نصيحه للي بياخذ ماده حره او اختيارية

[ابو بدر 2009]

اخواني / اخواتي

نصيحه لوجه الله اللي بياخذ ماده حره او اختيارية يحاول ياخذ ادارة الجوده bus 325 كمادة اختيارية وإدارة الجودة في الاجهزة الحكومية pad 421 كمادة حره وبكذا يكون كسب الوقت وريح راسه . بالمختصر مادتين في ماده اي انهم بنفس الكتاب باختلاف الفصول. وعلى قولت المثل (عصفورين بحجر)
الكتاب ممتع وسهل جدا . يعني تقراه مرتين تروح للاختبار وانت مغمض تحل وتفتح عينك على 90
لا تطوفون المادتين عند كدسه و شمسان.

النصيحه الثانيه لا تقربون لمواد السياسه لانك مهما ذاكرت وحليت ما راح تعدي سقف السبعين كأنهم متحلفين بالطلاب وياويلك.

مهم للمواد الاساسيه

اللي بينزل مادة الموارد البشرية باللغه الانجليزية وهو مهو خريج يتنظر شوي حتى تتحول من د. سامي خان اذا لغته مهي كويسه (ايس فيه). يمكن تتحول الى دكتور اخر خصوصا هاني العمري وبعد كذا ينزلها.

هذا انطباعي ونصيحتي لمن يأتي من بعدي

وربي يوفق الجميع.

[لمعة الماسة]

انا اخذت المادتين فعلا المنهج واحد...وترتاح من مادتين بمنهج واحد.

اما الموارد البشرية انقلش ...الله يعين على ابو بكس...الترم الجاي اجباري باخذها.

[فهد العنزان]

فعلاً نصيحة في محلها اخي ولكن الدكتور ناصر كدسه !!! درجات الطلاب بهذا الترم الصيفي للاسف .............

[ابو بدر 2009]

انا معك يا خوي فهد بس والكل مستغرب مع انه كان رايق بوقت الاختبار ووعدنا ب 15 درجة بس شكله طنش.

على العموم اللي يقرأ الكتاب او حتى ملخص الدكتور نفسه بيجيب من 85 إلى 90 بالراحه بلا منة الدكتور ولا غبره. والدكتور انسان طيب ومحترم.

وفالكم التوفيق

[فهد العنزان]

المشاركة الأصلية كتبت بواسطة ابو بدر 2009 انا معك يا خوي فهد بس والكل مستغرب مع انه كان رايق بوقت الاختبار ووعدنا ب 15 درجة بس شكله طنش. على العموم اللي يقرأ الكتاب او حتى ملخص الدكتور نفسه بيجيب من 85 إلى 90 بالراحه بلا منة الدكتور ولا غبره. والدكتور انسان طيب ومحترم. وفالكم التوفيق

الدكتور محترم ونعم فيه ما نقول شيء ووالله المذاكرة من الكتاب فقط !!! ولكن انت رايت طريقة الاسئلة بشكل عامي وتحتمل الصح !!!

[حسوون العولقي]

المشاركة الأصلية كتبت بواسطة ابو بدر 2009 ماده حره او اختيارية يحاول ياخذ ادارة الجوده bus 325 كمادة اختيارية وإدارة الجودة في الاجهزة الحكومية pad 421 كمادة حره

ابي استفسر المادتين هذي تعتبر اختياريه مو حره صح ؟

لاني ابي انزل ماده حره الترم القادم

[ابو بدر 2009]

المشاركة الأصلية كتبت بواسطة حسوون العولقي ابي استفسر المادتين هذي تعتبر اختياريه مو حره صح ؟ لاني ابي انزل ماده حره الترم القادم

المواد الاختياريه اخوي حسون حسب الخطه اللي عندك ويبين لك جدول فيه كل المواد الاختيارية ما عليك الا انك تختار وحده منهم اما المواد الحره فلك حرية الاختيار من اي كليه تبي

بالنسبة لنا كإدارة اعمال مسار موارد بشرية : ادارة الجودة bus 325 اختيارية . وادارة الجودة في الاجهزة الحكومية PAD421 مادة حره .

انا جمعت المادتين (اختيارية وحره) وكسبت الوقت لانهم اثنين في واحد.

في مواد حره يمدحونها الشباب مثل الراي العام والاقناع. بامكانك تاخذهم ولكن انا انصحك في ادارة الجوده بالاجهزة الحكومية عند د. شمسان لا تطوفها. صدقني اذا ذاكرت من الكتاب او حتى الملخص ما راح تنزل عن 95 ابدا. والدكتور شمسان مو غاوي تعقيد ولا يصعب الاسئله.

الغريب لما يدخل القاعه يسوي زحمه وصراخ ويبين انه شديد ويخوف الطلاب ولكنه انسان طيب جدا وخلوق جدا ويتناقش بكل سهوله خصوصا اذا لقيته برى القاعه.

وربي يوفقك

[حسوون العولقي]

ابو بدر الله يعطيك الف عافيـــه على التوضيح