أريد التحويل من كلية العلوم إلى كلية إدارة واقتصاد..

[Stradivarius]

السلام عليكم ورحمة الله وبركاته
كيفكم أخواني جميعاً؟
إن شاء الله كلكم طيبين وإن شاء الله تكونوا كلكم مبسوطين من نتايجكم حقت التسكين

أنا سكّنوني في كلية العلوم في فرع الفيصلية مع إنها كانت رغبتي الـ 13
وأول رغبة ليا هيا إدارة واقتصاد، وأبغى أحول لها مع إنو نسبتي الموزونة أقل من أقل نسبة موزونة انقبلت لكنهم كتبولي إني اجتزت القواعد الخاصة ولكن لا يوجد مقاعد متاحة

هل في أمل ليا أحول لكلية ادارة واقتصاد؟ وإذا ابغى أحول فين أروح؟ اروح الفيصلية ولا السليميانة؟ ومتى أروحلهم؟

والله يجزاكم كل خير أخواني ويارب يسهل لكم الدراسة كوولكم
ويا ليت تفيدوني

[Stradivarius]

وهل يمديني أحول قبل لا يبدأ الترم ؟؟ ><

[سوسآ]

انا كمـآان ابا احول بس نسبتي اعلى من اخر نسبة انقبلت
ازا احد يعرف كيف و متى ياريت يقولناا

[Astronomer]

انا بروح الجامعه عند عمادة القبول والتسجيل على مااظن

[Dr:w]

طيب اقدر احول خارجي وانا نزلي تخصص -___-

* سوري لصاحبة الموضوع :$$$

[Stradivarius]

والله احنا مالنا حل إلا نروح لعمادة القبول والتسجيل ونخش في عينهم!!
لين متى واحنا تحت رحمة ظلمهم ونظامهم الخايس
ان شاالله بإذن الله أنا بروحلهم بكرة لأنو اليوم ما قدرت
ويارب يسير خير
وبالنسبة للأخت اللي تقول تبا تحول خارجي والله يا أختي ما فهمت عليكي الصراحة >< بعدين عادي يا قلبي خذي راحتك احنا هنا كلنا أخوات في الجامعة انظلمنا بسبب نظامهم الفاشل وغير العادل واذا ما وقفنا مع بعض في وجههم ما رح يتغير شي

[Dr:w]

^ مشكورة حبيبتي والله

انا ابغى اعرف عن الحويل خارجي جامعة عزوز يعني اقدر الحين بعد التخصص او لا

[Stradivarius]

شوفي أختي هذي الصفحة ممكن تساعدك

http://admission.kau.edu.sa/AccessPa...=AR&SYS_ID=116

[Stradivarius]

اليوم رحت عمادة القبول والتسجيل وحولوني على غرفة 2
وفي وحدة على مكتب اعطتني ورقة وقالتلي اكتبي فيها الكلية اللي تبغيها بس لازم نسبتك الموزونة تكون أعلى من أقل نسبة انقبلت وكتبت الكلية اللي ابغى اروحها واللي هيا ادارة واقتصاد مع العلم انو نسبتي الموزونة اقل من المطلوب لكن ما قدرت اكتب غيرها
والله يكتب اللي فيه الخير

[كل الحكي]

انا ما ادتني ورقه لانها شافت نسبتي اقل من النسبه اللي قفلت عليها كليه اداره واقتصاد ... الله كريم