أسس تقسيم حيوان ولاميكرو تربة ومياه....؟؟؟؟؟

[بطيخ بالحبحب]

بنات الله يسعدكم إيش رايكم أخذ مادة أسس تقسيم حيوان مع د/ناجية ولا مايكرو تربةومياه مع د/زكية
وإللي أخذ معاهم قبل يقولي كيف أسلوبهم ؟؟؟
بلييييز أستنى ردكم

[coralhear]

حبيبتي كم مادة اختيارية اخذتي وانت في اي مستوى وهل انتي خريجة ولا لا

بأذن الله راح اساعدك

[بطيخ بالحبحب]

أخذت أربع مواد إختيارية (بيئة طحالب -وراثة أحياء دقيقة_مايكروبيولوجي صناعية_ أسس تقسيم أحياء دقيقة )
وأنا دحين المستوى التاسع وتخرج باقي التدريب وحيكون في الصيف إن شاءالله
الله يسعدك يارب

[:. مآء السمآء .:]

,،





بما إنك أخذتي صناعية يعني جربتي د.زكية ..، خذي معاها تربة ومياهـ ، أفضل من انك تاخذي مادة من شعبة الحيوان وكمان أسمع أن د. ناجية مش ولابد

الله يوفقك ..،




,،

[لآفندر]

آنآ بصرآحة آولـ مآدة ليهـ آخذهآ منـ آلآختيآريـ آلترمـ هذآ وآخذتـ آسس تقسيم آحيآء دقيقة,,
بسـ بآقيـ ليـ 3 آختيآريـ ,,
سؤآليـ ؟؟
تنصحينيـ آخذ نفسـ آلموآد آلليـ آنتيـ آخذتيهآ بيئة طحالب - وراثة أحياء دقيقة - مايكروبيولوجي صناعية,,

[يوني~عيوني]

~ بطيخ بالحبحب ~

أنا كمان أنصحكـ تآخذي مآدة (تربة ومياه) أحسن من أسس تقسيم حيوان
لأنه في وحدة صحبتي دحين تآخذها وتشتكي مررة من الدكتورة ..

أما يا ~ لافنـدر~

فأنا أنصحك تآخذي (ورآثة ) لأنها سهلة بس يبغالها فهم وتركيز لأن أسئلة الدكتورة مررة تتـوّهـ بس
الحلو فيها إنها كل الأسئلة اختياري بس المشكلة محد عندها يجيب كامل

أما (صناعية) فكثييير بنات يمدحوا فيها وصحباتي دحين بياخذوهآ
ومرة مبسوطين من العلامات ..

أما (بيئة طحالب ) هي المادة حلوة وسهلة بس مشكلتها الدكتورة !! نجآح!! مررة سيئة
بس يقولوا على السميستر الجاي حتعطيها دكتورة (فتون) وهذي الدكتورة رهييبة بس أسئلتها مررة جآمدة وصععبة

وفي مادة ثانية اختيارية مررة حلوة اسمها (ميكروبيولوجيا تلوث ميكروبي) أنا دحين آخذها مع د.زكية
بس خلاص عالسميستر الجاي حتعطيها د. ابتسام وهذي الدكتورة مرررة عسل وتجيبي عندها ممتاز إن شاء الله

وبسسس هذا رأيي !! وإن شاء الله أكون أفدتكـمـ ~

[بطيخ بالحبحب]

أخذت (ميكروبيولوجيا تلوث ميكروبي) مع د.زكية
وماشي الحال مادة حلوة أحلى من الصناعية بكثييير والله يوفقكم دنيا وآخره يارب