معلومة

[دافور الجامعة]

واحد صاحبي ابوه اداري في الجامعة يقول انهم الا الان الجامعة مهي عارفة كيف تحسب الدرجة الموزونة ومهم عارفين كيف يوزعو الطلاب في الكليات
وفي احتمال كبير انو يشيلو السنة التحضيرية السنة الجيه
بس السؤال نحنا ايش ذنبنا نحنا والله اسوء دفعة جربوا علينا كل التجارب الفاشله والتجارب الغير منصفة فسار الي جايب 100 % مع كل احترامي زي الي جايب 80%
والله كثير من اصحابي ندمو انو دخلو الجامعة و ضيعو سنة من عمرهم و على فكر في عدد مو بسيط سحبو وغير الي يفكروا يسحبو من الجامعة نحنا دي الايام نعيش قلق الثانوية العامة بالضبط
واغلب المواضيع والمشاركات اكبر دليل



والله الموفق
العمل : طالب بجامعة الملك عبدالعزيز
الكلية : بدون كليه

[rere_al3asl]

صدقت
والله السنة التحضيرية احسهاا مرره ظلم
والله انظلم فيهاا وغير انوو احنا الدفعة صاارت عليها كل التجاااااااااااااااااااااااااااااااااااااااااااااا ارب
بس ينزل قرارات واحنا الي نرووح فيهاا
الله يستر من الجاي

[kittkaat]

الصراحه واللي المفروض يصير انو كل واحد يدخل التخصص اللي يبغاه بعد التعب ذاه كلو مو ننطرد بعد ماتروح سنه من حياتنا ع الفاضي .. يعني مو يسوو فينا كذا وبالنهايه طرد ..

[masker]

مع احترامي لك اخوي بس كيف يعني مي عارفه كيف تحسب المعدل الموزون
الجامعه قبل ما تقر السنه التحضيريه وضعت خطط وحددت كم طالب بيدخل الجامعه وكم سعات الكليات ولكل واحد مننا نصيبه
صراحه انا مع تطبيق السنه التحضيريه لانها حددت اللي شاري شهادة الثانويه واللي تعب وكرف
واسال الله لي ولكم التوفيق

[دافور الجامعة]

اعتقد انو اختبار القدرات و التحصيلي مقياس كافي عشان تعرف الجامعة كما اتفضلت مين شاري شهادة الثانوية
و احب انوه انه ما ذنب الي يدخل هندسة بدراسة مادة الاحياء و ما ذنب الي يبغى يدرس طب بدراسة مادة الرياضيات و الاحصاء اعتقد انه كافي مواد عامه في مراحل العمر الي فاتت الجامعات او خليني اقول المدارس الي برا يتخصصوا من مرحلة دراسية قبل الجامعة و نحنا في الجامعة ندرس تكمله للثانوية

[دافور الجامعة]

لكم الله يا طلاب السنة التحضيرية

[يلدرم]

يعنى تتوقع الامور في الجامعة اعتباطية؟

واحد كان طفشان وقال يالله نحط لهم الدرجة الموزونة وندرسهم سنة تحضيرية

[Miss stat]

ليه التحبيط و الحسره دي اللي انتو فيها؟؟؟؟؟؟؟؟؟

خلاص الكلام دا مالو اي فايده,,, مهما تحسرنا .... مهما حاولنا نتحبط و نحبط غيرنا بس ما في فايده ,, ما رح يتغير شي

سووا اللي عليكم و ما تلوموا احد... و الكلام الكتير ما رح يجيب نتيجه



و بصراحه مع احترامي لك يا اخي ,,, بس ما اتوقع انه صحيح انهم الين دحين مو عارفين كيف يحسبوا الدرجة الموزونة
بدليل انها موجوده و محسوبة

[dandoosha]

يلدرم قلت اللي ابغا اقولو

المسأله ماهي لعبه تتغير القوانين فجاه وفجأه ما يلاقو حل لبعضها

دا شئ مدروس من قبل ما يطبقو

اما حكايه التذمر من دي السنه تعبنا ياهو والله يكفي كلنا تعبنا ومعدلاتنا طاحت

كتر الشكوى تحرم الانسان من اجر التعب اللي تعبو

[.SuperGirl]

الله يسعدكم يا اخواني كلكم
سرقتو الكلام كلو من لساني
شكرا قلتو كل اللي كنت باقولوا
ماسكر مس ستات داندوشه ويلدرم
انا معاكم في كل الكلام اللي قلتوه