ارشدوني جزيتم خيرااا

[هديل الوليد]

انا سحبت ملفي من الجامعه قبل تسع سنوات وحابه اكمل دراستي تعليم عن بعد اطمح بالوضيفه ماادري الشهاده معتمده ولا خسارة فلوس بس ووايش هي الاقسام اللي تنصحوني ادرسهااا ومجالاتهاا الوضيفيه واسعه فكرت في الانجلش بس محتاره ووو كيف نضام الدراسه في الجامعه تنصحوني فيهااا ولافي جامعه فيصل لقربهااا من سكني

[حمودي اتصالات]

اذا كنتي حولين جامعة فيصل نصيحتي ادخليها لان النظام فيها متطور اكثر من عندنا

وبالنسبة للكليات والتخصصات كلها كويسة والانجلش كمان كويس ولة مستقبل دراسي

ولاكن المشكلة عندنا بجامعة الملك عبدالعزيز انهم طفشونا يوم يقولو معتمدة ويوم ينبت واحد يقول لا مهي معتمدة
واول واحد مطنش الحكاية دي انا ^_^ لان الجامعة فيها تخصصات مش موجودة بجامعة فيصل

وتقدري تاخدي لمحة عن التعليم عن بعد هنا
http://www.skaau.com/vb/showthread.php?t=601601
http://www.skaau.com/vb/showthread.php?t=456312

[اسيرالبحر]

المشاركة الأصلية كتبت بواسطة هديل الوليد انا سحبت ملفي من الجامعه قبل تسع سنوات وحابه اكمل دراستي تعليم عن بعد اطمح بالوضيفه ماادري الشهاده معتمده ولا خسارة فلوس بس ووايش هي الاقسام اللي تنصحوني ادرسهااا ومجالاتهاا الوضيفيه واسعه فكرت في الانجلش بس محتاره ووو كيف نضام الدراسه في الجامعه تنصحوني فيهااا ولافي جامعه فيصل لقربهااا من سكني

ازيد على كلام الاخ حمودي دام ان تبين تخصص انجليزي وتقولي ان جامعة فيصل قريبة منك فما يحتاج تلخبطي عمرك ما يحتاج لها تفكير الواحد يبي القرب بدل الخساير ولكن ان بغيتي تخصص غير موجود بجامعة فيصل
فعليك بجامعة الملك عبد العزيز بالنسبة للتعليم عن بعد ولله الحمد تم اعتماده ومساواته بالانتساب هذا الي تمخضت به وزارة الخدمة للاسف بالنسبة لجامعة الملك فيصل هم يدرسوك تعليم عن بعد ولكن يسجلوا بالشهادة انتساب متطور
والانتساب ما عليه جدل اساسا وبالتوفيق لك يارب

[هديل الوليد]

تسلمون حبايبي ماقصرتوا بس عندي سؤال ثاني تتوقعون ايش الاسهل من ناحية الدراسه الانجلش ولا علم الاجتماع لاني مااابي انجح على الحافه ابي معدلي يكون مرتفع ايش اللي بيساعدني وبارك الله فيكم اخوي اسير البحر مافهمت عليك كيف يسجلوو بالشهاده انتساب مطور وايش الفرق بينه وبين التعليم عن بعد وجزاك الله خير

[اسيرالبحر]

المشاركة الأصلية كتبت بواسطة هديل الوليد تسلمون حبايبي ماقصرتوا بس عندي سؤال ثاني تتوقعون ايش الاسهل من ناحية الدراسه الانجلش ولا علم الاجتماع لاني مااابي انجح على الحافه ابي معدلي يكون مرتفع ايش اللي بيساعدني وبارك الله فيكم اخوي اسير البحر مافهمت عليك كيف يسجلوو بالشهاده انتساب مطور وايش الفرق بينه وبين التعليم عن بعد وجزاك الله خير

حقيقة الانجلش اذا ماعندك خلفية بالقرامر والمفردات والكتابة حيكون صعب وراح تضاعفي المجهود بشكل مو سهل علم الاجتماع طبعا الدراسة عربي ومفهومه يبقى عليك انك تذاكري وتحفظي لكن من متابعتي مشاهدتي لتخصص علم الاجتماع اشوف انه بجامعة الملك فيصل ساعاته أكثر من جامعة الملك عبد العزيز ولكن هذا ما يأثر كونك رغبانه بالتخصص ولكن شوفي جامعة الدمام كذلك عندهم ها التخصص وشوفي الخطط الدراسية طبعا للأسف تم الغاء دراسة علم الجتماع بجامعة الملك عبد العزيز اعتبارا من السنة الجاية يعني الي سجل جديد ها السنه ماراح يتخصص لا علم اجتماع ولا علم نفس ولا تاريخ حتى الاعلام

بالنسبة للتعليم عن بعد معروف انه دراسة عن طريق الحضور المباشر للمحاضرات وحل واجب وحل اختبار وكذلك مشاركه طبعا الكلام هذا موجود بجامعة الملك فيصل بس زي ماقلت لك جامعة الملك فيصل يسمونه انتساب مطور عشان حضرة وزارة الخدمة المدنية اول كان التعليم عن بعد غير معتمد والسبب انه فيه اشخاص يدرسون خارج المملكة تعليم عن بعد فما يتم اعتماد شهايدهم ومن هنا ها المشكله بدت فلما تجيبي شهادتك وتقولي تعليم عن بعد وزارة الخدمة يحسبون انك جايبتها من برا . بس ها المشكله انحلت وفهموا ان جامعة الملك عبد العزيز تدرس تعليم عن بعد حتى مسمى الشهادة ينكتب عليه تعليم عن بعد و جامعة الملك فيصل لجل مايسير لها نوع من الحرج بينها وبين طلابها سجلوا انتساب مطور.

[هديل الوليد]

تسلم على ردك ماقصرت وجزاك الله خير بس ابي اعرف ايش تنصحني ادرس تعليم عن بعد في جامعة عبدالعزيز ولاانتساب مطور في جامعة فيصل وايش الافضل من ناحية الوضيفه وشكرااا