::.. العلاقــات الانسانيهـ وارتباطها بحيــاتنا العمليــة ..::

[عاشقة الندى]

::.. بسم الله الرحمن الرحيم ..::
::. الســــــلام عليـــــكم ورحمـــــة الله وبركاتهـ .::

// العلاقات الانسانيه وارتباطها بحياتنا العملية //

موضوع جدا مهم ويكاد ان يكون السبب في نجاحنا او فشلنا على الاقل من وجهة نظري.::
حبيت اكتب عن هذا الموضوع بالذات لانه يمسني بشكل خاص وبسبب موقف حصل معي بالامس واكيد كمان انه له تأثير على كل انسان .::
راح اتكلم بوضوح أكثر .::
حكاية انو بينهم علاقه هادي اكيد كلنا متفقين عليها ويمكن يكون في ناس تشوف انو مافي بينهم ارتباط يجوز !!!
بس سؤالي هو
::. ماهو نوع الارتباط بينهم هل هيا علاقة طردية ولا عكسية .::
يعني ،،،
اذا انت انسان ناجح في علاقاتك مع الناس اكيد هذا بيكون سبب قوي انو تكون حياتك العملية سواء كنت طالب او موظف ناجحه ( وجهة نظر شخصية ) ،،،
لكن لو حصل العكس وكنت انسان فاشل في علاقاتك الانسانيه هل هذا راح يكون سبب في فشلك على الصعيد المهني او الدراسي ؟؟
::...::

وجهة نظري ان العلاقة بينهم طردية وان المتغير المستقل هو علاقتنا مع الناس يعني هيا المسيطرة والمتغير التابع هو نجاحنا او فشلنا في العمل .::

بالرغم اني اسمع عن ناس فاشلين في حياتهم الاجتماعية لكنهم ناجحين جدا من الناحية الاخرى .::
وحقيقة نفسي اتعرف على حياة هذه الفئة من الناس لاني لا اعتقد اني ممكن حكون ناجحة في عملي او دراستي لو كنت فاشلة مع الناس مو لاني ماقدر بس احس انو لازم يكون في انسان يدفعني للنجاح صحيح المفروض اكون انا الدافع لنفسي للنجاح بس عاد هذا انا ومقدر اكون الا انا وبالنسبة ليّا نجاحي اجتماعيا كافي ان يكون السبب لنجاحي في الحياة واهنيء كل انسان لديه هذه المهارة في التواصل مع الجنس البشري لان الكثير يفتقدها واولهم أنا .::

اللي ابغى اعرفو هو رأيكم بالموضوع بشكل عام لأنهـ يهمني وماهي نوع العلاقة بينهم من وجهة نظركم .::

( اعذروني احس الاحصاء والتحليل الاحصائي الى الآن مأثر فيني وكل كلامي صاير طردي وعكسي ومستقل وتابع كويس ماقلتلكم ايش الانحراف المعياري بينهم )

::.........::