افيدوني بخبراتكم وتجاربكم . لكي استطيع اكمال الطريق نحو القمة !

[Fatima al Bugmi]

السلام عليكم ورحمة الله وبركاته
انا عضوة جديدة في المنتدى و اعنبروني مثل اختكم
انا ما ادري اذا كان موضوعي في المكان المناسب ولا لأ . واذا كان لا اتمنى من المشرفين نقله الى المكان
الصحيح .
المهم راح ابدا في استفساراتي .
انا طالبة ناجحة هذي السنة الى ثالث ثانوي علمي طبعا انا سعودية
واتمنى اني التحق بجامعتكم لسمعتها الطيبة ولمكانتها المتقدمة بين الجامعات السعودية و لأني من سكان جدة
وانا اكبر وحدة في عائلتي وعشان كذا ما عندي احد اسأله او استفيد من خبرته
انا الحمد لله طالبة متفوقة اخذت في التراكمي لسنة اولى + ثاني ( مدرستي مقررات ) 99.79%
واتمنى اني اصير دكتورة وبإذن الله ادخل الجامعة واجتاز السنة التحضيرية عشان ادخل كلية الطب
بس في عندي حاجز واتمنى اني اكسره ( القدرات + التحصيلي )
يعني كم لازم اجيب في القدرات والنحصيلي حتى اكون في مرحلة الأمان ؟؟
وهل القبول في الجامعة سهل نوعا ما ام صعب ؟
هل القدرات و التحصيلي ( فقط كرت لدخول السنة التحضيرية ) ام التسكين في الكليات يعتمد عليها ولا بس
على معدل السنة التحضيرية ؟
و كم كانت درجاتكم في القدرات + التحصيلي +( ماهي الخطة اللي مشيتوا عليها لنيل هذه الدرجات (
وهل طلاب نظام المقررات قبولهم يختلف عن النظام العام ام كلهم مثل بعض ؟؟
قدمولي بعض النصائح ؟؟!
وشكرا لكم :-)

[كوروبا كايتو]

عليكم السلام ورحمة الله وبركاته هلا فيك ياختي فالمنتدى
معليك ياختي من ناحية القدرات والتحصيلي لاتخافي اهم شي تشدين حيلك وبس
انا نسبتي كانت 98 ثانوي والقدرات 80 والتحصيلي 72 والحمد لله قبلت في الجامعة قولوا ماشاء الله لاتنتفوني بعين
اما القبول سهل ان شاء الله معليك انت من نسبتك احسك دافورة ماشاء الله فلا تخافي
اما درجة القدرات والتحصيلي في زي ماقلتي كرت لدخول الجامعة بس يعني اذا انقبلت خلاص القدرات والتحصيلي انسيها .
والتسكين في الكليات يعتمدون على المعدل ودرجاتك في بعض المواد
وخطتي في كيفية الحصول على الدرجات في القدرات ولتحصيلي المذاكرة حقت الاختبارات فادتني كثير وكنت اقرا في منتديات كثيرة عن التحصيلي والقدرات واستفت الحمد لله
واستعنت بموقع اسمه:منتديات يزيد التعليمية
هذا الموقع لو تذاكرين منه راح تجيبين اعلى الدرجات لانه منزلين في اسئلة للقدرات والتحصيلي حقت سنوات سابقة.
و طلاب نظام المقررات قبولهم ماعتقد يختلف عن النظام العام
وفي النهاية اقول الله يوفقك
وادعيليي بتيسير اموري
تحياتي..

[noonz]

وعليكم السلام ورحمة الله وبركاته ، حيّاكِ الله
ماشاء الله تبارك الله ، الله يحميكِ ويحفظك ، مبروك لكِ ومن نجاح لـ نجاح إن شاء الله ..
بالنسبة لأسألتك ، كانو يقولولنا عشان تكونو في مرحلة الأمان جيبو +80 سواء في القدرات أو التحصيلي
لكن النسب تتغير كل سنة والأرجح أنها في إزدياد ، فـ من الأفضل أنك تجيبي +85
أنا زيك كنت نظام مقررات ، ولأني أخدت ترم صيفي بعد 2 ثانوي ما اتبقى لي الا 3 مواد في الترم التأني من سنة 3 ثانوي
وكنت بستغل أوقات الفراغ بأني امسك كتب القدرات و اجلس أتدرب عليها والحمد لله جبت درجات حلوة
والفضل أيضًا يرجع لـ منتدى يزيد بعد الله .. فادني جدًا واتمنى يفيدك
وطبعًا القدرات والتحصيلي والثانوي هي فقط عشان تدخلي الجامعة ، وبعدين التسكين فـ الكليات يكون على حسب نسبتك في السنة التحضيرية
بالنسبة للقبول بين نظام المقررات والبقية ف مافي فرق أبدا ، الكل سواسية ..

بالتوفيق يا دكتورة ، و اتفضلي لـأي استفسار

[A0S0F0]

مآشآء اللة على درجآتكك

جدآ جدآ ممتآزة

القدرآت والتحصيلي = السنة التحضيرية

معدلك في التحضيرية = كلية الطب

تمن آن يكوني شرحي وآضح

القدرآت والتحصيلي سهلة جدآ

القدرآت :

تحتآج حس ريآضي وتشغيل نص المخ فقطط

وتدريب وآلتدريب آهم شئ !

وهذي تجربتي وآتمنى تستفيدي منهآ !

تجربتي مع إختبآر القدرآت 80+

التحصيلي :

سهل جدآ للي متأسس زين

بالثانوية

فقط يحتآج تحريك المعلومآت فقطط

ورآح تشوفي كيف يدك تحل تلقآئيآ بمجرد

مآتشوفين السوآل عكس القدرآت


آنآ درجتي 70 بالتحصيلي

بسبب ان أجلت المذآكرة حقت التحصيلي

قلت خلهآ بعد الإختبآرت النهآئية

معي آربع آيآم

لاكن جآء ظرف مآخلاني أستعد إلا قبل يوم

من آلإختبآر

لاكن قدر اللة ومآشآء فعل

لأن كآن حلمي الإبتعآث

لاكن خيرة

____


شوفي آذآ عندك رغبة بالطب

صدقيني مآرآح آحد يوقف بطريقكك

آنصحك آلحين تحآولي تطوري لغتكك

لأن السنة التحضيرية كلهآ تعتمد على اللغة

ودعوآتكمم لي بالتوفيق بالتحضيرية

وآتخصص بالتخصص المنآسب

وفقكك آللةة

[Fatima al Bugmi]

^
شكرا للكل من جد افادتني المعلومات اللي وضحتوها وتشجيعكم لي عطاني دفعات معنوية
وبإذن بشد حيلي وتلاقوني السنة الجابة بجامعتكم <3

[b.b]

اهلن بيكي^_^
اممم اول شي احووب احييك على الطموح والحماس اللي فيك صدقيني جدااا حيساعدك :)
تاني شي ابدااا لا تشيلي همم الخراافتين اللي اسمهم قدرات وتحصيلي ..حتى لاتذاكريله بسس خودي فكره عنوو عشان يخف التوتر وقت الاختبار وبسس لانو ولا كلمه من اللي حتذاكريها حتجي زيها <<عن تجرربه ترا
لانو ماشاء الله لو استمريتي عن نفسس مستواك دا انتي في منطقه الامان بقووه
انا نسبتي كانت 98 والقدرات والتحصيلي جبت 79 في الاتنين وموعدي كان اول شي قبل كل صحباتي
يعني هوا الاساس الثانوي شدددي حيلك تمااام

[اجواني]

القدرات وأتحصيلي خليها على ربك ابدا لاتخوفي نفسك منهم والقبول في الجامعه سهل انا كانو يقولولي صعب وطلع في النهايه سهل انتي بس اهم شئ لاتخلي خوفك من الجامعه ياثر على مستواك في الثانوي وانا ذاكرت من كتاب اسمو قدرات 1 والتحصيلي اسمو تحصيل 1 والله مرة حلوة لدرجة في اسئله جاتني نفس اﻷرقام والله وان شاء الله نشوفك عندنا في كلية الطب

[Lujain :)]

يَ جميلةة آريحك من الاخر وآقولك لآ تشيلي هم !

آكيد تعرفي إنو الجامعة مالها دخل كم جبتي بالقدرات
ولآ التحصيلي ولآ حتى المدرسة يهتمو بالموزونة
هذآ موقع يحسب لك الموزونة
http://prod.kau.edu.sa/admission/mai...et/mauzoon.htm
إذآ طلعت فوق ال 85 إذا إنتي بأمان إن شآء الله : )

دعوآتك ()"

[b.b]

^^^^ والموزونه من وين تجي الا من القدرات والتحصيلي والثانوي =)

[Deev]

مافي خوف.ولا حاجه مرا
انت ركزي ع المعدل ف تالت وذاكري القدرات والتحصيلي ف اوقات الفراغ
انا ذاكرت من كتاب اسمو قدرات 1 وتحصيلي 1
والحمد لله نسبتي دخلتني اول يوم بالقبول
لا اخفي عليكي اخذت دورة نحصيلي لكنها ع فراغ ما فادتني

وصح كمان اهتمي بالانجلش من بدري
واي سؤال ثاني احنا حاضرين ^^