والله اني كرررررررهت الجامعه

[sfsf]

إلى متى وأنا كل تيرم وأنا أعاني من مشكله والسبب إني من خارج جدة مالي حق في اعادة تصحيح ورقة الاختبار
مايكفي نترك أهالينا وأزواجنا ونجي نتمرمط ونختبر وفي الآخر درجات والله مانستحقها ولا حق التعب والدراسه والمشكله نطابق الحل بالكتاب ويطلع اغلب الاجابات صح يعني نتوقع درجه ممتازه لا مو ممتازة معقوله وفي الأخير F ليش ؟

اختبرت مالية شركات عند نسمة حشمت وكان الاختبار رائع وفي الاخير f ونراسل الدكتورة ولا مانراسل مااحد حولك ونراسل رئيسة القسم ولا احد حولك ونتصل على الجامعة مااحد يرد طيب ليش حاطين ايميلات وارقام ؟؟؟؟ حسبي الله ونعم الوكيل

الله لايضيعلنا تعب وبس وأنا متأكدة اللي امر فيه يمرون فيه كثير من طلاب جامعتنا

سامحوني والله معصبه ومالي غيركم

[ورده جوريه]

الله يكون بعونك والله حاسه فيك وأنا نفس المعاناة ..بس مانجني غير القهر

[طلال الاسلمي]

اطلب لجنة لمراجعة ورقة الاختبار

تصحيح يدوي

اذا كنت متأكد من حلك بس غالبا يكون السبب من الطالب ما حل في الاختبار او لخبط

ومشكلة هالمادة انه اذا ما عرفت تجاوب على سؤال ما تقدر تجاوب على باقي الفقرات لانها مترابطة

[sfsf]

شكرا ياوردة جورية الله يكون بعون الجميع

[riyadh]

ما تنلامين انا مادة مالية شركات جبيت فيها f مع اني كنت واثق من الحل لاكن الشكوي لله واخذتها بعدين وعديتها الله يسهل لك امرك

[المحترف]

السلام عليكم ورحمة الله وبركاته ،،،


الموضوع سهل جداً ، وما يحتاج هالزعل كله ،،،


صار معي نفس الموضوع قبل فترة بمادة المحاسبة 101

وخرجت وأنا متوقع درجة عالية وفي النهاية طلع لي الحرف المرعب f


ووقتها ما تعبت نفسي ولازعلت لأنه إذا لي شي أكيد إني باخذه بإذن الله تعالى



بعدها أرسلت بطريقتين :

الأولى : أرسلت معاملة إلكترونية إني ما أشك لا في التصحيح ولا في الترصيد ولكن ليطمئن قلبي .



والثانية : أرسلت فاكس لمدير الجامعة (( أخذت رقم الفاكس من موقع الجامعة ))

ونفس الكلام وطلبت إنه إذا سمح لهم الوقت إنهم يراجعوا إجاباتي لأني كنت متفائل بدرجة عالية

وبرضه نفس الكلام كتبته إني ما أشك إنه فيه أخطاء ولكن ليطمئن قلبي .


طبعاً ارسلت المعاملة الإلكترونية والفاكس بنفس اليوم ، ونسيت الموضوع


بعدها بإسبوعين فقط جاني إتصال من الجامعة وطلع إلي كلمني سكرتير مدير الجامعة


وافادني إنهم راجعوا ورقتي وطلعت درجتي 44 وأعادوا تصحيحها وبرضه أخذت 44


هذا إلي صار معي بدون تعب ولا روحة للجامعة ولا دوشة راس


بصراحة شكرتهم على الإهتمام وإنه بصراحة تفاجأت إنهم تجاوبوا معي ،،،





فلا تيأسوا راسلوا الجامعة تراهم متجاوبييييين ...

[gardenia]

ياحيآتي والله حاسه فيك لأني حملت هالماده مع د - خديجه حريري ووالله إني إنقهرت من قلبي

لأني نفس الشي خرجت من الإختبار وانا ضامنه مو أقل من 85 وكمان كان إختبار بديل :(

لكن طلبت العوض من رب العالمين وماراجعت ولاشي .. وجيت يوم الإختبار حق دا الترم لقيت

4 بنات شايلين الماده معاي بالإختبار البديل وقتها تأكدت إنه الأوراق أصلا ماتصححت !!

مانقول إلا حسبي الله وهو نعم الوكيل وهو اللي بيردلك حقك وحق كل وحده تحس إنها إنظلمت ..

لكن لآتيأسي وحاولي ترآسليهم زي ماتفضل الأخ "المحترف" يمكن يتجاوبوا معك ..

الله يفرج همك حبيبتي ويوفقك اللهم آمين :)

[شموخ الوايلي]

المشاركة الأصلية كتبت بواسطة gardenia ياحيآتي والله حاسه فيك لأني حملت هالماده مع د - خديجه حريري ووالله إني إنقهرت من قلبي لأني نفس الشي خرجت من الإختبار وانا ضامنه مو أقل من 85 وكمان كان إختبار بديل :( لكن طلبت العوض من رب العالمين وماراجعت ولاشي .. وجيت يوم الإختبار حق دا الترم لقيت 4 بنات شايلين الماده معاي بالإختبار البديل وقتها تأكدت إنه الأوراق أصلا ماتصححت !! مانقول إلا حسبي الله وهو نعم الوكيل وهو اللي بيردلك حقك وحق كل وحده تحس إنها إنظلمت .. لكن لآتيأسي وحاولي ترآسليهم زي ماتفضل الأخ "المحترف" يمكن يتجاوبوا معك .. الله يفرج همك حبيبتي ويوفقك اللهم آمين :)

بجد جامعة غريبة عجيبة كل 10 دقائق نظام اللة يخلصنا منها ونتخرج ونفتك وننسى اتعس ايام عشناها في حياتنا ؟غربة ورسوب وقهر وتعب وطفش.شى يرفع الضغط ثلاثة ملايين نسمة . اختي راجعيهم وارسليهم ولا تتياسين وخلى املك باللة كبير .وفالك الفرح والنجاح

[إح ـساس]

مشكلة أغلب دكتورااات الجامعة .. ما يعترفوا بشي أسمو أيميل
مع انو أفضل و أحسن و أسهل طريقة للتواصل مع الطالب ..
أنا كنت مثلك لما كنت انتساب تعب بين المنطقة الشرقيه و جده
الله يكون بعوونك يا عسل بس نصيحتي لكي أنك ما تجلسي تتذمري مرا كتير لانو الجامعة بالنهاية هيا مستقبلك ..


د نسمة مرررا عسل
و ما أتوقع أنك لو طلبتي منها تراجع لك أختبارك راح ترفض و كثير تراعي ظروف الطالبات
أنتي أهم شي لا تشككي في تصحيحها و أطلبها بطريقه حلوه ..
أعملي نفس الخطوات اللي عملها أخونا المحترف ..

و الله يسهل أمووورك

[sfsf]

كلامكم على العين والراس لكن ايش اسوي؟؟؟ ارسلت للدكتورة نسمة ورسلت لرئيسة القسم واتصلت يوميا اتصل ولا فيه اي تجاوب

هذا اللي بيدي لأني بالرياض