افضل كورس في النيوهورايزن او المجلس الثقافي البريطاني؟؟؟

[الطموحه 3]

السلام عليكم ورحمة الله استفساري يااعضاء عن افضل معهد معتمد لدى الجامعه في اللغه الانجليزيه شهرين في النيو هورايزن او 7 اسابيع في المجلس الثقافي البريطاني انا محتاره لاني جربت كورس في المجلس الثقافي وكان بمعدل يومين في الاسبوع 3 ساعات يعني تقريبا 40 ساعه المستوى المتوسط (العاشر) من اصل (15 )مستوى وعندي شهاده بااجتياز المستوى بس الساعات عندي 32ساعه من اصل 40كنت افوت بعض الكلاسات تقدير b جيد جدا او اخذ كورس جديد في النيو هورايزن حيعطوني ساعتين يوميا لمدة شهرين بس احس الاول معتمد لانه المدرسين بريطانيين ومجربته بس الثاني مااعرف ياريت تساعدوني باللي تقدرو عليه وناويه كمان ادخل امتحانات بديل التوفل عشان الحق تقديم الماستر بشهر 3غير اني شهر 2 منتظره مولودي الاول ومحتاره كثير وودي ارتب نفسي ماابغى افوت التقديم ساعدوني الله يسعدكم واكون شاكره وممتنه.

[منـارة]

المجلس الثقافي البريطاني و من غير تردد ..

اصلا المعهد تخصصه اللغة بعكس نيوهرايزن تخصصه علوم الحاسب
وفيه برنامج طيب للانجليش

لكن ما ح ينافس الثقافي البريطاني ..

كملي معاهم احسن لك واضمن لك ..

[الطموحه 3]

يعطيك العافيه اختي الله يجزاك خير بس اللي اعرفه انه كل مازاد عدد ساعات الكورس تحسب لك نقاط اكثر بس سؤالي هل الجامعه بتاخذ شهادتي اللي من النيو هورايزن بعين الاعتبار والا اكمل المستوى الجاي في البريتش كونسل
؟؟؟؟؟؟؟؟

[عماد الحسن]

الموضوع لا يحتاج لتفكير كثير، مجرد دورة شهرين تكفي للقبول في الماجستير خاصة أن كل المعاهد المذكورة معتمدة وقوية .وللعلم فلا توجد مفاضلة بين الطلاب في عدد ساعات الدورة أو مصدرها أو حتى درجة اختبار التوفل.
ولا تنسوا دخول تجربة اختبار التوفل فهي مهمة للجميع ولعل الله يوفقكم وتعدوا الاختبار ،،، والله يكتب لكم النجاح والقبول ويسهل أموركم.

[تؤبر تسبدي]

كفائدة علمية المجلس الثقافية البريطاني لايعلى عليه من وجه نظري الخاصه صحيح مافيه فرق بالشهادة أيا كان مصدرها بس االانسان يبحث عن الأفضل . وأساتذتهم على مستوى عالي .
وفقك الله

[عاطلة عن العمل]

الطموحه
أنا سمعت إنه البريطاني أفضل معهد ومعتمد
وإن شاء الله راح أسجل فيه
بس ياليت تقولين لي مكانه في جده وين
وإذا عندك الرقم أرسليه على الخاص ضروري
وشكراً

[الطموحه 3]

مشكورين الله يعطيكم العافيه ماقصرتوا الخيره فيما اختاره الله راح اكمل في المجلس الثقافي البريطاني عزيزتي عاطله المجلس بالنسبه لقسم السيدات مركز التنوير حي الحمراء شارع عرفات خلف عيادات اوباجي المكان ترى في منطقه سكنيه والشارع ضيق اول ماتشوفي لوحة عيادات اوباجي اسألي اي احد لانه خلف العيادات بالضبط وهذا رقمهم026670186 الله يوفقكم جميعا ويسهلها عليكم يارب.

[عاطلة عن العمل]

تسلمين طموحه
طيب المستوى عندهم بكم ...؟
وهل استفدتي من الدراسه عندهم

وشكراً

[الطموحه 3]

هلا عزيزتي اكيد فيه فائده بس انا مااعتمد على المعهد ادرس ذاتيا ليا اكثر من سنتين وانا احاول اكون ملمه بمعظم القواعد في اللغه واراجع مابين فتره وفتره واشوف قنوات انجليزيه منها استمتع واستفيد بالنسبه للمستويات عندهم 15 مستوى بعدها مستوى الادفانس المتقدم كل مستوى لايقل عن 2000 ريال واختبار تحديد المستوى ب50 ريال
انا درست اول ماتخرجت المستوى السادس عندهم تحطمت في البدايه من المستوى اللي كنت فيه توكلت على الله بعد المستوى السادس جلست 5 اشهر اذاكر واشتغل على نفسي في البيت بصوره شبه يوميه رجعت لهم بعدها وسويت تحديد مستوى وحطوني في المستوى العاشر انجاااااااااااااازمن بعدها قاعده اشتغل على نفسي بحيث اختبر في كل مره من جديد بعد مااحسن لغتي وكتابتي ومفرداتي واللحين اذا رحت ماراح ارضى بااقل من المستوى ال12 إن شاء الله والله يعيننا ويوفقنا جميعا .

[معلمة مكه]

ماشالله عليك يا طموحة ... انا ادرس في نيوهرايزن والان انا في المستوى الثالث .. واحس المعهد طورني كثير واستفدت كثير رغم اني بصراحة ماادرس في البيت ولا اراجع شي لاني مشغولة كثير ..
والله يوفقك ..