عندما تضيقُ السُّبُل !!

[etame]

الحمد لله الذي بنعمته تتمُّ الصالحات .

الحمد لله من قبلُ من بعد .

اللهم أجرني في مصيبتي و اخلفني خيرًا منها .


هذا الصباح جاءني خبر استبعادي و عدم قبولي ، و نزلَ عليَّ كالطَّامةِ أحاولُ الفرارَ من التفكيرِ بها .. لكنها تفتكُ بي و تمزقُ داخلي .

لم أكن أبدًا أتخيل أن وقعَ هذا الخبرِ شديدُ الألمِ عظيمُ الفتك حتى أني بعد ساعاتٍ منه لا أزالُ أعاني .

هوَ خيرٌ بإذنِ الله ، والخيرةُ فيما اختارهُ اللهُ لي .


الغريب .. أن صفحة القبول .. لم تذكر بها نتيجةُ اختباري ، ولا نسبتي الموزونة ولا أقلَّ نسبةٍ تمَّ قبولها .

أعلمُ أن ذكرَ كل ذلكَ لن يُغيَّرَ من الأمرِ شيئًا .

لكن أودُ لو أعرف مدى اقترابي أو ابتعادي عن نسبة القبول .

خاصةً في ظل عدم وجودِ محسناتٍ قد أعملُ بها لأجلِ الفيزياء .

ففي قسمي .. لا يتمُّ احتسابُ درجةِ القدرات ، ولا درجة اللغة الإنجليزية .

و معدلي الجامعي لن يتغير أبدًا مهما فعلت

و لا يبقى سوى درجة الاختبار فقط .. فقط .. فقط .

هذا الاختبار الذي كانَ سهلاً جدًّا ، و كنتُ مستمتعةً جدًّا و أنا أقوم بالحلِّ أثناءه .

إن لم أقْبل هنا .. فماذا لو كان الاختبارُ صعبًا و لم أتمكن من الحل !!


..


في دماغي سلسلة متفجرة من الأسئلة .

لن تنطفيءُ إلا بحمدِ المولى على كلِّ حال والصبرِ على شدائدِ الأحوال . . و الرضا بما كتبه الله لي .

لكَ الحمدُ ربي حتى ترضى ، ولكَ الحمدُ إذا رضيت ، و لكَ الحمدُ بعد الرضا .


::


في انتظارِ شروقِ الشمس .. يحدوني باللهِ الأمل .. هو الملاذُ عندما تضيقُ السبل ..

[اسم الوردة]

الله يعوضك خير ويرزقك من حيث لا تحتسبين

في بنت في تقنية معلومات نفس مشكلتك تم استبعادها بدون ذكر درجة اختبار المفاضلة

من ابسط حقوق الطالب يعرف درجته ومن اهم مقومات الشفافية

في السنوات الماضية من خلال التجمعات حتى المستبعدين كانت تنزل درجتهم

شكل النظام مستحدث دي السنة

وحيفتح باب لتأويلات كثيرة

لو تقدري تراجعي كليتك وتستفسري عن دا الموضوع

الله يكتب لك الخير والصالح

[زوزو الكمونه]

انا الرساله هذي وصلتني اربع مرات لمده اربع سنوات...والسنه الخامسه انقبلت بس ماجاتني رساله علی الجوال جاتني علی الايميل....ثابري وان شاء الله ربي مايضيع تعبك...انا كل اختبار كنت اخرج منه اسهل من الثاني واخار اختبار كان صعب بس الحمدالله تجاوزته.... الله يوفقك

[شذاووي]

الله يعوضك خير يارب
ثقي بالله انه اراد بكِ خيراً .. ونصيحتي لك روحي اسعي حتى تعرفي درجتك الشي الي حصل معك ماهو نظام مستحدث لاني تعرفت على وحدة وكانت مثل وضعك وبعد ماسعت اكتشفت انها حققت موزونة عالية وانقبلت بفضل الله .. لاتضيعي فرصة لك وربنا يسهل أمرك

[ice box]

حاولي تتواصلي مع مشرفة قسم الفيزياء
على الاقل تعرفي كم جبتي بالاختبار
مو معقولة يتم استبعادك من دون ماتعرفي درجتك
هذا حق من حقوقك ولازم تطالبي بحقك
الله يكتب لك الخير يارب

[etame]

اسم الوردة

زوزو

شذاوي

Ice box


من أعماقي أشكر لكم دعواتكم ، و الحمد لله على الخيرِ المقدر أينما كان .

بالفعل منذُ الأمس و أنا أتواصل و أتراسل معهم

قسم الفيزياء قاموا بنفي معرفة أي شيء عن القبول أو عدم القبول و أن هذا الأمر لا يخصهم نهائيًّا حتى الأسماء والنسب لا علمَ لهم بها


و لم أترك جهة من الدراسات العليا إلا و أرسلت لها من العميد و حتى آخر المسؤولين مِنْ مَنْ وردت إيميلااتهم في الموقع

وحتى الآن لا أزالُ أنتظر الرد

وعسى أن يكون هناكَ رد !!


...


الحمد لله على الشروق من جديد ، بعد يومٍ لا يعلمُ حالي فيهِ إلا الله .

له الحمد في الأولى و في الآخرة

و لكم امتناني تقديري لمروركم و دعواتكم

باركَ الله لمن قُبلت منكم ، و عوض الباقيين خيرًا .

[etame]

المشاركة الأصلية كتبت بواسطة شذاووي الله يعوضك خير يارب ثقي بالله انه اراد بكِ خيراً .. ونصيحتي لك روحي اسعي حتى تعرفي درجتك الشي الي حصل معك ماهو نظام مستحدث لاني تعرفت على وحدة وكانت مثل وضعك وبعد ماسعت اكتشفت انها حققت موزونة عالية وانقبلت بفضل الله .. لاتضيعي فرصة لك وربنا يسهل أمرك

شذاوي

ممكن تسألي لي اللي تعرفيها تواصلت مع مين بالضبط ؟؟

لأن قسم الفيزياء نفى علاقته بالموضوع

و الدراسات العليا محد يرد على إيميلي ، لا العميد ولا المنسوبين

[طالبة حالمة]

المشاركة الأصلية كتبت بواسطة اسم الوردة الله يعوضك خير ويرزقك من حيث لا تحتسبين في بنت في تقنية معلومات نفس مشكلتك تم استبعادها بدون ذكر درجة اختبار المفاضلة هذي البنت بعدين ذكرت انها مو سعودية اتوقع هذا هو السبب لاستبعادها من ابسط حقوق الطالب يعرف درجته ومن اهم مقومات الشفافية في السنوات الماضية من خلال التجمعات حتى المستبعدين كانت تنزل درجتهم شكل النظام مستحدث دي السنة لا لحد الآن الغير مقبولين تطلع لهم درجتهم ونسبتهم الموزونة وأقل نسبة تم قبولها، هذا اكيد >> شفت كثير من اللي ما انقبلوا ذكروا هذا الشيء ويطلع لهم مكتوب لم يتم قبولك مو تم الاستبعاد. أما المستبعدين ما أعرف ايش وضعهم بالضبط ! وحيفتح باب لتأويلات كثيرة لو تقدري تراجعي كليتك وتستفسري عن دا الموضوع الله يكتب لك الخير والصالح

صح يا etame لو ماردوا روحي للكلية والعماده وشوفي الموضوع بنفسك ، ولا تتأخري عشان لو كان فيه غلط او شيء يتعدل وتلحقي على المطابقة
والله يوفقك إن شاء الله تبشرينا بقبولك

[nawal1988]

etame .. الله يعوضكك خير .. يارب ويرزقكك بالخيرة حيث كانت ويرضيكك فيها ..
الان ارتحت من الانتظار .. حاولي السنة الجاية .. او روحي تاكدي يمكن يطلعوا غلطانين .. ويصير نصيب .. لكك ف الماستر ..
انا هذه ثالث سنة لي اقدم وماادري افشل زي المرتين الي فاتوا والا لا ..
وربي مع هالانتظار الي اكلني ماتفرق عندي لو مااتجاوزه اهم شي يعطوووون خبر .. ويمكن راح تكوون اخر محاولة لي .. مع لطعتهم لنا عفت الماستر .. حسبي الله بس ..
اسفة فضفضت من حر مافيني .. وانتي الي فيكك مكفيكك .. الله يعوضكك خير عيوني

[etame]

أهلاً طالبة حالمة ،


بالنسبة لغير السعودية ، مستحيل يكون هذا سبب الاستبعاد في المرحلة الأخيرة .

أكيد لها أم سعودية أو أبناء سعوديين ، أو ما راح تقدر تقدم إلا عن طريق المنح .

بدليل إنها اجتازت الفرز المبدئي .. فكيف تجتازه لو ما كانت لها أحقية في القبول ، و كيف كان طلبها مستوفي الشروط !!


..

لو أحد يبرد قلوبنا يشرح لنا قضية الاستبعاد هذي هنا .. أو راح أنتظر هاليومين رد المسؤولين في الإيميل .

ولو ما ردوا ، وقتها لكل حادثٍ حديث .

خاصةً بعد ما عرفت إن أقل نسبة موزونة في الفيزياء كانت 59.12 ، زاد عندي الإصرار على متابعة الموضوع ، لأن مستحيل ما أكون عديتها .

الله يكتب اللي فيه الخير و الصلاح يا رب

و الله يسمع منك دعاءك و يكتب لنا جميعًا الخير .

يسعدك ربي