تجربة بنت في تعلم الانجليزي بنفسها

[Fufroora]

السلام عليكم ورحمة الله وبركاته

Hi buds!

قسم الانجليزي الكرام

كيف حال اللغة معاكم ؟

حبوا العلم إلي انتم تدرسوه عشان تقدروا تتمكنوا منه

والله مو حلوة في حق اي طالب او طالبة انه يكون متخرج من قسم الانجليزي وحصيلته اللغوية ضعيفة !


لا تلوموا طرق التدريس ولا المناهج ..

كل واحد يقدر يتعلم بنفسه من دون معلم !!!

احكيكم الحكاية المدهشة ..

حكاية بنت ( مقيمة في السعودية ) كانت متفوقة في المدرسة ..

لكن الظروف ما سمحتلها تلتحق بالجامعة

البنت قررت تتعلم اي شي وكل شي !!

اتعلمت على الكمبيوتر من دون دورات !

وقررت تتعلم انجليزي عشان تقدر تفهم المواقع الانجليزية على النت

ومهي عارفة من فين تبدأ في الانجليزي ..

نزلت المكتبة .. واشترت رواية صغيييرة بالانجليزي

ولمن رجعت البيت وبدأت تقرأ .. لقت نفسها قدام كلمااااات كتيرة ما تعرف معانيها

وكان من المستحيل انها تجلس تترجم كلمة كلمة

صارت تقرأ .. بس تقرأ .. وتقرأ .. من دون ما تفهم معنى كل كلمة

بس انها كانت كل ما مشيت في الصفحات .. كانت تحاول تتخيل ايش إلي صاير في الرواية ..

وأخيراً انتهت من قراءة الرواية ..

مافهمتها تمام .. بس كونت فكرة عنها !

وبعد كم يوم .. رجعت تقرأ الرواية مرة تانية ..

نفس الرواية ..

بس المرة دي قيدها عندها فكرة صغييرة عن الاحداث .. وبدأت تحاول تربط الافكار ببعض ..

عادت قراءة الرواية دي .. مرة .. واتنين .. وعشرة ..

واشترت رواية تانية ..

وقرأتها بنفس الطريقة ..

والرواية الثالثة والرابعة كمان !!!

قولوا ماشاء الله تبارك الله !

النتيجة ..

البنت صارت عندها حصيلة كبييييرة من الكلمات الانجليزية .. إلي فهمت معناها من خلال قراءاتها فقط !!

بس صارت عندها مشكلة .. واعطيتها الحل لها

المشكلة انها صارت تفهم .. بس ما تقدر تتكلم .. لأنها ما تعرف كيف تنطق الكلمات ..

تفسير مشكلتها في علم اللغويات .. انها صار عندها مدخلات .. ومعالجة .. بس ما عندها مخرجات

المدخلات عن طريق قراءة الكلمات .. وعالجتها وفهمت معانيها وقاعداتها في مركز اللغة في الدماغ .. بس ماحاولت انها تتكلم او انها تكتب شي بالانجليزي !

يعني صار عندها مهارة القراءة عالية .. لكن باقي المهارات (التحدث - الاستماع - الكتابة ) ضعيفة !

نصحتها انها تحاول تكتب اي شي بالانجليزي .. لو حتى مذكراتها اليومية .. المهم لازم يكون عندها output


وانها تشوف افلام انجليزية .. بس ترفع الصوت على الآخرر وتخلي بالها من الكلام ( مو من الترجمة ) .. عشان تتنمى عندها مهارة الاستماع

مع العلم ان مهارة الاستماع هي اسهل مهارة .. وتتنمى عند الفرد بسرعة

بقيت مشكلتها مع التحدث .. عاد دي مااقدر انصحها انها تكلم نفسها بالانجليزي كمان !!
اخاف البنت تتجنن وهي تكلم روحها !!!


المهم ..

بصراحة ..

انا جداً اعجبت بالبنت الطموحة دي

وسألت نفسي ..

ليش استنى الناس يعلموني ؟؟

ليش انا ما اتعلم بنفسي كمان ؟؟

أفكر اني اتعلم فرنسي او اسباني

هوه صحيح الموضوع شوية صعب ..

والبنت ما عهدت عليها الكذب .. وما ازكيها على الله ... ولا كان قلت عنها انها زي فلم طرزان إلي كان يجي في سبيستون إلي عرف يتكلم لغة البشر لمن قرأ في كتب ابوه !!!!!!


بس الخلاصة ..

كل انسان له هدف وطموح وامل وأماني وأحلام ووجدان

ولكل انسان طريقته في تحقيق هدفه..

فخلونا نحب ما نعمل لنعمل ما نحب !

وبالجد والعمل نحقق الأمل !



عارفة ان كلامي كتير ..

خلاص روحوا على دراستكم .. الله يوفقكم !!

[مرغيد]

شكرا على الوقت والجهد اللي بذلتيه علشان نتعلم قيمة المثابرة والاعتماد على النفس

[Fufroora]

شكرا لمرورك مرغيد

الله يوفقك في دراستك

[English boy]

Well done
she really has done very hard and valuable work
it happened to a friend of mine who never attended college or uni
but he was deeply attracted to speak English and he used to ask us to teach him anything
till he decided to learn it by himself
he mostly did the same as ur friend and he succeeded in it perfectly

NOW.. he works for a larg company cuz he's very good in English

thank u Furfoorah for this nice pushing up our spirit to learn by adding such of these stories which make us more excited and ambitious to learn new languages...

[Fufroora]

English boy

Thanks for the sweet participation !


Wishing u all the best!

[][_ غــــــيــــــر _ ][]

موضوع رائع وبالفعل العزيمة والهمة العالية والرغبة في التعلم
لا غنى عنها لمن أراد أن يتعلم خصوصاً في مجال اللغة .
بدلاً من إلقاء اللوم على المدرس او المنهج
دمــــــــــــت بـــــــــــــــود

[Fufroora]

سعادة المشرف

][_ غــــــيــــــر _ ][


تشرف موضوعي بمرورك


شكرا لك

[مني يغار الورد]

موضوع رائع ربي يعطيك العافية
منجد لازم الواحد يحب الشي اللي يسويه حتى لو فيه محبطين
وباذن الله احنا قدها:)

[الإمبراطورة]

[B]

كل انسان له هدف وطموح وامل وأماني وأحلام ووجدان :43 ولكل انسان طريقته في تحقيق هدفه.. فخلونا نحب ما نعمل لنعمل ما نحب ! وبالجد والعمل نحقق الأمل !

Fufroora
كلآمك رآئِـــــــــــــــــع
شُكرآ ع الموضوع الجميــل..

بالتوفيق.. :)

[Fufroora]

البنت إلي منها يغار الورد ...

شكرا على مرورك


الله يوفقك في دراستك ..

شدي حيلك من بدري ..
لساتك في مستوى تالت
ولو احتجتي اي شي انا في الخدمة