مناقشة البحث مع الآستاذه ريم مشاط

[angel toto]

مساء الخير بنات

اليوم كنت عند استاذه ريما وسويت مناقشتي الحمدلله كانت حلوه والاستاذه متساهله جدا
اهم شيء العرض والبحث والتقرير والتقييم

طبعا كيف تناقشك بعرض البوربوينت اللي انتي مسويتو بس خطة البحث

وقالت الخميس اخر يوم راح اتناقش معاكم الاسبوع الجاي مستحيل اناقش لاني مشغولة وبأيام الاختبارات عندي مراقبة واجي بيوم اختبار موادي قلت خليني اقول يمكن في احد ببالو يروح الاسبوع الجاي

[om yara]

طيب كان في تدريب ولا بس سويتو بحث وفين اماكن التدريب وياريت توضيح لنا طريقه البحث
جزاك الله خير لانو عندي الترم القادم باذن الله

[angel toto]

التدريب بأي مستشفى حكومي انا اتدربت بمستشفى جامعة الملك عبدالعزيز كان مره حلو وممتع لمدة اسبوعين من 8 ل 2

البحث تختاري اي موضوع يخص تخصصنا اي مشكلة ممكن اخطاء طبيعة او الجودة الشاملة في المستشفيات والمطلوب منك خطة البحث بس منها المقدمة والاهداف واهمية البحث وفروض البحث والحدود وعينة البحث والدراسات السابقة والخاتمة والتوصيات

بس اهم شيء تاخذي المادة مع استاذه تمام بالاسلوب والتعامل

[roro69]

طيب معليش اش هو التقييم
انا عملت الخطة و التقرير والتدريب

[angel toto]

التقييم حقك اللي من جهة التدريب بالمستشفى
لاتنسي عرض البوربوينت

[roro69]

وكم تاخد وقت في المناقشة
مرة متوترة وخايفة

[angel toto]

بالعكس مررررررررررررررررررررررره لاتتوتري ولا اي حاجه انا اقولك اليوم رحت عندها ومرتبكة وقلقانة

اول شيء قالت اعطيني البحث والتقييم والتقرير واخذت اليوسبي تبعي وشغلت لي العرض وخلت الجهاز قدامي يلا ابدأي ناقشي

تكلمت عن نفسي وعن التدريب وكيف كان وبدأت بموضوع البحث منها المقدمة والاهداف والفرضيات والدراسات السابقة و الخاتمة وبس يعني بس قراءة يعنني شرح لاتسئلك ولا تأخذ وتعطي معاك لو ناقصك شيء تقولك انا مابغى انقصك كملي لي وارسليه على الايميل


الله يوفقك يارب صح خليك عندها من الساعة 8 ل 9 بعدها اتوقع ماتلاقيها

[roro69]

يعني بس اقرأ اللي انا عملتو في البور بوينت ولا كيف
واش هو التقييم انا عملت بس التقرير و خطة البحث ممكن تفيديني

[angel toto]

لما خلصتي تدريب بالمستشفى ماعملو لك تقييم على الاسبوعين اللي داومتي فيها وختمتيها أخر يوم بالتدريب وحطوها لك بظرف



بالنسبة للعرض ايوا بس تقري وتسوي نفسك يعني تفهميها

[roro69]

طيب الله يسعدك و يوفقك
بس البحث كيف اغلفو عادي ولا بطريقة معينة