ابغى المهم بخصوص ماده تدريب 1

[سوما 2009]

سلام عليكم

ممكن اللي مع استاذه سهير التوني تقولنا ايش قالت اخر محاضره نذاكر من المراجعه اللي هنا في المنتدى ولا ايش

انا مره تلخبطت في هذي الماده وحايسه مو عارفه كيف ابدأ اذاكر ومن فين

الله يسعدها اللي تعرف تردلي بسرعه

[حايسه بالجامعه]

آهلين وعليكم السلام

آممم شوفي الماده تعتبر سهله و بسيطه و مع استاذه سهير صراحه بسطتها جدا
قالت المذاكره من الكتاب الاشياء اللي شرحتها
*طبعا الماده معانا من الاول لين صفحه 199*
وفي بنات منزلين السلايدات حقتها + اختبارات لازم نذاكرها معانا في الاختبار
انصحك ترجعي تسمعي المحاضرات بنفسك اسلوبها جميل وراح تحسي الماده سهله لانها مره تفهم
اذا تبغي انقلك هيا صفحه صفحه من عيوني بس صدقيني محتاجه تسمعيها اقل شيء شرح الاختبارات
ما تحتاج مخلصات ولا انا اول وحده ادور عن الملخصات
اتمنى اكون افدتك

[سوما 2009]

مشكوره ياقلبي بس انا مادخلت السنترا وماعندي الشرح ياريت لو تقدري تنزلي المحاضرات اسمعها

[حايسه بالجامعه]

ياليت لو اقدر اساعدك زياده وانزل المحاضرات بس ما اعرف كيف
آمممم ادخلي على رابط السنترا و بتلاقيها مسجله انا كمان ما حضرتها اون لاين دخلت سمعتها مسجله



http://devcs.kau.edu.sa/SiteRoots/ma...08582913328318

[سوما 2009]

الله يعطيك العافيه ماقصرتي انا ماكنت عارفه ادخل سنترا بس الرابط اللي ارسلتيه دخلت منه مشكوره ويارب ينولك كل اللي تتمنيه

[حايسه بالجامعه]

آمين الجميع يارب
ياليت لو من جد ساعدتك واستفدتي من الرابط
الماده سهله و استاذه سهير اخلاق و شرحها جميل
الله يسهل اختبارنا

[amoon-11]

بنات ف مهارات الارشاد في كم مهاره بس امثله >> كيف بيجي السؤال عليهاا

[اسرار العمودي]

والله الي افتكرو الدكتورا قالت ماحتجيب امثلة الظاهر بس تعداد والله اعلم

عموما الكتاب بزياده الفصل السادس والاختبارات النفسية احسها مهما وتجي منها اسئلة

اكتر من الامثلة والكلام دا

والله اعلم يعني لا تعتمدي على كلامي وبعدها تدعي عليا ههههههه

[amoon-11]

المشاركة الأصلية كتبت بواسطة اسرار العمودي والله الي افتكرو الدكتورا قالت ماحتجيب امثلة الظاهر بس تعداد والله اعلم عموما الكتاب بزياده الفصل السادس والاختبارات النفسية احسها مهما وتجي منها اسئلة اكتر من الامثلة والكلام دا والله اعلم يعني لا تعتمدي على كلامي وبعدها تدعي عليا ههههههه

ع قولك شكله تعداد
ايش اسم الفصل السادس تعرفي مو مرقمه الفصول
هههههههه وليه يختي ادعي عليك بالعكس ادعيلك
المهم دوبني اشوف في الكتاب فصل الميثاق الاخلاقي كاتبه جنبه مهم وعليها اسئله كثيره بس حبيت انبهكم

[ALOA]

السلام عليكم ورحمة الله وبركاته

طبعا راح اقول لك الاشياء الا قالت عنها مهمه واشرتها معانا في اخر محاضرة حقت المراجعه ....

1-التدريب العملي الميداني في المستشفيات النفسيه والمصحات وغرف الارشاد ,,
ص16 و17و18 و ص21 المهارة 1 والمهارة2 والمهارة 3والمهارة4 والمهارة5 و المهارة6 والمهارة7 والمهارة8
والمهاره9 والمهاره 10 والمهارة 11 و ص38

2- التدريب العملي الميداني في المصانع والمؤسسات المهنيه ,,
ص 41 وص 46 تعريف الرضى المهني و ص 48 الاخلاص او الولاء للمؤسسه
الجداوال والاستبانات مش معانه

3- المتدرب كأخصائي نفسي مدرسي مستقبلا,,
من ص 55 الى 59 كلها معانا مع الشرح

4- التدريب العملي الميداني في المدارس والمؤسسات التعليميه والتربويه..
ص 63 وص 66 و67 و ص 68 و69 مش متأكدة منهم معانا لو لا
و ص 70 من التهيئه الحافز واستثارة الدافعيه و 71 والاستمارات والنماذج مش معانا

5- ادوات اخرى متوقعه من الاخصائي النفسي ,,
من ص 83 الى 87 و من ص 90 دور الاخصائي النفسي في مجال غي العاديين الى ص 99

6- التدريب على توفير شروط ادوات القياس والتقويم,,,
من ص 103 الى ص107 وتعريف الموضوعيه مهم ومن ص 109الى ص 113 وتعريف الثبات مهم
والاحصاء والجداول مش معانا
ص 117 طريقه التجزئه النصفيه التعريف مهم
ص 121 الثبات بالتجزئه النصفيه بطريقه رولون
ص 124 الثبات بالتجزئه النصفيه بطريقه جتمان
ص 127طريقه الاختبارات المتكافئه التعريف معانا وص 128 الى ص133 و ص 135 و ص 137 من فقره ه والتمييز مهم
و ص 140 معامل التمييز و ص 141 فقرة رقم 5 و ص 142 الى 145

6- التطبيقات الكترونيه في التدريب الميداني مش معانا

7- الميثاق الاخلاقي للعاملين بالخدمه النفسيه ,,,
من ص 171 الى 173 قالت مهمه وعليها اسئله كثيرة
و ص 178 اخلاقيات التشخيص والعلاج معانا كلها و ص 182 الاعلام والاعلان والشهادة معانا
بس هدا بالكتاب
اما بخصوص الاختبارات انا عملت الملزمة تلاقيها هنا بموضوعي اطبعيها وذاكريها كويس ودعواتك ليا موفقة وتنبيه الفصل الاخير حق اخلاقيات التشخيص وكدا جابت امثلة عليه في امتحان المناطق وانتي توصليها بالالميثاق الاخلاقي اللي يناسبها
مثال :- موقف جاء احد معارف المريض وطلب من الاخصائي تقرير خاص بالمريض فقام الاخصائي باعطائة التقرير هذا الموقف والمبدا المناسب له هو : طبعا تختاري على الاخصائي ان يحفظ اسرار المرضى .....
وهكذا حبيت ابلغ لاني شفتكم تقولوا الامثلة مو مهمه مع انه لازم تعرفي امثلة كل مبدا وميثاق وكدا هذا الكلام اخر فصل فقط
اما اول فصل المهارات اتوقع بدون امثلة فقط تحفظي المهارة اطلعي على الامثلة ماراح تخسري شي واي شي انا في الخدمة
والملزمة هنا
http://www.skaau.com/vb/showthread.php?t=727111