للي عندو وقت ويبغى ياخد الاجر

[سارة الحربي]

شوفي حبيبي ابشرح لك ع الشي الي انا فاهمته اوكي ..
انتي ارجعي وشوفي الكتاب برضو ..
ولو احد حاب يضيف ع كلآمي او شايف حاجه خطأ ع قلبي زي العسل ..

/
آول حاجه هي ..

Statistics is the science of conducting studies to collect,organize,summarize, analyze,and draw conclusions from data.

اللي هي تعريف الاحصاء / يقولك انه هو العلم الذي يبحث في جمع وتنظيم وتلخيص وتحليل واستخلاص البيانات ..

[ يعني بس تعرفيه كـ تعريف ]


"

بعدوه ..

Deive and Inferential Statistics
اللي هي أنواع الاحصاء ..

يقوللك انو الاحصاء بينقسم لقسمين .. اللي هما / Deive( الوصفي ) and Inferential( الاستدلالي ) ..

وفيه مصطلحات وتعارف لازم تعرفيها لآنها اساسيات ..
أول واحد هو( المتغير )
A variable is a characteristic or attribute that can assume different values.

ومعناه انه صفة أو سمة تحمل قيم مختلفه ..

/
بعدوه الداتا وهي البيانات ..

Data are the values (measurements or observations) that the variables can assume.

ومعناه انو البيانات هي القيم [ سواء كانت مشاهدات او قياسات ] التي يعرضها المتغير ..

بعدين الـ random variables اللي هو المتغير العشوائي ..

Variables whose values are determined by chance are called
random variables.

بمعنى انه المتغير الي يتم تعيينه عن طريق الصدفه ..

/

بعدين لمن يصير عندك مجموعه من البيانات والقيم نسميها مجموعة بيانات اللي هي data set ..
وهذا تعريفها / A collection of data values forms a data set

وكل قيمة في هذه البيانات اسميها القيمة البيانيه a data value or a datum وهذا تعريفها ..

Each value in the data set is called a data value or a datum.




:


نرجع الحين نعرف انواع الاحصاء اللي قلناها فوق . .!
الاحصاء الوصفي عندك مكتوب تعريفه صفحة 4 اللي هو Deive statistics .. والـ Inferential statistics صفحة 5
واللي المفروض تفهميه هو الفرق بين الاثنين وكيف تميزي بينهم ..
من اسمها .. !!
الحين لمن اقول وصفي يعني انا اوصف حاجه تيب ..
الوصفي يجيلك مثلا زي لمن اسوي احصائية عن معدل العمر مثلا او اي شيئ في لو متوسط / منوال / معدل .. أو اللي تجيكي فيها رسومات بيانيه والتشارت وهالاشياء كلها تعرفي انو Deive


نجي للـ Inferential ..
باختصار هو حاجه بيستدلوا منها / كيف !
شوفي حبوبه .. هنا فيه مصطلحات لآزم تعرفيها اللي هي ..
population ومعناها مجتمع
sample ومعناها عينه .. [ ولآزم تعرفي تعريف كل واحد منهم عندك صفحة 4 ]
والحاصل ان في الاحصاء الاستدلالي بسووا احصائيه ع العينة ويعمموا منها ع المجتمع ..!!

/

هذا اهم حاجه لحد هنا ..!!




::



نجي لـ Variables and Types of Data
الي هي انواع المتغيرات والبيانات ..

/

في عندك ياقلبو نوعين للمتغيرات اللي هي :
1- Qualitative variables [ الوصفي ]2- Quantitative variables [ الكمي ][ تعريفاتهم افهميها صفحة 6 ]

وهذه تعتمد ع حدسك ..!
يعني مثلا تديكي متغير وتقولك صنفي لي ايش نوعه ؟
/

وباختصار الرقمي يديلك رقم لو معنى زي لمن اتكلم مثلا عن طول واقول هذا طوله 170 مثلا ..!
او تقريبا اي قياس رقمي .. يكون للرقم فيلو كمية معينة علشان كذا اسمه الرقمي او الكمي ..

أما الوصفي فهو ممكن يجيلك برضو ع شكل رقم بس الرقم مالو معنى كمي لآن هو بشككل عام يعتبر وصف زي لمن اوصف الحاله الاجتماعيه مثلا ويكون المتغير عندي الحاله الاجتماعيه والخيارات [ أعزب ومتزوج ومطلق ] مثلآلآلآ ..!!
اما كيف ممكن يكون رقم ، فهذه زي ارقام اللاعبين مثلا .. كل واحد له رقم بس هذا الرقم ماله معنى كمي يعني مثلا اللاعب اللي رقمه واحد ما يعني ان هذا قيمته واحد قليله واللي رقمه 10 قيمته 10 كثيره ..
يعني كأنو اسم بس ,, مالوا دلآله رياضيه
[ أتمنى تكون واضحه ]


:


ويقولك برضو ان الـ Quantitative variables له انواع ..
اللي هي : Discrete variables و Continuous variables .. وبرضو افهمي تعارفهم صفحه 6 ..
باختصار اللي ياخذ كسور واعداد عشريه هذا Continuous variables زي لمن اقيس الطول مثلا ممكن يجي 170.5 اما الـ Discrete فهذا ياخذ اعداد صحيحه .. زي لمن اقول عدد الطلاب ماقدر اقول ستين ونص مثلا لآزم اعداد صحيحه ..



::


بس :)

شوي ابكملك باقي الشابتر بإذن الله
دعواتك يالغلا

ترا سهل وممتع بس خذيه ببساطه انتي

[سارة الحربي]

مدري ليش طالعه Deive statistics .. عموما هي Deive Statistics > مدري الحين تطلع والا لآ برضو خخ

[الفنانة]

سارة الحربي ماقصرت والله

ربنا يوفقها ..

بس انا عندي ملف اكروبات للشابتر الاول قلت انزله .. زيادة الخير خيرين

موجود في المرفقات *_*

[سارة الحربي]

نفس المشكله المهم مكتوبه هي ديسكربتف .. / بالتووفيق

[M!ss Mojy]

ماشاء الله عليكي ياسارونه

كفيتي ووفيتي ان شاء الله الكل يستفيــــــــــــــــد وانا عن نفسي جالسه اراجع الشابتر

الله يعطيك الف الف عافيه قلبوووو

وربي يحقق لك مرادك وتتخصصي حااااااااااااااسب

[سارة الحربي]

اهلين موجي يابطه ^_^
اذا تبين دروس خصوصي ابشري هع
/

تسلمي ياقمررررر .. وربي يسمع منك < ادعي كمان يفتحوا هندسة حاسب هههههههههههههههه



:

[سارة الحربي]

نكمل ياحلوين ..


/



هنا عندنا Four common types of measurement scales are used: nominal, ordinal, interval and ratio.

الي هي اربعة انواع لمستويات القياس ..
[ الاسمي / الترتيبي / الفترة / النسبي ]

كل واحد يتميز عن اللي قبلو بصفه زياده كانت ناقصه فاللي قبلو .. يعني افضل واحد هو الاخير ratio النسبي ..

الحين نشرحهم واحد واحد :


الاسمي Nominal : مجرد يقسم لك البيانات الى فئات مختلفة بس ماتقدري ترتبيها ..
زي الديانة [ اسلام - هندوس - مسيحيه .... ] مجموعات بس ماقدر ارتبها ..
الجنسية [ سعودي - كويتي - اماراتي - بحريني - قطري ...] مجموعات بس برضو ماقدر ارتبها ..
/


الترتيبي Ordinal: هذا اقدر اصنف البيانات واقدر ارتبها كمان بس عيبه انه مايلاحظ الفروق الصغيره ..!!!
يعني مثلا : المعدلات اقول A+ , A , B+ , B... هنا ممكن عندي خمسه طلاب كلهم ياخذو A+بس كل واحد منهم درجتو غير واحد ماخذ مثلا 100 والثاني 99 والثالث 98 وهكذا بس كلهم فالنهايه اخذوا معدل واحد ..
وهذا هو الترتيبي يصنف بس مايراعي الفروق الدقيقه ..!!

/

الفترة Interval : وهذا يشمل الصفات الي قبل كلها نقدر نصنف ونرتب ويراعي الفروق الدقيقه برضو بس الصفر فيه مالو معنى تام .!
ومثال عليه اختبارات قياس الذكاء مثلا
وكون الصفر مالو معنى تام زي لمن اقول ان دررجة الحراره صفر فهذا مو معناتوو ان الحراره مو موجوده لا هي موجوده بس تظهر ع شكل بروده .. [ ان شاءالله تكوني فاهمتها ]

/

النسبي Ratio : وهذا يضمهم كلهمـ أصنف وأرتب ويراعي الفروق والصفر له معنى واقدر اسوي فيه نسبة وتناسب .
امثلته كثيرررره .. العمر والارتفاع و الوقت ..و غيره ..!

وفيه معلومه اعرفيها حتساعدك ..
انه الاسمي والترتيبي هذه استخدمهم مع المتغيرات الوصفيه فقط Qualitative
بينما النسبي والفترة استخدمهم مع المتغيرات الكمية فقط Quantitative

[ وارجعي للتعريفات فالكتاب ]

:


وكذا يبقى لنا اخر حاجه احذناها اللي هي طريقة اختيار العينة ..!
Data Collection and Sampling
Techniques


:


يقولك فيه اكثر من طريقه علشان تختاري العينة ..
فصفحة 9 وبداية 10 في كلام بس انا احسو مو مهم ..!!
اذا احد شايف انو فيه شي ياريت يقولنا ..


/

نجي لصفحة 10
الـ Random samples
عينة عشوائية
وهي تعرف نفسها بنفسها ..
كل اللي يصير هنا انو يختارو عن طريق الصدفه ..
وبما ان شغلنا احصاء قاموا نظموا الارقام فجداول معروفه في اللي يتكون من منزلتين وفيه اكثر ع حسب ارقامك ..
يختار رقم بالصدفه بعدين يمشي عمود عمود او صف صف اذا حصل رقم اكبر من الحد الي هو يبغاه يطنشوا ويروح للي بعدو واذا حصل رقم تكرر له مرتين برضو يطنش ويروح للي بعدو ..
مثلا انا بختار من 1-60
يكون عندي جدول زي الي عندنا صفحة 11 وللعلم فالجدول تكون الارقام مكرره بنفس العدد علشان يكون لها نفس فرص الظهور ..
المهم اختار اي رقم ااشر عليه بالصدفه بعدين اكمل من بعده مثلا طلع لي 70 اطنشووا واشوف الي بعدو او مثلا تكرر معي 50 اطنش الخمسين الثانية واككمل ..
واذا انتهى الصف او العمود الي انا شغاله فيه اخذ الي بعده ..



بس


:


بعدين Systematic samples العينة المنتظمه . :
وهذه سهله برضو .. مثلا لو نقطة تفتيش وقال العسكري يبي يفتش كل 15 سيارة يمسك اول سيارة ويفتش بعدين يستنى 15 سياره تعدي ويفتش بعد 15 وهكذا .. كل 15 مثلا ..


/

بعدو Stratified samples العينة الطبقيه :
وهذه هنا يقسم المجتمع الي يبي يطبق عليه الاحصائيه الى طبقات ع اساس دراسته والطبقة نسميها strata..
يعني مثلا يبغوا يطبقوا دراسه ع مستوى طلاب جامعة الملك يعني مجتمعهم طلاب الجامعه ..
يقسموا المجتمع الا طبقات مثلا طبقة تحضيري وطبقة تأهيلي وطبقة انتساب وزي كذا .. بعدين ياخذوا من كل طبقة عينة ويدرسوهم ..
وطريقة اختيار العينة تكون عشوائيه نفس اول طريقه اخذناها ..




/

واخر حاجة : Cluster samples العينة العنقوديه :
ولازم تفرقي بينها والي قبلها ..
هنا المجتمع يكون مقسم اوردي وجاهز .. يعني مثلا ذكور واناث ..
او مثلا الجامعات فالمملكه وكل جامعه تمثل لنا عنقود ..
بعد كذا يتم اختيار عدة عناقيد ليتم دراستها كامله بكل افرادها..
ونفس الشي يكون الاختيار عشوائي ..!

::

الفرق فالطبقية كنا نختار طبقات [ نحنا نقسمها ] ونختار من داخل الطبقات عينات بالصدفه للدراسه .
بينما العنقوديه تكون جاهزة مقسمه على شكل عناقيد [ ونختار عناقيد كامله ] للدراسه ..



بس هذا كل شي


:


دعوااااااتك
وعسى ربي يوفقنا وياكي

[سارة الحربي]

معليش كلو اسوود بس لآني خلاص طفيت ابي انام خخخخخخخ

[أفنـان]

الله يسعدك سارة كفيتي ووفيتي

:)

[سوار]

الله يوفقكم يا بنات ويسعدكم مررررررررره استفدت