نزول نتيجة بحث وتدريب عند عبدالله معتاد الخالدي

[الهوى الغايب 2]

الحمدلله طلعت نتيجة البحث وعديتهااااا بـ a
الله يجزاه ألف خير
وعقبال الباقين

[jameel2211]

السلام عليكم
اخوي ممكن تبين الدكتور هذا وش طلباته

[الهوى الغايب 2]

المشاركة الأصلية كتبت بواسطة jameel2211 السلام عليكم اخوي ممكن تبين الدكتور هذا وش طلباته

يووووووه الله لا يوريك والله طلباته كثيرة ولكن الدرجة هونت كل التعب ولله الحمد

وأحسن مافيه لايناقش أويسوي اختبار

أولا ترسله ايميل وتبلغه انك مسجل عنده بعدها تجلس لك 3 أيام أو أكثر عشان يرسلك خطة البحث
-- خطة البحث
10 أسئلة تقريبا تحلها من مصادر وكتب البحث العلمي يعني تلف المكتبات لين يطيح مابراسك مع كتابة المراجع وعدم الإعتماد على النت وترسلها في وقت يحدده لك
بعدها تسوي استطلاع في موضوع ولازم هو يقتنع فيه وإذا ما اقتنع فيه وبالعاده 99% مايقتنع
راح يرسلك استمارة استطلاع من عنده تتكلم عن مشكله اداريه وتوزعه على (100) واحد على الأقل يعبونها ويقولك مايصير انت تعبيها ولا تنطلها عند الأبواب ومن هالكلام وذا اتضح انك خالفت التعليمات تروح فيهااا وبعدين تجمعها وتشوف وش المشاكل وترتبها حسب الأكثريه وتسوي بحثك عليها بما لايزيد عن (20) ورقة وبعد ماتخلص بحثك ترسله على البريد مع كامل الإستمارات
ولازم تلتزم بالوقت المحدد لك وتتبع جميع التعليمات اللي في ورقة خطة البحث المرسلة لك

(طلبات واجد وتجيب الهم ولكن الدرجة حلووووه ولله الحمد)

أتمنى اني افدتك

ودمت بود

[الحوووووووووووت]

الف مبروك وعقبال التخرج ...

والله اني سجلت عنده ويوم شفت الطلبات انحشت منه على بالي ذكي وطحت طيحه الله لا يوريك عند الروابده على ماسمعت عنه قلت وصلت خير واخرتها بعد تعب وبحث وتغليف 78 ولكن الحمد لله على كل حال ... وانصح الشباب اللي بيسجلون مادة البحث لا يسجلونها عند الروابدة !!!