الجدول لماجستير القانون

[miss killer]

ياريت يخلوها كلها على الظهر كمان و يومين في الأسبوع أنا عندي شغل و مادري حيرضولي ولا لأ بجدول زي كده

[miss killer]

بس يابنات قولولي فين حتروحو بالضبط و الساعة كم ؟

[miss2009]

السلاآمـ عليـكمـ ..


بنآت انآ ماآ نزل لي جدول والشعب مقفله ,,

مآ ادري يعني فقط الموآد اللي نآزله 505 / 506 /511 .. آو بتنزل موآآد ثآآنيه ,,


وهل في إمكآنيه انو تتوسع الشعب ولآآ كيف ؟!

[المحامية]

اخواتي العزيزات اسمحولي افيدكم من واقع تجربتي وبما انني الممثلة الاستشارية لطالبات الدراسات العليا في قسم القانون
1/ في مرحلة الماستر بامكانك اضافة الاجباري والاختياري مع بعض ولايوجد مواد متطلبه لاخرى ابدا.
2/ في مرحلة الماستر كل ترم تنزلك 3 مواد بواقع 30 ساعه + 10 ساعات للرساله في الترم الرابع
3/ الاستاذه اللي بتسأل عن توسيع شعب طبعا لاتخافي الكل حتنضاف له المواد اللي يبغاها .
4/ بالنسبه لمواعيد المحاضرات وقصرها على يومين او ثلاث هذي الامور وديه بينكم وبين الاستاذات وفي الغالب يراعوا في هالامور.

[عماد الحسن]

شكرا جزيلا لكم أختي المحامية لهذه المشاركات المفيدة وإثراء الموضوع بخبرتكم

نتشرف بكم وبكل المشاركين في المنتدى ولا نستغني عن وجودكم هنا لأن كثير من أخواتكم الطالبات يسألوا عن ماجستير القانون .. موفقين إن شاء الله.

[miss2009]

جزآآكـِ الله آلف خيـر .. أختي المحآمية ..

[شوياشو]

اختي المحامية بالنسبة لمادة bl506 القانون الدولي العام عندك خلفية مع اي دكتور راح ناخذها وشكرا حبيبتي على حسن تعاونك معنا.
والى الاختbbb مااتوقع يوم السبت في محاضرات بس نروح على اساس نسأل مع مين راح ناخذ المواد ومتى راح نبدأ؟

[miss killer]

أختي المحامية هل ممكن أنزل الترم ده مادتين بس و الترم الجاي اربع مواد لظروف قهرية و ظروف العمل ولا حيأثر عليه

[المحامية]

اهلا بالاستاذات :)
الدولي العام على ايامنا اخدناه مع الدهيش ،، لكن وضعكم الان اختلف الماستر تحول لشطر الطالبات فااحتمال كبير مع دكتوره تنزل الماده..
حبيبتي طبعا بإمكانك تنزلي مادتين فقط على حسب ظروفك لكن مانضمن ينزلولك الترم اللي بعده اربع مواد
لكن في حل الترم الرابع تنزلي الماده المتاخره مع الرساله كلنا عملنا كدا.

[الملكة المدللة]

مشكورين كلكم على الرد والتفاعل
بالنسبة للجدول الدكاترة موافقين على انه يكون يومين
بس قالو لازم رئيسة القسم توافق
فيحيسير الجدول يوم السبت والاثنين نفس المواد وبالنسبة لمادة يوم الاحد والثلاثاء
نخليها مع السبت والاثتين في الصباح من 8.30 الى 10 وبعدين نكمل عادي من 10 الى 12
ومن 1 الى 2.20
وانا رايحة الجامعة يوم الأثنين ابغا اكلم رئيسة القسم
الي تبغا تجي الله يحييها وعشان تشوفنا جروب وتوافق
وكمان ناوية اكتبلها خطاب باسمنا كلنا تتوقعوا كل البنات موافقين ؟؟؟

وشكرا