البرامج الخاصه والايفاد_التفرغ وموافقة جهة العمل

[Fooz s]

السلام عليكم تم قبولي في البرامج الخاصه القصيم ماجستير وانا موظفه ابعد عن القصيم 300كم. ذهبت لمركز التدريب والابتعاث قالوا لي لايحق لك موافقه جهة العمل لانك تبعدين اكثرمن 150عن الجامعه والتالي شهادتي بعدين بتصير غير معترف فيها ولايرفع مستوى للسادس قمة الاحباط. طلعت لي تعميم الدراسه المسائيه وفيه شرط موافقة جهة العمل ان لاتبعد مدرستي عن الجامعه اكثر من 150. ياليت اللي عنده حل او خبره يفيدني الله يجزاه خير

[ghreep aldar]

تاخذي السادس بعد التخرج مباشرة ولا يحتاج موافقة جهة العمل لبرامج القصيم

[Fooz s]

المشاركة الأصلية كتبت بواسطة ghreep aldar تاخذي السادس بعد التخرج مباشرة ولا يحتاج موافقة جهة العمل لبرامج القصيم

لايحتاج موافقة جهة العمل عندالتقديم على الجامعه بس من الادارة لازم اخذ موافقه حتى تعترف بشهادتي الخدمه المدنيه /احتاج الى تعميم يساعدني :

[ghreep aldar]

من قالك

ماراح تحتاجين موافقة ولو كانت الكلية جنب بيتك ماراح يعطونك لاموافقة ولا ايفاد ولا حتى اجازة دراسية
نظام نهاية الاسبوع يختلف بالكامل كل ما عليك الاحتفاظ بافادة القبول والجداول الدراسية والوثيقة واعطاء شؤون الموظفين بالادارة ومبروك عليكي السادس

موضوع كامل نزلت فيه التعميم باسمي في هذا المنتدى والمنتدى الاخر


اي خدمة انا موجود

[Fooz s]

جزاك الله خير ياghreep aldar الله يسهل لك امورك. اذا تنزل لي رابط الموضوع لانهم ذكروا لي تعاميم البنات تختلف عن البنين

[ghreep aldar]

التعميم هذا يشمل كل الموظفين في الدولة لانه يتبع الخدمة المدنية وفي تعميم المستوى السادس الخاص بالتعليم يشير لرقم وتاريخ هذا التعميم بالنسبة للدراسة نهاية الاسبوع

عموما هذا هو الرابط وما عليكي يافوز ادرسي وكملي والسادس في جيبك ان شاء الله انا لفيت كل المواقع واتصالات بالوزارة سواء التعليم او الخدمة حتى وصلت لاجابة مقنعة

بالتوفيق

http://www.skaau.com/vb/showthread.php?t=563804

[سادس ج]

لايحتاج الى موافقة ....

وبالنسبة للإختبارات عليكم بمراجعة شئوون الموظفين وليس التدريب التربوي

والافضل ان تشعر مديرك بجدول الاختبارات وتذهب وتحصل من الجامعة مشهد

حضور إختبارات .. وتسلمة لمديرك لكي يرفعه لشئوون الموظفين لان النظام يسمح

لك فترة اختبارات بشرط لا تزيد عن شهر ... والله ولي التوفيق