستر التاني .. لأنو معدلي كان واطي اول سمستر و صعب ارفعو.. كان معدلي 2.88 في السمستر الأول و السمستر التاني حسيت حالي صعب ارفع معدلي وسحبت قبل الexam 2. و شوف دحين الحمدلله مررره مرتاحه و درجاتي كل مالها للأفضل,,, شوف خيو حتى لو جبت 3.5 في السمستر الأول وجبت 5 في السمستر التاني حيكون معدلك بالأخر 4 و اتوقع دا المعدل ما يدخل طب على حد علمي... إدا حاسس حالك ما راح تقدر تلاقي حالك بقسم غير الطب نصيحه مني اسحب ملفك لأنو ادا خلصت التحضيري راح تسجل عليك موادك وما يمديك تعيد التحضيري بجامعتنا و يحطوك بقسم انته ما تبغاه او الحل التاني لا تكمل بجامعتنا ادا كان معدلك عالي في التانوية طيب ممكن تقولي كم معدلك في التانوية ؟؟؟ عشان نفكر بالحل سوا إدا ممكن يعني

الي يجيب بترم 3 بوينت 50 وترم 5
يصير 4 بوينت 25
مو 4 حاف
ولا انا غلطانه؟؟

[rarba]

والله شوف, انا عارفة إني حأكون قاسية شوي..لكن..
يا عالم, إلي ما قدر يجيب كويس من اول سنة, حيقدر يمشي في الطب؟!؟! ولا هي لعبة حتجلس تعيد كل سنة في الطب كمان؟!؟! مع العلم انو الطب اصعب من التحضيري.
في شي اسمو في الحياة إنك ترضى بقدراتك. مثلا:امكن عندك الابداع احسن من المذاكرة. لي لأ؟ وايش فيها؟
وأما حكاية روح بعثة, انتو تحسبوا انو برة اسهل من هنا؟!؟!؟!؟!؟!؟!
يا حبايبي انا اتفق معاكم في الطموح.
لكن في مثل حالتك, انا رأيي لا تعيد السنة ولا تسحب واجتهد مرة كويس وفي النهاية دور عن بديل.
يعني ايش احسن: تدخل طب وتكون فاشل او تدخل مثلا صيدلة وتكون مبدع وشاطر؟
والله يا اخوي فكر ولا تستعجل وسوي إلي عليك ولاتستسلم. وتفاءلوا بالخير تجدوه
يا رب يوفقك وينجحك ويسهلك أمورك وتدخل إلي في خير لك دنيا وآخره

[عميد الطلاب]

نصيحه مني اسحب ملفك لأنو ادا خلصت التحضيري راح تسجل عليك موادك وما يمديك تعيد التحضيري بجامعتنا و يحطوك بقسم انته ما تبغاه

ما أدري من وين تجيبوا المعلومات هذي

أختي ..
لو تسحبين ملفك قبل ما تتخرجي بدقيقة وتقدمي مرة ثانية راحي تعيدي من جديد و ما راح ينحسب عليكي شي من اللي درستيه

وبالنسبة لماجد..
النتائج إلى الآن ما طلعت وتسجيل في جامعات ثانية حالياً مافي يعني لو تسحب بتقعد في البيت لين بعد العيد وتضيع عليك سنة كاملة بدون داعي

كمل الترم الثاني و إنتظر لين تطلع النتائج وشوف المعدل إذا كان مناسب ويدخلك اللي تبغاه أو تسحب وتروح مكان ثاني

[بنggته]

أدري وانا ماراح اجيب معلومه من راسي
وقلت لك انا مجررررررربه
يعني برأيك ادرس شي وافشل فيه
ولا اعيد سنه وبإذن ربك تدخل اللي تبغاه؟؟!!!
انا قلت اللي عندي بحكم تجربتي
وهوه عقلو براسو اظن....
يعني دا اللي عندي ودا اللي صار معايا وسلامتكممممممممممم

[..ريما..]

وربي لو يقلون عيدي التحضيري ونديك 5 من عندنا ماعتها

حتى لو كان طموحي طب يعني الدنيا وقفت على الطب

الله يوفقك ويحقق لك امنيك

وادعي ربك في سجودك يكتب لك الخير وين ماكان

لان يمكن لاسمح الله الطب مايكون لك فيه الخير

اختك : ريما

[المستشار العام]

معدلي بالثانوية 97 والقدرات 91 والتحصيلي 70

ودرجاتي بالسمستر الاول زفت مع مرتبة الشرف وش الحل ؟

[AL-SULTAN K.A.U]

المشاركة الأصلية كتبت بواسطة المستشار العام معدلي بالثانوية 97 والقدرات 91 والتحصيلي 70 ودرجاتي بالسمستر الاول زفت مع مرتبة الشرف وش الحل ؟

طيب ليش ما تروح بعثة وترتاح من السنة التعجزية