محتار جدا بين انواع الهندسة التالية : ...

[bahamdain]

السلام عليكم ورحمة الله وبركاته
كيف الحال يا مهندسين
انا إن شاء الله السنة الجاية بصير مهندس مستجد بحول الله
بس خايف ومتردد
ومو عارف ايش افضل تخصص لي في الهندسة من ناحية المستقبل وحبي للتخصص
ومحتار بين الكيميائية والكهربائية والكيميائية واذا تقدروا تفيدوني عن تخصصاتكم حتى لو مهي من هذه التخصصات الثلاثة
وبالنسبة للهندسة بشكل عام مثلا لو انا درست الكهربائية وتخرجت ببكالوريوس وابغى اقدم على بعثة للدراسات العليا ( ماستر ) اقدر ولا لآ ؟؟
وايش احسن لمن اتخرج اتوظف اول بعدين اروح ماستر وارجعلهم ولا اروح ماستر اول ؟؟
والله العظيم متشتت صح
ياارب الي يفيدني يتوفق في الدنيا والاخرة ويعطيكم الف الف عافية
اتمنى منكم التفاعل في الموضوع
وان شاء الله كثيير يستفيدوا من هذا الموضوع ولكم الاجر بإذن الله
والسلام خير ختام

[sultanooh]

السلام عليكم

اغلب اسئلتك اجوبتها تعتمد عالشخص نفسه وليس لها اجوبه عامه

بخصوص التخصصات ادخل هنا www.google.com وابحث عن التخصصات اللي تفكر فيها واقرا عنها كثير حتى ترتاح لاحدها وتدخله بإذن الله

وبالتأكيد اهم شيء هو الاستخارة

بخصوص تكمل ماستر او تتوظف هالسؤال يحتار فيه الكثير
لان لمن تتخرج وتلقى وظيفه لو رفضتها وكملت ماستر يمكن ترجع ماتحصل وظيفه والطيور تطير بارزاقها

من خلال بحثي الطويل لقيت اجابه اعجبتني وهي الوظيفه بعد التخرج لمدة 3 سنوات لاكتساب خبرة
بعدها تكمل ماستر

لان الشركات اغلبها تطلب من شروط الوظيفه ان يكون له 3 سنوات خبرة الخ

بالتوفيق

[bahamdain]

الله يعطيك العافية بس محتاج كمان تفيدوني

[Abu Al-waleed]

وعليكم السلام ورحمة الله وبركاته..

انا طالب هندسة..كنت محتار بين التخصصات ..ولكن هناك شيء سيعجبكـ
عندما تدخل الهندسة كمستجد..ستدرس مواد من الصناعية وكذلك الميكانيكية والكهربائية إلخ..
من طبيعة المواد ومن خلال دراستك السنة الأولى وبعض المواد بتعجبك وبعضها بتتنكب فيها هع ..انت ستختار تخصصك..

أتمنى لا تستعجل ستختلف الرؤية لديك حينها

وثاني شيء مافي تخصص افضل من تخصص..كذااب من يقول ذلك
كلها لها مستقبل ..انا سئلت موظفين بأرامكو قالوا لي سنوياً نأخذ من جميع التخصصات
الهندسة بفروعها لها مستقبل ..بس إذا حصلت الطالب المجتهد

[bahamdain]

الله يعطيك ألف عافية

[صياد النسور]

الكيميائية اسحب عليه خخخخخخخخخخ
دكاترتهم ما يعجبوني ولا يفهمون ( باستثناء دكتور حمدي تراه يفهم )

الحين في قسم اسمه الهندسة النووية
حلو من ناحية الحوافز والمكافآت ووظيفتك مضمونة من يوم تسجل فيه بشرط الحفاظ على ارتفاع معدلك
اما الكهربائية والميكانيكية فهي تعتمد على رغباتك وميولك
اللي تميل له اكثر اختاره
واستخير بالأول قبل كل شي عشان ترتاح

[M7mmd.Y]

وعليكم السلام ورحمة الله وبركاته،،،

هذا الموضوع بيفيدك

http://www.skaau.com/vb/showthread.php?t=57460

وهذا المقطع يتكلم عن اشياء كثير، من ضمنها الوظايف والرواتب ( كيميائية )



-

بشويش على نفسك، ادخل الهندسة اول بعدين فكر في التخصص، لأن دحين انت جالس تشتت نفسك بس

كنت اعاني من نفس حالتك في التحضيري، وكنت محتار بين نفس التخصصات

اول ما تدخل هندسة بإذن الله فيه خطة مكونة من 30 ساعة تقريبًا تاخذها على مدار سنة، وكل مادة من تخصص

خلال دراستك في هذي الفترة اشياء كثير بتتضح لك، وبتقابل مهندسين وطلاب خريجين كثير، وفيه يوم

هندسي مفيد للي يبغى يفهم عن التخصصات، يكون في ثلث الترم الثاني اعتقد

بالنسبة لي اول ما دخلت قلت كهرباء، ولقيت نفسي ما اميل لها، قلبت للميكانيكا، وصارلي نفس الشيء

في آخر المطاف انتهى بي الحال للكيميائية والحمدلله لقيت مكاني بعد تعب

وظائف الثلاثة حلوة، ومتوفرة، بحيث مافي اي شركة او مصنع ما يطلب الـ 3 تخصصات هذي

( ماعدا اذا كانت شركة متخصصة في شيء، زي شركة الكهرباء، الكيميائي ماله دور فيها )

بس اكلمك على: ارامكو - سابك ( ما تطلب كهرباء كثير ) - يونيليفر - شلمبرجير - بترو رابغ... إلخ

فيه شركات تفضل تخصص عن تخصص، تلاقي شركة تهتم بالكيميائي اكثر، وشركة تهتم بالميكانيكا والكهرباء وزي كدا

الشيء الأخير،، لا توجع راسك بالتفكير في شيء بعد 6-7 سنوات من دحين إن شاء الله وهو انك تكمل دراسات

اول شيء ادخل الهندسة، خلص سنة وتكون استقريت على تخصص، وشد حيلك فيه، وبعدها يصير خير

خلي كل شيء بوقته.

الله يسهلك امرك،،،

[bahamdain]

الله يعطيك العافية ويحفظك ويوفقك انت والجمييع
ايش رأيكم بالهندسة المدنية احسها عاجبتني بس كيف من ناحية الوظائف والرواتب