الخبر الأكيد للإختبارات البديله ..

[تـggتـي]

رحت اليوم الجامعه استفسر عن الاختبارات البديله وياليتني مارحت مرمطو اهلنا في الشمس مسوين تفتيش على الزي مااعرف ايش يحسو وسحبو البطاقه عشان مخالفه الزي وكدا وروحي مبنى 65 وخذيها الساعه 10 وتعهد وكلو عشان لبس حسبي الله بس دوبهم افتكرو اللبس

معليش طولت بس عشان البنات ينتبهو اللي يروحو صباح وقت الإنتظام ومايسيرلهم زينا

المهم رحت الكليه حقتنا ورحت لمسؤولة الانتساب وسألتها عن اسمي هل انقبل عذري ومتى الأختبارات البديله ..
على طول ردت لسا مانعرف !!
قلتلها كيف ماتعرفو وفي بنات كاتبين في المنتدى انو لمن جو سألوكم قلتولهم انهم مقبولين وماراح تنزل الاسماء في الموقع ؟؟
قالت مين كتب ومين قال ؟؟؟؟؟؟؟
قلتلها ادخلي المنتدى وشوفي

اخر الكلام قالت انو الاسماء حتنزل في الموقع يوم السبت والجداول والاختبارات
حتكون بتاريخ 6/4 والله يسهلها علينا