تدريب عملي 2 طالبات انتساب

[بسبوسة الشام]

يا بنات الله يسعدكم اللي خلصت تدريب عملي 2
تفيدنا عنّه
يعني بأي مدرسه ومتى ممكن نروح نتدرّب
وجزاكم الله كل خير

[nour al3mr]

حيـآك أختِ

يختلف وفقاً لدكتورتك
الترم المـآضي د. سـوزآن أقرت على طالبات الإنتسـآب اختيار أنه ممكن الاستغناء عن التدريب ..

و المادة أصبحت منهج يُدرج و تكليف

ربي يوفقك .

[ranas]

يعني ايه منهج يدرج وتكليف ممكن توضحي اكثر لانو بجد شايلين هم دوام طويل للتدريب وعندنا اطفال رضع وحالتنا حاله

[ام حمدان]

حياك الله عزيزتي

المادة مثل ماذكرت لكم اختي نور درسوها الترم الماضي مع مس سوزان وكان اسلوبها شوي مختلف

هي اعطت الي ماعندهم القدرة على التدرب في اي مكان انهم يعملوا بحث عن كتاب وتعطيهم عليه درجه التدريب

وباقي الدرجات تتوزع على التقرير والمنهج الي قررته بالاضافه لاسئله التوفل

المنهج الي قررته هو نفسه المنهج القديم لملزمه خاصه بمادة براكتكم 1 الي الغوها حددت منه امور معينه ودخلتها معهم في الاختبار

يعني من باب المساعده

بس حاليا اسمها غير مثدرج ضمن استاذات البراكتكم فما ندري بتمشي بنفس النظام اولا

حاطين اسم مس ليلى هاشم عند مادة التدريب العملي والشعبه الثانيه ماكتبوا مين بيعيطها للان

انتظروا لبداية الترم إن شاء الله بعد ماتتأكدوا مين بالضبط بيمسك الماده يصير وقتها تتواصلوا مباشرة معهم ويقولوكم نظام المادة هالترم كيف او بتلقوا اي احد يبلغكم لو راحلهم


موفقين

[ام حمدان]

نسيت شي

بالنسبه للتدريب هو صح على حسب الاستاذه بس اغلبهم مايشرطوا مكان محدد اهم شي مكان تقدري تمارسي فيه اللغه وممكن تختاري مكان داخل الجامعه او خارجها بعد الاتفاق مع استاذتك
وممكن توافق الاستاذ لك تتدربي في مكان عملك لو كنتي موظفه وتقدري تمارسي فيه اللغه

إن شاء الله تتسهل لاتشيلوا هم

موفقين

[white rose]

اللي اعرفو عن التدريب مع مس سوزان الترم الماضي اقرت 60 ساعة تدريب وفي الترم الصيفي مع الانتظام صارت 50 ما ادري راح نكون زيهم او لا

وقالت يمكن الاستغناء عن التدريب بكتابة تقرير عن كتاب وشرحت لهم طريقة التقرير مع جزيئة الكتاب اللي اعطتهم هيا ايام الدورة على يو اس بي

التدريب كان من شروطه انو يكون بمكان معروف زي وحدة من زميلاتنا راحت مدرسة عالمية ووحدة اتدربت بمعهد معروف للغة وحتى اللي كتبو التقارير كانو مرتاحين مع مس سوزان وكان عليه 20 درجة والاختبار 80.

واختبرتهم بجزئية من الكتاب تبع البراكتكم ون + التوفل واعطتهم مواقع يتدربو عليها عشان تساعدهم

وهالترم زي ما افادت اختي ام حمدان ما ندري مين يمسكنا وطبعا المس هيا اللي راح تحدد شروط التدريب والاماكن المسموح بها وهل راح تعادل التدريب بالتقرير عن الكتاب او لا

ربي ييسر لنا كل خير :-)

[بسبوسة الشام]

جزاكم الله كل خير والله يكتبلكم النجاح بكل حرف كتبتوه وأفدتونا فيه

[الدلوعة]

بنات مين عندها الجزئية اللي اقرتها مس سوزان لان انا عندي اختبار بديل لكن ماعندي الجزئية اللي من كتاب براكتكم 1 فاللي عندها ياليت تنزلها هنا وهل هذي المادية يكون فيها رسوب