بنات بستشيركم مادة حره من قسمكم

[جامعية كوول]

السلام عليكم
أناأخذت ادارة مشاريع صغيرة وباقيلي ماده حره ثانية
ايش تشورو عليا؟؟
أبغى ماده سهلة خفيفة لأني تخرج باذن الله..
سمعت عن مباديء تسويق سهلو ولافي أسهل منها
انتظركم عشان بكره بروح أضيفها..

[سوسا]

مبادئ تسويق لو انتي تحبي تحفظي

ماده نظريه بحته

انا عن نفسي ما حبيتها ابدا

بس نزلي ملخص و شوفي انتي كيف معاكي الماده تعجبك او لا

[جامعية كوول]

امم يعني ماأبغى كله حفظ
طيب ايش ممكن أخذ ماده حره؟؟

[Mona ALharbi]

خذي منظمة التجارة العالمية مع فهد العتياني

ملزمة 20 ورقة بس اللي معاكي و يجيب الاسئلة نفس الاترام السابقة بالضبط

اذا تحبين مواد علمية خذي مالية دولية مع نسمة

[جامعية كوول]

منظمة التجارة يقولو دسمة مره صح؟
هذا اللي قريته في قسم الملخصات

[Mona ALharbi]

عزيزتي

لو دسمة ما قلت لك خذيها :) جبت فيها a الحمد لله

الملزمة 40 ورقة بس و ذاكري الجزئية المذكورة في نموذج الأسئلة

إبحثي بالمنتدى و حملي الملزمة و حملي النموذج

الاختبار جانا نفس النموذج مع تغيير بسيط في الكلمات و من الجزئية الأولى من الملزمة فقط

كانوا معاي بنات كثير بالقاعة ماخذينها إختيارية

[مهاوي2008]

وش رمز منظمة التجارة العالمية

وممكن تعطيني رابط الاسئله اللي جت منها الاسئله؟؟؟

[جامعية كوول]

يسلمووو حبيبتي ماقصرتي

[gardenia]

يسعد صباحك :)
صراحه انا ما أنصحك بالتسويق ماده دسمه ومليانه مقارنات ومعلوماتها كتيره
وأبدا أبدا مو خفيفه زي ما انتي فاهمه !!

أنا عن نفسي ماحبيتها ..
فيه سلوك انساني ماده خفيفه وسلسه وملزمتها مقبوله نوعا ما مو كبيره :)

[اخت القمر]

السلام عليكم
حبيتي مبادى التسويق مره ماحبيتها أخذتها هي وتسويق دولي مرره الاثنين مهم حلوين والحمدلله افتكيت منهم ليش ما تاخذي السيرة النبوية يمدحوها كثير أنا عن نفسي كنت ناوية أضيفها هذا السمستر بس في تعارض مع مادة عندي لازم أخذها يعني إن شاء الله السمستر الثاني