استفسار مهم ....

[مهند عسيري]

السلام عليكم ورحمة الله وبركاته ,, وكل عام وانتو بخير وشهر مبارك ,,

انا طالب من الدفعة 13 الحمد لله انقبلت بالجامعة مسار علمي الخطة (أ)
المهم انا محتار جدا هل السنة التحضيرية سهلة واقدر ادخل طب اسنان بسهولة ولا لا
لاني انقبلت طب اسنان في جامعة الملك خالد لكن للاسف الفصل الثاني عشان كذا
ان محتار اطلع اخلاء طرف من اي جامعة مع العلم اني اتمنى اكون في جامعة الملك عبد العزيز
لكن خايف من ان المعدل ينقص ومايقبلوني في طب الاسنان ,, تكففون ابي حلل بسررعة

[Respect me Respect U]

اهلين فيك حتنور الجامعة
لا تخافي ياعزيزي خاصة انتو الاولاد نسب القبول لطب الاسناان تختلف عن نسب البنات فرق السما عن الارض شوف هيه سهلة بس متعبة تحس نفسك في حلبة مصاارعة لااازم تجتهد وتشد حيلك والدنيا زي كذا قد ماتتعب فيها قد ماتحصد وتلاقي اتوكل وثق بالله ثم ثق بنفسك وبقدراتك ومالك الا اللي يرضيك وشوف تجارب الاعضاء خاصة الاولاد ماقصروا استفيد من تجاربهم قدر المستطاع احنا في انتظارك السنة السنة اللي بعد الجاية ان شاء الله اتمنى انه افدتك وانا تحت امرك اسأل زي ما تبغئ

[مهند عسيري]

مشكوورة وماقصرتي نورتي وافدتي ادعيلك ربي يوفقك ويوفقني ,,
الله ييسر ياررب توفقنا وتيسر امورنا وتسهل علينا

[ططال عمري]

حيآكك آلله بـ آلجآمعةة ,
و آن شآء آلله تتوفق و تجيب نسبةة تدخلكك آلكليةة =)

شوف حبيبي , آلكلية تقبل تقريباً 60 طآلب فقط =)
جيب معدل و نسبة حلوةة بإذن آلله تنقبل سسلآـم سسلـآم

و رغبة آلطلـآب آحس مو قد كذآ
و أقل نسبة تتم قبولهـآ بـ آلكلية تكون نآزلة ,
دفعة 11 وقفت على 79% , و دفعتنـآ وقفت على 84

موفق آن شآء آلله =)

[ريتشارد]

المشاركة الأصلية كتبت بواسطة مهند عسيري المهم انا محتار جدا هل السنة التحضيرية سهلة واقدر ادخل طب اسنان بسهولة ولا لا

انت من يحدد إذا كانت سهلة او صعبة
بإجتهادك تمشي امورك زي العسل إلى نهاية السنة
وبتقصيرك بتشوفها صعبة وتعجيزية و إلخ ..

ولا يغرك ان النسبة وقفت على 84 ،
انت اعمل اللي عليك وغض النظر عن نسب التخصصات
ثلاثة من اللي اعرفهم بالتحضيري كانوا حاطين عينهم ع الطب البشري
وقالوا إذا ما انقبلنا ندخل اسنان لأنو النسبة للسنة الماضية بس 79
وبالأخير ما انقبلوا لا هنا ولا هناك
تعرف ليش ؟ لأنهم تخاذلوا وما حطوا عينهم على الـ 100

ما فيه شيء يجي بالساهل
وخذها مني ما راح تدخل طب الاسنان وانت مغمض
كل الاخوان والاخوات اللي انقبلوا بالتخصصات اللي يتمنوها مروا بمراحل
اعتذر عن ذكرها حتى ما طول عليك


بالمختصر ، ابذل السبب
الله أمر سيدتنا مريم أن تبذل السبب بهزها لجذع النخلة وهي في حالة ولادة
وهو قادر ان يسخر كل هذي الاشياء بدون جهد
لكن الله يطلب منا أن نعمل
فأنت تعمل اللي عليك والتوفيق منه سبحانه .