إهداء لـ خطة ب الجدد

[noonz]

السلام علييكم ورحمة اللـه وبركاته

كيفكم إن شاء الله طيبين ❤
ح أدخل ف الموضوع دوغري :p

طبعا زي ما انتو شايفين كثرت المواضييع فالقسم عن أفضل الدكاترة , أفضل الملخصات , أفضل المصادر للمذاكرة .
بحكم إني أنتهيت من خطة ب رآح أفيدكم شويآت

يلآ بسم الله

1- الإحصصآء

مادة جدا سهههههلة "إذا فهمتوها" تعتمد ع الذكاء حبتين يعني لازم تعرف متى تستخدم أي قانون ومتى المفروض ما تستخدموه

الاختبار الدوري الآول كان ف الثلاث شباتر الاولى وأغلبها نظرية
الاختبار الدوري الثاني ح يكون في شابتر 4 "شابتر الاحتمالات" وهذا الشابتر يحتاج تركييز جدا عالي + جزء من شابتر 10 و 13 جدا سهلة + نص شابتر 5 برضو كله تعويض مباشر هنا
هذا بالنسبة للدوري الثاني

النهائي ح تكون داخلة كل الشابترز + الجزء الباقي من شابتر 5 + شابتر 6
طبعا أكثر شابتر ما حبيته هو شابتر 6
الاختبار النهائي كان صعب بالنسبة للاختبارات الدورية لانها كانت تجينا مرة سهلة
لكن بوجه عام مو صعب للي مذاكر وفااهم ,
ف الاختبار هذا ركزززوا مرررة على شابتر 6 :s

أفضل الدكاترة :

ريم الحربي "أستاذتي"
سماح سندي
لميس العمودي
مها الاشرم
في كمان عبير بالبيد بس ماقد حضرت لها شيء ف مادري شرحها كيف

مصادر المذاكرة :

الاحصصصاء اعتماد كلي على الكتاب
طبعا الملخصات لتثبيت المعلومة والتدريب

ف جزئية الدوري الاول أنصح ب ملخصات السعدي
جزيئة الدوري الثاني و الفاينل أنصصح وبشدة ب ملخصات أشرف بركات

الاحصصاء مادة حلوة وممتعة شوية , ممكن تلاحظو ف الكلاس انكم منتو فاهمين شي وهذي حالة طبيعية , بس صدقوني المنهج جدا سهل وحاولوا انكم ماتنقصو فيه

و ب كذا نكون أنتهينا من الاحصاء

_________________________________

2- الكيميييآء "مآدتي المفضلة"

الكيمياء شوي طويلة لكن والله كلها اعادة للثانوي واذا فيه اضافات ب تكون بسيطة

جزئية الدوري الاول كانت الاربع شباتر الاولى

جدا سهلة حاولو ماتنقصوا فيه

جزئية الدوري الثاني كانت أربع شباتر برضه بس شوي أصعب من الدوري الاول

الفاينال طبعا كله معانا + شابتر 14
و شابتر 15
و شابتر 24 و25 "في اشياء محذوفة منهم"
والاختببار النهآئي كان مررررة سهل

أفضل الكاترة :

فوزية البلوي "أستاذتي"

زي ماقلت من قبل مايختلفوا عليها اثنين
جدا شرحها رائع متعاونة دايم تتواصل معانا وترسنا مراجعات وأشياءات xd
درجات شعبها أعلى الدرجات على مستوى الخطة ماشاء الله
تشربك المادة شرب

2- ليلى الحربي "منسقة المادة"
برضو جدا رائعة
أعطتنا محاضرتين لمن غابت أستاذة فوزية

3 - إكرام دانش
ماعمري حضرت لها بس معروفة كويسة

مصادر المذاكرة :

طبعا الكتاب كبير وكان يسدلي نفسي ف ما كنت أفتحه
كنت أذاكر من سلايدات دكتورة ليلى شاملة كل شيء
بعد كل شابتر ادخلو موقع دكتورة اكرام دانش وتلاقو اسئلة لكل باب حلوها حلوها حلوها
بعد ماتخلصو كل اربع شباتر ح تلاقو تست بانك دكتورة ليلى الحربي في موقعها برضو جددددا مهم ,
كنت برضو اذاكر من ملخصات سيد لانه يجيب تمارين كثيرة ف حلو عشان تتدربي ع الاختبار

ب هذي الطريقة ان شاء الله تضمنو الـ a+

_______________________________

آخر شي ,
3- الآحيييآء xd

طبعا المذاكرة ح تكون من السلايدز تحملوها من موقع "ولكم بيولوجي "

قلتها مليون مرة بس ح أقولها برضو هنا

الاحيييآء لو راكمتوه لليلة الاختبار ح يصير جدا صعب واسأل مجرب

كل محاضرة ارجعو اقرؤوها بتركيز مو لازم تحفظوها صم
وعلى الخميس والجمعة راجعوها صدقوني ح ترتاحو ليلة الاختبار
بعد ماتذاكرو ممكن تدخلوا على الترينينق وتحلوا اسئلةة
ولحد يشتري الكتاب هع

الدكاترة
1- حنان الشاذلي "سمعت انها مرة كويسة"
2- سيلينا صديق "منسسقة المادة"
3 - فتون صايغ "دكتورتي"

وب كذا نكون انتهينا من خططةة ب

*في نقطة ماذكرتها فوق
ليلة الاختبار لازم تحلو نماذج اختبارات للمادة جدا مفييدة

أنا لآحظظت انو الاغلب متخوفين من هذي الخطة لكن صدقوني والله انها مرة سههههلةة وممتعة

بحاول إذا قدرت أنزلكم نماذج الاختبارات وهيك بس كل مأحاول هنا يقولي فشل :(

ويلا دعواتكم عاد مانستغني عنها :)

الله يوفقكم يارب ❤ ❤